Ijila 5:16 - O Mikanda Ikola

¹⁶ O kioso kia katula ku imbamba iangene ikola kikale u ki futa, nʼa te-ku dingi mbandu ia katanu, hé u ki bhana kua nganga; kienhokio o nganga anga u mu bhangela kiamenga ni kilumbe kia mbudi kia bhana mu sata ia kuêla kuê.

Ijila 5:16 ပူးပေါင်းရင်းမြစ်များ

Jisálamu 69:4

Iá a ngi zembe sé kikuma, kota mu kuvula, o jindemba mu mútue uami ndenge; jinguma jami, a ngi zembe mu makutu, a suína; a mesena muene ku ngi batula mu muiji, ima ki nga i di ngoho, ia ngi bhingi ku i futa.

Makatukilu 22:1

Hé muthu u nhana ngombe mba mbudi, nʼa i jibha, mba u i sumbisa, ngombe u i futa ngombe jitanu, o mbudi u i futa mbudi jiuana.

Ijila 22:14

Se muthu, mu kukamba ku kʼijiia, u tukumuka uadi ku ima iangene ikôla, o sata iene-ku u i futa, anga u tudika-ku dingi ki soka ni mbandu ia katanu ia sata iadi, anga u i bhana ioso kua nganga.

Ijila 27:13

Maji hé ua ki kula mu kima kioso-kioso, ki bhinga-phe, ku suilu iê ubandekeza-ku avasu ia mbandu ia katanu.

Ijila 27:15

Maji, se mukua inzo iê usola ku i kula, kiauabha, kale-phe utudika-ku dingi mbandu ia katanu ku suilu, inzu anga ikala dingi iê muène.

Ijila 27:27

O kiʼkala-phe kibhaku kia kixitu kia musalanganda a ki kule, kioso ki kiate kala ki u ki tongolola eie, anga uta-ku dingi o mbandu imoxi ia katanu; se ka ki kula, a ki sumbisa mu pelesu ioso ia ki xindila.

Ijila 27:31

Se-phe bhu kala muhtu usola kukula kima ku tukuinhi tuê, (o madijimu mê), o kiazubha kufuta o suilu, a tudike-ku dingi mbandu ia katanu ku suilu.

Ijila 4:20

Kiene kia bhangʼiki, kioso kia bhanga ni ngombe ia sata ia kusatela kituxi, ni iii ue kiene; kala kiki nganga u a bhangela kiamenga, nʼa a loloka.

Ijila 4:26

Banha iê ioso u i ohela ku kalatódio, kala o banha ia sata ia paze ki ene ku i oha; nganga anga u mu bhangela kiamenga mukonda dia kituxi kiê, anga a mu loloka.

Ijila 5:10

Dia kaiadi u di bhanga sata ia kuoha, kala kia tumu o ngonge; nganga anga u mu bhangela kiamenga mukonda dia kituxi kiê kia te, anga a mu loloka-kiu.

Ijila 5:13

Nganga anga u mu bhangela kiamenga kia kituxi kiê kioso kia te, mu ima kala iii, muene anga a mu loloka. Ioso-phe ia xala-bhu i kale ia nganga, kala ku mubhaku ua mákudia.

Ijila 5:6

a bheke-phe kua Jihova mu kuêla kuê, sata ia kusatela kituxi kiê kia te, kibhaku kia e mukaji, mba mbudi mba hombo, mu sata ia kituxi; nganga anga u mu bhangela kiamenga mukonda dia kituxi kiê.

Ijila 7:2

Bhu kididi bhuoso bhua mu jibhila o sata ia kuoha, bhene bhua jibhila o sata ia kuêla; o manhinga mê kikale a mʼeẋikila mu jimbandu joso ja kalatódio.

Dialuilu 5:7

U bhinga-phe, u fisala kituxi kiê kioso kia te; u bhaka mulonga kioso ki ua tokala, u ta-ku dingi mbandu ia katanu ia kiki kia futu, a bhane kua ió uoso mukua mulonga uê.

Dialuilu 5:8

Mukua mulonga se ua fu, ka xi dilemba kua tokala ku bhaka mulonga, a bhane kiá kua Jihova, ki kale kiangene kia nganga; kumoxi ni kilumbe kia mbudi kia sata ia kiluuluilu ia-nda ku mu luulula.

Luka 19:8

Bhenhobho Zakeu anga uimana bhu pholo ia Ngana, u mu ambela, uixi: Ngana, kaxaxe ka jimbongo jami, ngi ka bhana jingadiama. Se bhuala muthu nga mu-di mangonha, mu kubhana o lubhaku, ngi mu fute-kiu mu luuana.

Jipoxolo 26:20

Nga diangela kubhana jingolokela ku akua Damasku, ngedi ni ku Jeluzaleme, ni mʼ oxi ioso ia Judeia, katé ni ku matumbu. Nga a jimbuila jinga kuma a tokala a diela ni kueha o ituxi iâ, nʼ a biluke kua Nzambi, ni kubhanga o imbamba ia fuamena o kudiela kua kidi.

I Samuuele 6:3

Ene exi: Se mu tumikisa álaka ia Nzambi ia Izalaiele, ki mu i tumikise ia hatu; ki bhinga muene mu mu vutuila mubhaku ua kudiẋikina mulonga; se mua ki bhange, mu iluka; hé mu kʼijiia kioso kia mu kambesa kukatula luluaku luê ku thandu dienu.