Ijila 7:13 - O Mikanda Ikola

¹³ Bhu kala ue ni jimbolo ja felemendu, jʼijila kumoxi ni sata iê ia paze mu kutenesa o sata ia kusakidila.

Ijila 7:13 ပူးပေါင်းရင်းမြစ်များ

Jelemiia 33:11

Hanji a-nda kuívua-mu o mbimbi ia kukemba, ni mbimbi ia kusanguluka; mbimbi ia ngaiala, ni mbimbi ia dibhanga; ni mbimbi ia iá a mu tanga, exi: Ximanenu Jihova dia Ifuẋi, kuma Jihova mukua mbote, mukonda o kulenduka kuê ki kuene kúbhua; ni mbimbi ia iá a mu kuiza mu ku bheka diximanu monzo ia Jihova; mbata o kikexilu kia ixi nga-nda ku ki lungulula uila ku dimatekenu, kiene kia tange Jihova.

Ijila 2:12

Se ku mubhaku ua ibundu ia kutomona, felemento ni uiki u kalê; maji mu kubhanga dizumba diambote kua Jihova ku kalatódio, kana.

Ijila 23:17

Enu-oso kiá ku madiembu menu mubheka jimbolo jiiadi ji kale ja kubhukila; ji soke tu-inda tuiadi tua fuba iafina, anga a ji kanga ni felemendu; jene-phe o mutômo ua Jihova.

Ijila 23:18

Mu ji bhakula kumoxi ni sambuadi dia tumbudi tua jindumbe, tua kambe kisemu, tua kuata kiá muvu umoxi, ni ngalote ia ngombe, ni ilumbe iiadi ia jimbudi; iene ioso ikale sata ia kuoha phala Jihova, ni mubhaku uê ua musa, ni maluvu mê ma kúnua, ibhite ku ujitu ua kubhakula ni túbhia, kuma dizumba diambote kua Jihova.

Amoji 4:5

Bhanenu sata ia diximanu ia jimbolo jala ni kifulufulu kia kinanesa; Kolenu muene o mibhaku ia vondadi, tangenu-kiu ku mundu! Mukonda enu ue mu anʼa Izalaiele kiene kia mi uabhela, Jihova Nzambi kiene kia tange.

Matesu 13:33

Anga u ambela kifika kia mukuá, uixi: Utuminu ua Diulu ua difangana ni kithûthume, a ki katula kuala muhatu, anga u ki sueka mu izongelu itatu ia fuba, katé iene ioso ia futunuka.

I Timote 4:4

Kuma kimbamba kioso kia bhanga Nzambi kia uabha, kana-bhu kia tokala kudituna-kiu, se athu a ki tambula ni musambu ua kusakidila.