Ijila 6:4 - O Mikanda Ikola

⁴ se kiene ki kia bhiti, kituxi ua ki te, uala ni kuêla; kikale u futa kioso kia nhana, mba kia tambula mu kusuina mba kimbamba kia mu bhakesa, mba kiangene kia bongo, o mukua kiê ua mu ijiia,

Ijila 6:4 ပူးပေါင်းရင်းမြစ်များ

Dimatekenu 21:25

Mbalahamu anga u bazela hanji Abimeleke mukonda dia kixima kia menha kia tambula o jiselevende ja Abimeleke mu nguzu.

Nehemiia 5:11

Nga mi diondo a vutuidienu kiá, lelu muene, o jixi jâ, ni mivide iâ, ni midivua ia, ni jinzo jâ; mu a vutuila ue ni milambongo ia kitadi kia kuvualesa ki mua tambula ku tiliku, ni kia vinho, ni kia maji, ki muala ku a bhinjika ku mi futa, mu ki vutula.

Jobe 20:19

Mbata ua tatesa jinga athu, o jingadiama ua jʼehelela, iú ua nhana jinzu ki muene ua ji tungu.

Jobe 24:2

Sai-ku amoxi, jimbambe a ji sondolola, a nhana ilunga hé a kuata ku inga

Izaía 59:6

Uandanda uâ ki u xikina ku u bhanga kizuatu, midimu iâ ka kà tena ku divunga-iu; midimu iâ midimu ia ituxi, o bhu maku mâ bhuezala ibhangelu ia usuéia.

Izekiiele 18:12

ni kubhondeleka o phulungu ua tate, ni kunhana, o kia mu ximbikila ku dikongo ka xikina ku ki vutula, uenda ni kuzambula mesu mê ku mahamba, ni kubhanga ima ia isunji;

Izekiiele 18:18

O tatʼâ kuma ua bhange ungulungumba, ua nhana jimbongo ja mukuá, iú ua bhange kiókio ki ki fuama ku ki bhanga mu kaxi ka mundu ue-muène, muene-ku ufua mu kikuma kiê.

Izekiiele 18:7

ka xikina kubhondeleka muthu uoso-uoso, o kiximbi kia mu ximbikila mukua dikongo u mu vutuila-kiu, ka xikina kunhana, o uala ni nzala u mu bhana kudia, hé u zuika kizuatu kua ió uala ni tuẋi.

Izekiiele 33:15

mukua-phulu muenhú hé u vutula o kiximbi kia mu bhele, nʼa futu kioso kia nhanene, hé uendela mu jingonge ja muenhu, u fula kubhanga o phulu, ni kidi muene ua kà kola muenhu, ka kà fua, kana.

Izekiiele 44:19

O ene, ki eza ku lumbu lua kanga, kuala o mundu, mu lumbu lua kanga, o izuatu ia bhange na-iu o ukunji a kà i zula, hé a i tula mu maxilu ma kôla, anga a kà zuata imbamba iengi, mbebhu o mundu ka kà u kôlese mukonda dia kukala ni izuatu iâ.

Ijila 24:18

Maji uoso ujibha kibhaku kiangene, a ki bhinganese, muenhu ufuta muenhu.

Ijila 24:21

Uoso-phe ujibha kibhaku kiangene, a ki vutule, maji uoso u jibha o muthu, muene ue a mu jibhe.

Ijila 4:12

kifua ngombe iene ioso kiá, u xia bhu kibangu, hé u i bheka ku mukáu, bhu kididi kiazele, bhu dixita dia utôkua, anga u i ohela bhobho ku jihuinhi ni túbhia; bhuoso bhu dixita dia utôkua bhene bhu a i ohela.

Amoji 3:10

Mukonda ku bhanga kia iuka a ki tokoka kala kiambe Jihova, o mu mazemba mâ a sueka-mu kusuína ni kusenguluka.

Mikeia 2:2

Mikáu iangene ia a kuata luimbi, a i bhûnda muene ku jingana jê, ni jinzu anga a ji tambula muene phala ene; anga ela o diiala a mu bhanga kusuína ku inzu ié ia muambeʼa kidi, o muthu a mu bhanga usuéia ku undundu uê.

Sofoniia 1:9

Mu kizuʼokio nga kà beta ue ene oso ió a bokuena bhulu dia muelu, anga ezalesa jinzo ja jingana jâ ni kusuina ni usuéia.

Malakiia 1:13

Muixi: Màmá, kubhuila kuahi ngó! Anga mu kuata kunjona, ni ku ngi sebulula; kiene kiambe Jihova dia Ifuẋi. Mua ngi satela kibhaku ki mua nhana, mba kia sasajaka ku iama, ni kibhaku kianemana, ni kiakate; uene ujitu u mua bheka. Jihova dia Ifuẋi, uambe: Ima ikala kiki, kifua ngi xikina ku i tambula muene bhu maku menu?

Dialuilu 5:7

U bhinga-phe, u fisala kituxi kiê kioso kia te; u bhaka mulonga kioso ki ua tokala, u ta-ku dingi mbandu ia katanu ia kiki kia futu, a bhane kua ió uoso mukua mulonga uê.