Ijila 4:3 - O Mikanda Ikola

³ Se o nganga muene a mu undu ni maji muene ua te o kituxi, anga mundu ki a iibhila beneʼobho-phe kituxi kiê a ki bhele sata kua Jihova, sata ia kuoha ia monʼa ngombe ua kiubha, ngombe ia ndumbe, iadisanze kiambote sé ngó unema uoso-uoso mba dibaka.

Ijila 4:3 ပူးပေါင်းရင်းမြစ်များ

II Malunda 29:21

Anga eza ni sambuadi dia tuana tua jingombe, ni sambuadi dia ilumbe ia jimbudi ni sambuadi dia tumbudi tua ndumbe, ni sambuadi dia isutu ia jihombo mbebhu o sata ia kilumbu kia ituxi, ni ku utuminu, ni ku kididi kikôla, ni kua Juda kuene, anga u tangela anʼa Alá, o jinganga, kuila a ji bhakuile ku thandu dia kalatódio ka Jihova.

Ejidala 8:35

A a balakalele, a tundu ku ubhika, a bhakula sata ja kuoha kua Nzambi ia Izalaiele; Phala Izalaiele ioso kiá kuinhi ni kiiadi dia tungombe tua ndumbe; ilumbe ia jimbudi makuinhiʼvua ni isamanu; tumbudi tua ndumbe makuinhi sambuadi ni sambuadi; isutu ia jihombo phala kiamenga kia kituxi kuinhi ni kiiadi. Iene iosuʼiii phala Sata ia kuohela Jihova.

Makatukilu 29:14

Xitu-phe ia ngombe ni kibha kiê, ni ditobe diê, u ioha ni túbhia ku mukáu, mu kibangu u tunda-mu; kuma sata ia ituxi.

Makatukilu 29:21

U katula ue ku manhinga mala ku kalatódio, ni ku maji a kuuesa, u ma sangela kua Alá, ni ku izuatu iê, ni ku anʼê ni ku izuatu ia anʼê kumoxi ni muene.

Makatukilu 29:7

Bhenhobho-phe u kuata maji a kuunda u mu lunduluila-nâ mu mútue, kiene ki u mʼundʼiki.

Makatukilu 30:10

Alá u bhuisa ikuma ku jimbinga ja kalatódio kaka, lumoxi ku muvu, ni manhinga ma sata ia kubhuisa ikuma; lumoxi ku muvu, ua kà bhuisa ikuma ku thandu dia kalatódio, katé bhua kà suka o miji ienu. Kalatódio kaka, ka kôla kinéne, kangene ka Jihova.

Izekiiele 40:39

O mu mbalanda ia muelu, muedile ku mbandʼuku meza aiadi, ku mbandʼuku meza aiadi, phala kuenda ni kubatuila-ku o xingu ia kibhaku kia sata ia kuoha, ni sata ia kituxi, ni ia kuêla.

Izekiiele 43:19

O jinganga ja Levi, a tokala ku mbutu ia Zadoko, ala mu kubhiẋila jinga kokuami, phala ku ngi bhikila, eie ua-nda ku a bhana kamona ka ngombe, mbé o sata ia kituxi.

Izekiiele 44:27

O mu kizuua kioso kia bokona mu kididi kikôla, mu lumbu lua moxi, phala kubhanga o unganga bhu kididi kikôla, ua kà bhakula-phe o kilumbu kiê kia kituxi, kiene kia tange Jihova Nzambi.

Ijila 1:10

O ujitu uê ua bheka se u kala ua kibhaku kiofele mbudi mba hombo, ia sata ia kuoha, a sole ia ndumbe, sé ngó unema, mba dibaka.

Ijila 1:3

Ujitu uê se u kala sata ia kuoha ia ngombe, a sole ia ndumbe, sé ngó unema; a i bheke muène mu vondadi iê, bhu muelu ua balaka ia kutakanena, phala a i ẋikine bhu pholo ia Jihova.

Ijila 16:11

Kienhókio Alá uiza kiá ni ngalote ia ujitu uê ua kiamenga kia kituxi, kia kubhela ku mulonga uê-muène, a bhanga kiamenga kia ku di zelesa muene ni diembu diê; o ngalote ia ujitu ua kiamenga kia kituxi kiê-muène, a i jibhe.

Ijila 16:3

Kiela ngi bokona-mu, a bokona ni ima iii: Ngalote ia ngombe ia kiubha, phala kiamenga kia kituxi, ni kilumbe kia mbudi, phala sata ia kubhakula ni túbhia kua Jihova.

