Ijila 5:4 - O Mikanda Ikola

⁴ Mba muthu se u zuela ngó lusolo mu kuloka, kixi mu kubhanga kiaiibha kixi mu kubhanga kiambote, kioso-kioso kia tange muthu ni kuloka, mu kuzuela ngó lusolo sé ku kʼijiia; o kia-ndu tambula kilunji anga u kʼijiia, u kala ni kuêla mu kima kala kiki.

Ijila 5:4 ပူးပေါင်းရင်းမြစ်များ

II Samuuele 21:7

Muenexi anga u xia Mefibozete monʼa Jonata, monʼa Saúlo, mukonda dia mulôko ua Jihova ua bhiti bhu kaẋi ka Davidi ni Jonata, monʼa Saúlo,

II Jisobha 6:31

Hé uila, uixi: Nzambi a ngi bhange kienʼiki mu luiadi, se lelu mútue ua Ilizeu, monʼa Safate, u subhuka ku thandu diê.

Jisálamu 106:33

mukonda a mu thathamesa o muẋima moxi, anga ni mizumbu iê u zuela lusolo, ki kiene kia tokala.

Ijila 5:13

Nganga anga u mu bhangela kiamenga kia kituxi kiê kioso kia te, mu ima kala iii, muene anga a mu loloka. Ioso-phe ia xala-bhu i kale ia nganga, kala ku mubhaku ua mákudia.

Ijila 5:3

Mba se ua babata ku dixilu dia muthu uaxidi, se ku kʼijiia, dixidilu dioso kiá muthu ió dia dikasanesa na-diu; kia-ndu zubha ku kʼijiia u kala ni kuêla.

Dialuilu 30:6

Se uai-phe mʼonzo ia muadi uê, o ku dihambelela kuê, kua di hambelela na-ku, ku-kuê, ni kuzuela kua lusolo kua zuela ni mizumbu ie, iú ua di kutu muenhu uê,

Dialuilu 30:8

Maji muadi uê-phe kizuua kia kʼivua, hé u mu kidika kuila kana kuzuela kiokio, hasa iê iala na-iu ua i suikika, ni kuzuela kua lusolo kua mizumbu iê, kua kukuta o muenhu uê, ua mu fudisa-ku; Jihova phe u mu loloka-kiu.

Matesu 14:7

Bhenhobho anga u mu ambela ni kulôka, kuma ioso ia mu bhinga u mu bhana-iu.

Matesu 14:9

Muenexi anga u kenanana. Maji mukonda-phe dia kulôka kuê, mukonda ue dia iá a xikama-nê ku meza, u tuma ku mu bhana-u.

Marku 6:23

Anga u mu lokela, uixi: Kioso ki u bhinga, ngi ku bhane-kiu! Kate ni usobha uami, se eie u u bhinga mbandu, tu u uane mu kaxi!

Jipoxolo 23:12

Ki kuakie-phe, Jijudé ja di kase, anga a ta kikutu kia kudilokela ni mázui, exi: Ki tudi, ki tunu, katé tua jibha Phaulu.

Josuué 2:14

Mala anga a mu vutuila, exi: Mienhu ietu iene i futa o mienhu ienu, hé muafu, kikale-phe u di xibha na-kiu, kioso kia tu bheka ku ki tange ku muthu. Hinu-phe kuila Jihova ua tu bhana kiá ixi ii, eie tu ku bhanga kiambote ni kidi.

Josuué 9:15

Josuué ua di tambulula-nâ, iu uate-nâ kikutu kia kuila, ki mu fu dingi; makota ma kionge a ta-bhu muene mulôko.

Afundixi 11:31

hinu-phe kioso ki tunda mʼonzo iami, mu ku ngi kauidila, kizuua ki ngi bhongoloka ku paze nga tundu ku anʼa Amone, ki kala kia Jihova, ngi mu satela-kiu, ki kale sata ia kuoha mu túbhia.

Afundixi 21:18

Etu-phe ki tu tena ku a bhana ahatu ku anʼetu; kuma anʼa Izalaiele a lokele, exi: Uoso u bhana muhatu ku akua Bejamí, muenhó a mu bhubhidile.

Afundixi 21:7

Ki tualʼiki, a subhuka-bhu-phe tu bhanga-nâ kiebhi mu ku a sotela ahatu, etu tua loka kiá mu dijina dia Jihova kuma anʼetu a ahatu ki tu xikina ku a bhana-nâ mu kusakana?

Afundixi 9:19

o ki tualʼiki-phe se mua bhange muene kia kidi, kia ujitu, kua Jelubaale ni dibhata diê, sangulukenu ni Abimeleke, o muene ue a sanguluke ni enu.

I Samuuele 1:11

Anga u di hambelela, uixi: Jihova dia ifuẋi, se ni kidi kiene u ngi tala o kutata kuami eme ngi mubhikʼé, se u ngi ta muẋima, nʼu kambe ku ngi jimba eme ngi mubhikʼé, phala ki ngalʼiki ngi mubhikʼé u ngi bhane monʼa diiala, eme-phe ngi mu bhana kua Jihova izuua ioso ia muenhu uê, ki kua bhita phoko ia bhutu ku mútue uê.

I Samuuele 25:22

Nzambi a ki bhange ku jinguma ja Davidi, a a tele-ku dingi, se ku dibhata dioso dia tokala Nabale katé ki kúkia ngi xá-ku né mona umoxi ngó uòfele ua diiala.