Ijila 7:12 - O Mikanda Ikola

¹² Se sata iê ua i bhana mu kusakidila, kifua sata ia kusakidila, kikale u bheka, ni kibhaku kia sata iê ia kusakidila, jimbolo ja kambe felemendu; jólunge ni maji; ni jibolaxa ja kambe felemendu, jóuese ni maji, ni jimbolo jamukuá jólunge ni maji, ja fuba ia uabha kiambote, jalungana muene kiambote.

Ijila 7:12 ပူးပေါင်းရင်းမြစ်များ

II Malunda 29:31

Ezekiia anga u kumbulula, uexi: o kiki-phe mua di lumbila enuʼenu muène kua Jihova; bhiẋilenu-phe, muize ni jisata ni maujitatu ma kisakidilu, kuma diximanu ku inzu ia Jihova. O kifuẋi anga ki bheka jisata ni maujitu ma kisakidilu kia diximanu; o ene oso a kexile na-kiu ku muẋima, a bheka jisata ja kubhakula ni túbhia kua Jihova.

II Malunda 33:16

Anga u tunga dingi o kalatódio ka Jihova, u bhela koko o jisata ja uembu ni ja diximanu; anga uambela Juda kuila ende ni kubhikila Jihova, Nzambi ia Izalaiele.

Nehemiia 12:43

Mu kizuuʼokio anga a bhakula jisata ja makota, hé a kala ni kusanguluka; mukonda Nzambi ua a sangulukisile ni kusanguluka kua ndumba; katé ni ahatu ni anandenge a sanguluka, kia bhangesa kuila o kusanguluka kua Jeluzaleme a kuívua katé ni ku makanga.

Jisálamu 107:8

Tamano-phe a ximana jinga Jihova, ni kuxinganeka jimbote jê, ni madiuanu oso ene mù bhanga ku anʼathu mu ngongo!

Jisálamu 116:17

Ngi ku satela sata ia kusakidila, ngi hingila jinga mu dijina dia Jihova.

Jisálamu 50:23

Uoso u ngi satela sata ia kusakidila, muene muthu ua ngi bhange ujitu; uoso ue u iukisa uendelu uê, muene ngi mu idikiza o ubhulukilu ua Nzambi.

Jelemiia 33:11

Hanji a-nda kuívua-mu o mbimbi ia kukemba, ni mbimbi ia kusanguluka; mbimbi ia ngaiala, ni mbimbi ia dibhanga; ni mbimbi ia iá a mu tanga, exi: Ximanenu Jihova dia Ifuẋi, kuma Jihova mukua mbote, mukonda o kulenduka kuê ki kuene kúbhua; ni mbimbi ia iá a mu kuiza mu ku bheka diximanu monzo ia Jihova; mbata o kikexilu kia ixi nga-nda ku ki lungulula uila ku dimatekenu, kiene kia tange Jihova.

Hozeia 14:2

Endenu ni ku di tela mudienu maka a kudiela, phala mu vutuke kua Jihova. Ngana mu tangedienu, kuila: Tu loloke o ikuma ietu ioso, u tu tambulule; bhu kididi kia ku ku satela tungombe, xikina, Ngana, o sata ia ujitu i tunda ku mizumbu ietu, kuma diene dibhôko di tua ku tela.

Ijila 2:4

O ki u bhanga ujitu ua mubhaku ua musa, uókange mu forno, ji kala; jimbolo ja kambe felemendu ja fuba iambote iolunge ni maji, ni jibolaxa ja kambe felemendu jʼokunge maji.

Ijila 2:5

O ujitu-phe se u kala mubhaku ua musa ua kukanga bhu kienga, u kala ua fuba iambote ia fina ia kambe felemendu iólunge kiambote ni maji.

Ijila 22:29

Jihova ue, se muambe ku mu satela sata ia jiphembele, mu ki bhanga-phe ni muxima uenu.

Ijila 6:16

O ioso ia subhuka-ku, Alá ni anʼê ene a i dia; a i dia ia kambe felemendu, a i dila bhu kididi kikola; mu kithâdi kia balaka ia kutakanena muene mua i dila.

Ijila 7:15

O xitu-phe ia sata iii ia paze, o sata ia kusakidila, kikale a i dia kizuua kiene kia bhana o ujitu uê; ka xi-ku dingi kima katé kuákie.

Amoji 4:5

Bhanenu sata ia diximanu ia jimbolo jala ni kifulufulu kia kinanesa; Kolenu muene o mibhaku ia vondadi, tangenu-kiu ku mundu! Mukonda enu ue mu anʼa Izalaiele kiene kia mi uabhela, Jihova Nzambi kiene kia tange.

Dialuilu 6:15

ni kinda kia jimbolo ja kambe kifulufulu kia felemendu, ni makende ma fuba ia kábhia iòtoxe kiambote iólunge ni maji, ni jibolaxa ja tolo mukômo jóuese ni maji, ni mubhaku ua mákudia ni ua makunua.

Luka 17:16

Anga uiza u fukama ni pholo bhoxi, bhu inama ia Jezú, hé u mu sakidila.

Luka 17:18

Kífua kana-bhu muthu u vutuka mù ximana Nzambi, kikale muenhú ngó mukua ʼxi iengi?

Loma 1:21

Mukonda sumbala Nzambi a mu ijidile, ka mu bhana ujitu kala Nzambi, ka mu sakidila. A biluka-phe jisemenhi mu jiphata jâ, o muẋima uâ ua kutobha anga u vunda.

Efezo 5:20

Muila ni kusakidila jinga ima ioso kua Nzambi, muène Tata, mu dijina dia Ngana ietu Jezú Kristu.

Jihebeleu 13:15

Mukonda dia Jezú Kristu tu bhanienu kilumbu kia kuximana jinga Nzambi. O diximanu didi, iene o sata i tua bhakula—ujitu ua tundu ku mizumbu i fisala o dijina diê.

I Phetele 2:5

Enu uenu kala mu matadi ma muenhu, ehelenu-phe Nzambi phala a mi Uzale mu kutunga o Tembulu ia nzumbi, ni ku mi bhanga kibuka kia jinganga jolumbile Nzambi, ji bhana o jisata ja nzumbi, ji uabhela Nzambi, mukonda dia Jezú Kristu.