Ijila 16:5

O ku kionge kia anʼa Izalaiele utambula-ku isutu iiadi ia jihombo phala kiamenga kia kituxi, ni kilumbe kia mbundi phala o sata ia kubhakula ni túbhia kua Jihova.

Ijila 16:6

Bhenhobho-phe Alá ubhakula hanji o ngalote iê ia kiamenga kia kituxi, ku mulonga uê-muène; nʼa di zelese hanji muene ni diembu diê.

Ijila 4:14

kioso kia tukumuka kuma kituxi kia te, mundu uâ uoso a kuate ngombe ia sata ia kuoha mu kiamenga kia kituxi, hé a i bheka bhu kanga dia balaka ia kutakanena.

Ijila 4:23

mba kituxi kiê kia te a mu tangela-kiu, kia zubha ku kʼijiia-phe kuila kituxi ki a te, a bheke ujitu uê; kisutu kia hombo kiadisanze sé ngó unema.

Ijila 4:28

mba o kituxi kiê mua di bhale a mu tangela-iu, kia zubha ku kʼijiia kuila kituxi ki a te, a bheke ujitu uê; hombo ia mukaji, iadisanze sé ngó unema, mu satela kituxi kié kia te.

Ijila 4:5

Bhenhobho o nganga a mu undu ni maji anga a katule ku manhinga ma ngombe, a ma bheke mu balaka ia kutakanena;

Ijila 5:6

a bheke-phe kua Jihova mu kuêla kuê, sata ia kusatela kituxi kiê kia te, kibhaku kia e mukaji, mba mbudi mba hombo, mu sata ia kituxi; nganga anga u mu bhangela kiamenga mukonda dia kituxi kiê.

Ijila 6:18

Mala oso ku anʼa Alá ene a dia-ku; dikânda diâ izuua ioso, katé kua suka miji ienu, diókatule ku maujitu ma Jihova ma mu bhakuila ni túbhia; uoso u kuata-ku ua di bhange kiá muthu ukôla.

Ijila 8:12

Anga u lundulula o maji a ku undila mu mútue ua Alá, mu ku mu unda, ni ku mu kôlesa.

Ijila 9:2

anga u ambela Alá, uixi: Kuata monʼa ngombe ia sata ia kituxi, ni kilumbe kia mbudi kia sata ia kuoha, ia di sanze kiambote sé ngó unema u i satele Jihova.

Ijila 9:3

O anʼa Izalaiele u ambela, kuila: Enu mu kuata kisutu kia hombo kia sata ia kituxi, ni monʼa ngombe ua kiubha, ni monʼa mbudi ua kiubha, a di sanze kiambote sé ngó unema, phala sata ia kuoha;

Dialuilu 16:22

Maji-phe ene a di ṗhudikila o jipholo jâ bhoxi, anga ela exi: Uá! Nzambi, tata! Eie u Nzambi ia jinzumbi ja xitu ioso, abha mukonda dia muthu umoxi ua-te o kituxi, eie u thathamena kiavulu kiki o kilômbo kiosuʼiki?

Dialuilu 8:8

A kuate-phe kangombe ka ndumbe, ni mubhaku uê ua mákudia, fuba ia kábhia iólunge ni maji, ni kangombe kamukuá ka ndumbe, a ku bhane-ku mu sata ia kituxi.

Loma 8:3

Kima kia lémbua o Kitumu kia Mozé mukonda dia kubhuila kuê mu xitu, Nzambi ua ki bhange muène mu kikexilu kia xitu, ituxi ua i êlesa mu kutumikisa Monʼ ê muène, mu kidifua kia xitu ia ituxi, mu kufuila o ituxi, mbé ituxi na tene ku i zubha-ku.

II Kolindo 5:21

Kristu kia kexi, ka moneka kituxi, maji Nzambi ua mu tambuisa mbandu ku ituxi ietu, phala etu, mu kisangela ni Muène, tu tambule uetu mbandu mu kulûnga kua Nzambi.

Jihebeleu 5:3

Mukonda dia kiki, kiene kia bhingi kubhakula o jisata ja ituxi ia mundu, ni iê-muène-muène.

Jihebeleu 9:12

Kioso-phe Kristu ki eza, ua bokona ngó lumoxi kuabhu, mu Kididi-Kikôla-Kinéne, muène kambatele manhinga ma jihombo, mba ma anʼ a jingombe phala kubhakula kala sata. Maji ua bhana o manhinga mê muène, iú ua zubha o ku tu kula, ki kua bhingi dingi ku ki tona.