Ijila 4:25 - O Mikanda Ikola

²⁵ Bhenhobho o nganga, ni mulembu uê, a katule ku manhinga ma sata ia kituxi, a te ku jimbinga ja kalatódio ka jisata ja kuoha; o manhinga oso a subhuka-ku u a eẋikila bhu kikota kia kalatódio ka jisata ja kuoha.

Ijila 4:25 ပူးပေါင်းရင်းမြစ်များ

Makatukilu 29:12

Anga u tambula-ku ku manhinga ma ngombe, ni u te ni mulembu ué ku jimbinga ja kalatódio, a mukuá oso u a eẋika bhoxi dia kalatódio.

Izaía 40:21

Manhi ki mu kʼijiia? Manhi ki mu kʼivua? Inga tundé ku dimatekenu kienʼiki muene kiluua a mi tangela-kiu? Mbé madisesa ma oxi ki mu ma tongolola?

Ijila 16:18

A tunde-phe kiá, aie ue ku kalatódio, kala bhu plolo ia Jihova, anga u ka bhangela ue o kiamenga. Ukatula ku manhinga ma ngalote ni ku manhinga ma kisutu, anga u ma sangela ku jisungu ja kalatódio, kondoluese takane mu jimbandu jê joso.

Ijila 17:11

Mbata muenhu ua xitu uala mu manhinga; kiene ki nga mi bhela-u ku thanduʼa kalatódio mu ku mi jimuina ikuma, mienhu ienu phala ibhanduluke; mukonda o manhinga ene ngoho a tena kubhanga kiamenga ki zelesa o mienhu ia athu.

Ijila 4:18

Ku manhinga enhó ue u ta-ku ku jimbinga ja kalatódio kala bhu pholo ia Jihova, mu balaka ia ditakanenu; o manhinga ma mukuá moso ma subhuka-ku u a eẋikila bhoxi dia kalatódio ka jisata ja kuoha, mu kithâdi bhu mbandu ia muelu ua balaka ia dibhongolokelu.

Ijila 4:24

Anga u tula lukuaku luê mu mútue ua kisutu kia hombo, hé a ki jibha, a ki jibhila bhu kididi bhuoso bhene kijibhila o sata ia kuoha bhu pholo ia Jihova; kuma iii sata ia kusatela kituxi.

Ijila 4:30

Bhenhobho o nganga anga u tambula ku manhinga, u a ta ni mulembu uê ku jimbinga ja kalatódio ka jisata ka kuoha, o manhinga ma mukuá ene oso, u a eẋikila bhoxi dia kalatódio bhu kikota kiê.

Ijila 4:34

O nganga-phe anga u tambula ku manhinga, u a ta ni mulembu uê, ku jimbinga ja kalatódio ka jisata ja kuoha; o manhinga ma mukuá ene oso, u a eẋikila bhoxi dia kalatódio bhu kikota kiê.

Ijila 4:7

Nganga u ta ue o manhinga ku jimbinga ja kalatódio ka uasu ua uabha o dizumba, bhu pholo ia Jihova, kala mu balaka ia kutakanena; manhinga ma mukuá moso u a eẋikila bhoxi dia kalatódio ka jisata ja kuoha, kala mu kithâdi bhu mbandu, a muelu ua balaka ia kutakanena.

Ijila 5:9

Ku manhinga-phe ma sata ia kituxi u sangela-ku mu jimbandu ja kalatódio, o ma mukuá u ma zunzila bhoxi dia kalatódio; kuma sata ia kituxi.

Ijila 8:10

Mozé hé u katula maji a kuundila, u unda balaka iene, ni ima ioso iala-mu, hé u i kôlesa.

Ijila 8:15

Anga u ka jibha; Mozé anga u tambula o manhinga, u a ta ku jimbinga ja kalatódio ni mulembu uê, anga u bonza o kalatódio kene koso, o manhinga a subhuka-ku anga u a eẋikila bhoxi dia kalatódio u ka bhangela kiamenga, u ka kôlesa.

Ijila 9:9

Anʼa Alá anga a mu bhekela o manhinga; muene u bondeka-mu mulembu uê, hé u ta manhinga ku jimbinga ja kalatódio; amukuá u a eẋikila bhoxi dia kalatódio.

Loma 10:4

Kuma Kristu muene o dizubhilu dia Kitumu, phala ió uoso u xikana, a mu lungise kuala Nzambi.

Jihebeleu 2:10

O ima ioso i laia phala Nzambi, mukonda dia muène. O muène-phe ua mesena anʼê oso a nomona ue ku fuma iê. Uila kiki, kia fuamena kuila Nzambi u ehela Jezú ku tala jihadi mukonda dia kuiuka. Kuma Jezú muene musonguedi uâ ua kubhuluka.

Jihebeleu 9:22

Mu kidi, kala kia tumu o Kitumu, kifua ima ioso muène ia bhingi ku i bonza ni manhinga. Mukonda sé kulundulula manhinga, ki ku kala muloloko ua ituxi.