Ijila 5:11 - O Mikanda Ikola

¹¹ Se uadiama uê uavulu, ni membe ngó maiadi, mba tuana tuiadi tua jipomba, ka tena ku tu kuata, a bheka-phe, mu ujitu ua kituxi kiê kiate, kakinda ka fuba ia fina ka tena mbandu ia kakuinhi ia efah mu sata ia kituxi; ka te-ku-phe maji, ka te-ku uasu ua dizumba; kuma sata ia kituxi.

Ijila 5:11 ပူးပေါင်းရင်းမြစ်များ

Makatukilu 16:18

O ki eza-phe ku i zonga mu nganza-nganza, ua nona kiavulu ki kua mu subhuka kima, o ua nona kia tolo ki kua mu kambe ue kima; kala muthu ua sokesa ni athu a mu kala bhu jiku diê, a tokala o kudia.

Makatukilu 16:36

Nganza ji kala dikuinhi mu tenesa midila ia efah.

Ijila 1:14

O muthu-phe ujitu uê kua Jihova se u kala ua sata ia kuoha ia jinjila, a sole membe a mukáu mba anʼa jiphomba.

Ijila 12:8

O kiela-phe lukuaku luê lua lémbua bhua nomuena kambudi, akuate-phe kiá membe aiadi a mukáu, mba tumembe tuiadi tua bhata, kamoxi phala sata ia kubhakula ni túbhia, o kamukuá phala sata ia kiluuluilu kia kituxi; kienhiki muhatu ió kia mu bhangela o kiamenga kuala nganga, anga u zela kiá.

Ijila 14:21

Maji-phe o muthu ió kia kala ngadiama, kia kuata kuku ngé, kia kuata koko ngé, a kuate ngó kambuadi kamoxi ka ndumbe, a ka bhele o kiamenga kia kuêla, ni sata ia kubhukila, nda a mu bhangele kiamenga, ni dibhûbhu dimoxi dia fuba iafina, diòmasane ni mji, phala ujitu ua musa, a te-ku kasòla ka maji;

Ijila 27:8

Maji-phe, kia kala ngadiama ia ngadiádia, iu ualémbua kufuta kia mu xindilʼiki, a di bheke kua nganga, nganga nda a mu tongolole, a mu xindile bhuoso bhuatena kukuata o mukua hasa iê ua budika kiki.

Ijila 5:12

Anga uiza na-u kua nganga, nganga nʼa katule-ku dibhûbhu dia ujitu ua kulembalesa nʼa di ohela ku kalatódio, ku thandu dia maujitu ma Jihova ma kubhakula ni túbhia; kuma sata ia kituxi.

Ijila 5:6

a bheke-phe kua Jihova mu kuêla kuê, sata ia kusatela kituxi kiê kia te, kibhaku kia e mukaji, mba mbudi mba hombo, mu sata ia kituxi; nganga anga u mu bhangela kiamenga mukonda dia kituxi kiê.

Ijila 5:9

Ku manhinga-phe ma sata ia kituxi u sangela-ku mu jimbandu ja kalatódio, o ma mukuá u ma zunzila bhoxi dia kalatódio; kuma sata ia kituxi.

Ijila 6:20

Ujitu uenhú ua tokala Alá ni anʼê kubhana bhu kizuua kia mu unda ni maji ku unganga mbandu ia kakuinhi ia efah ia fuba ia uabha kiambote ia mubhaku ua mákudia; kaxaxi kê a ka bhakula mu kimene, kaxaxi mu ngoloxi, ni ku hádia kiene kia kà bhanga jinga.

Dialuilu 5:15

bhenhobho diiala u bhinga u bheka mukajʼê kua nganga, ni mubhaku uê uiza na-u, mbamdu ia kakuinhi ku efah ia fuba ia sevada; ka lunduluila-ku-phe maji, ka te-ku ue uasu ua dizumba kuma mubhaku ua kúdia kua difuba, ua kufika kiaiibha, mubhaku ua dibanzelu, u bhekela ku banza o kituxi.

Dialuilu 7:13

ujitu uê ua bheka dilonga dia phalata, kinemenu kiê hama ia xikulu ni makuinhi atatu, ni mbasinha ia phalata, kinemenu kiê makuinhi sambuadi a xikulu, xikulu iene ia dibhezelu, ni dilonga ni mbasinha iezala fuba ia kábhia iólunge ni maji, ia tokala mubhaku ua mákudia;

Luka 2:24

Anga a bhana ue sata, kala ki ambe mu Kitumu kia Ngana: Membe maiadi, mba tuphomba tuiadi.

II Kolindo 5:21

Kristu kia kexi, ka moneka kituxi, maji Nzambi ua mu tambuisa mbandu ku ituxi ietu, phala etu, mu kisangela ni Muène, tu tambule uetu mbandu mu kulûnga kua Nzambi.

Jihebeleu 9:22

Mu kidi, kala kia tumu o Kitumu, kifua ima ioso muène ia bhingi ku i bonza ni manhinga. Mukonda sé kulundulula manhinga, ki ku kala muloloko ua ituxi.