Ijila 4:32 - O Mikanda Ikola

³² Maji se u bheka mbudi mu ujitu uê ua kusatela kituxi, u bheka mukaji uadisanze sé ngó unema.

Ijila 4:32 ပူးပေါင်းရင်းမြစ်များ

Makatukilu 12:3

Ambelenu o kionge kioso kia Izalaiele kuma: Kizuua kia kakuinhi ku mbeji iii, kala diiala uoso uala kiá ni dibhata diê, a kuate seseme ia mbudi, kala dibhata ni mbudi iê, kala kioso kiala ku mabhata ma jitata jâ;

Makatukilu 12:5

O mbudi iene i kala iadisanze sé ngó unema, ndumbe ia kiubha kimoxi; hé ku jimbudi mu katula, hé ku jihombo mu katula;

Izaía 53:7

O kia mu tatesele, ia a mu sebulula, muene ka jikula dikanu, kuma muene ka vutula kima; a mu sunga-sunga kala mbudi iia mu ku i jibha; uila mbudi kua ió u mu bhuta, idixibha, ni muene ue ka jikula ngó dikanu diê.

Ijila 1:3

Ujitu uê se u kala sata ia kuoha ia ngombe, a sole ia ndumbe, sé ngó unema; a i bheke muène mu vondadi iê, bhu muelu ua balaka ia kutakanena, phala a i ẋikine bhu pholo ia Jihova.

Ijila 4:28

mba o kituxi kiê mua di bhale a mu tangela-iu, kia zubha ku kʼijiia kuila kituxi ki a te, a bheke ujitu uê; hombo ia mukaji, iadisanze sé ngó unema, mu satela kituxi kié kia te.

Ijila 5:6

a bheke-phe kua Jihova mu kuêla kuê, sata ia kusatela kituxi kiê kia te, kibhaku kia e mukaji, mba mbudi mba hombo, mu sata ia kituxi; nganga anga u mu bhangela kiamenga mukonda dia kituxi kiê.

Luka 1:35

Mukunji u mu vutuila, uixi: O Nzumbi Ikôla ua-ndu tuluka ku thandu dié, o nguzu ia Nzambi ia Diulu ia-nda ku ku vungina kizúzumbia kiê. Ki bhangesa kuila o mona ukôla ua-nda ku mu vuala, a mu ixana Monʼa Nzambi.

Nzuá 1:29

Kizuua kia kaiadi Nzuá u mona Jezú uala mù kuiza kua mùene, uixi: Talenu! Muenhó Kambudi ka Nzambi, ka katula o ituxi ia mundu!

Nzuá 1:36

Anga u mona Jezú uala mù bhita, uixi: Talenu! Ió muène o Kambudi ka Nzambi!

Efezo 5:27

Ua ki bhange ue phala nʼ a tena kubheka o Ngeleja bhu pholo iê Muène-muene ni uuabhelu uengi, ki u moneka dixaka, mba kifuta, mba kima ngó kia difu; maji i kale ni kuzela, sé ngó kisému.

Jihebeleu 7:26

Mukonda dia kiki, Jezú muène o Nganga ia Dikota tua mu bhindamena. Muène u kôla. Muène ka moneka phulu, ka moneka ufusa. Ua di kalelela ku akua ituxi, iú ua zangalala ku thandu a maulu.

Jihebeleu 9:14

Se phe kienʼ iki kiene, xinganekenu hanji kioso kia soko ukota uê, mba o kutena kua manhinga ma Kristu! Kuma ku Nzumbi iê ia kaiela-ku, ua di bhakula muène-muène kala sata ia tenena kua Nzambi. O manhinga mê ma tu iẋika-phe o itongoluelu ietu, ku ibhangelu ia di fuila, phala tu tene kubhiẋila Nzambi ia muenhu.

I Phetele 2:22

Muène muthu ka tele kituxi, mu kanu diê ki mua monekene makutu.

I Phetele 2:24

Kristu muène ku mukutu uêmuène, ua tu ambatela o ituxi ietu katé ku kimuẋi, phala etu tu jituke ku ituxi, tu kuate muenhu ua kuiuka. O italakanha iê iene ia mi sake.

I Phetele 3:18

Mukonda Kristu ue ua mi fuila bhu kididi. Muène ituxi ua i talela hadi mu lumoxi ngó, o muthu uaiuka bhu kididi kia akua ikuma, phala a tu bhiẋidise kua Nzambi. Muène a mu jibhila mu xitu, a mu phaphumuina mu nzumbi.

Dijingunuinu 5:6

O bhuʼ axaxe kê, bhu kiandu, anga ngi mona-bhu bhuemana Kambudi, a mu kondoloka ku iama iuana ia muenhu ni ku ikulakaji. O Kambudi kène kedi kala a ka jibhile. Muène u kala ni sambuadi diê dia lumbinga, ni sambuadi dia diesu, ene o sambuadi dia Nzumbi ia Nzambi a a tumikisa mu ngongo ioso.