Ijila 4:7 - O Mikanda Ikola

⁷ Nganga u ta ue o manhinga ku jimbinga ja kalatódio ka uasu ua uabha o dizumba, bhu pholo ia Jihova, kala mu balaka ia kutakanena; manhinga ma mukuá moso u a eẋikila bhoxi dia kalatódio ka jisata ja kuoha, kala mu kithâdi bhu mbandu, a muelu ua balaka ia kutakanena.

Ijila 4:7 ပူးပေါင်းရင်းမြစ်များ

Jisálamu 118:27

Jihova muene Nzambi ietu, ua tu bhana o mukengeji; sata ia fesa kutenu-iu mikolo, mu i bheke katé bhu jimbinga ja kalatódio.

Makatukilu 29:12

Anga u tambula-ku ku manhinga ma ngombe, ni u te ni mulembu ué ku jimbinga ja kalatódio, a mukuá oso u a eẋika bhoxi dia kalatódio.

Ijila 1:5

Ngombe anga u i jibha bhu pholo ia Jihova; o jinganga, anʼa Alá, ene a bhakula manhinga, a eẋika mu jimbandu joso ja kalatódio kala bhu muelu ua balaka ia kutakanena.

Ijila 16:18

A tunde-phe kiá, aie ue ku kalatódio, kala bhu plolo ia Jihova, anga u ka bhangela ue o kiamenga. Ukatula ku manhinga ma ngalote ni ku manhinga ma kisutu, anga u ma sangela ku jisungu ja kalatódio, kondoluese takane mu jimbandu jê joso.

Ijila 4:18

Ku manhinga enhó ue u ta-ku ku jimbinga ja kalatódio kala bhu pholo ia Jihova, mu balaka ia ditakanenu; o manhinga ma mukuá moso ma subhuka-ku u a eẋikila bhoxi dia kalatódio ka jisata ja kuoha, mu kithâdi bhu mbandu ia muelu ua balaka ia dibhongolokelu.

Ijila 4:25

Bhenhobho o nganga, ni mulembu uê, a katule ku manhinga ma sata ia kituxi, a te ku jimbinga ja kalatódio ka jisata ja kuoha; o manhinga oso a subhuka-ku u a eẋikila bhu kikota kia kalatódio ka jisata ja kuoha.

Ijila 4:30

Bhenhobho o nganga anga u tambula ku manhinga, u a ta ni mulembu uê ku jimbinga ja kalatódio ka jisata ka kuoha, o manhinga ma mukuá ene oso, u a eẋikila bhoxi dia kalatódio bhu kikota kiê.

Ijila 4:34

O nganga-phe anga u tambula ku manhinga, u a ta ni mulembu uê, ku jimbinga ja kalatódio ka jisata ja kuoha; o manhinga ma mukuá ene oso, u a eẋikila bhoxi dia kalatódio bhu kikota kiê.

Ijila 5:9

Ku manhinga-phe ma sata ia kituxi u sangela-ku mu jimbandu ja kalatódio, o ma mukuá u ma zunzila bhoxi dia kalatódio; kuma sata ia kituxi.

Ijila 6:30

Maji o sata ia kituxi-phe ia kuila manhinga mê a ma bheka mu balaka ia kutakanena, mu bhanga kiamenga mu kididi kikôla, ioio ka i di; kikale iene ioso a i oha mu túbhia.

Ijila 8:15

Anga u ka jibha; Mozé anga u tambula o manhinga, u a ta ku jimbinga ja kalatódio ni mulembu uê, anga u bonza o kalatódio kene koso, o manhinga a subhuka-ku anga u a eẋikila bhoxi dia kalatódio u ka bhangela kiamenga, u ka kôlesa.

Ijila 9:9

Anʼa Alá anga a mu bhekela o manhinga; muene u bondeka-mu mulembu uê, hé u ta manhinga ku jimbinga ja kalatódio; amukuá u a eẋikila bhoxi dia kalatódio.

Efezo 2:13

Maji o kiki-phe, mua Kristu Jezú, enu mua sandukile dikanga kua Nzambi, a mi bheka dingi bha zukama ni Muène, mu kúfua kua Kristu.

Jihebeleu 9:15

Kienʼ iki-phe, Kristu kiene kia mu bhekela kukala mutesi a kikutu kiobhe, phala oso ngó a exana kuala Nzambi a tene kutambula o mabesá ma nangenena ma polomesa iê. Kuma sai kalunga ka bhitile-bhu phala kutena kukula o athu ku ituxi iâ ia tele mu thembu ia kikutu kia diangele-ku.

Jihebeleu 9:21

Kiene ue Mozé kia sangela o manhinga ku thandu dia balaka, ni ku thandu dia ingolongondo ioso ia sedivisu mu kubheza.

Dijingunuinu 6:9

Bhenhobho Kambudi anga u jikula o kidimbu kia katanu. Nga mono moxi dia kalatodio o mienhu ia ió oso a a jibhile mukonda dia kutudila athu o maka ma Nzambi, ni mukonda dia kukala jifiiele mu umbangi uâ ua bhele.