Ijila 4:20 - O Mikanda Ikola

²⁰ Kiene kia bhangʼiki, kioso kia bhanga ni ngombe ia sata ia kusatela kituxi, ni iii ue kiene; kala kiki nganga u a bhangela kiamenga, nʼa a loloka.

Ijila 4:20 ပူးပေါင်းရင်းမြစ်များ

Makatukilu 32:30

Kúkia ni kimene Mozé u ambela o mundu, uixi: Enu mua te kituxi kia dikota; kindala kiki, ngi banda dingi kua Jihova, iʼmoxi ngi mu luulula ku thandu dia kituxi kienu ki mua te.

Daniiele 9:24

Mundu ué ni diembu dié diangene a a xindila makuinhi sambuadi a jisemana, mbé o kujima kitondalu, ni kuzubha-ku o ituxi, ni kuta o kiamenga kia kulamba o kikuma, anga a mi bhekela kiua o kulunga kuxialelà-ku, o isuma ni upolofeta anga a i jika kiá ni idimbu, anga a unda kiá o Dilemba dia anangene, uene ni kuzela kua tundu athu oso.

Ijila 1:4

A tule lukuaku luê mu mútue ua sata ia kuoha; anga a i ẋikina bhu kididi kia muene phala ku mu bhangela kiamenga.

Ijila 12:8

O kiela-phe lukuaku luê lua lémbua bhua nomuena kambudi, akuate-phe kiá membe aiadi a mukáu, mba tumembe tuiadi tua bhata, kamoxi phala sata ia kubhakula ni túbhia, o kamukuá phala sata ia kiluuluilu kia kituxi; kienhiki muhatu ió kia mu bhangela o kiamenga kuala nganga, anga u zela kiá.

Ijila 14:18

o maji moso ma subhuka hanji bhu lukuaku lua nganga, a ma te kiá mu mútue ua ió uoso ala ku mu zelesa; mu kubhanga kiki, nganga uala ku mu bhangela o kiamenga bhu pholo ia Jihova.

Ijila 15:15

o nganga a mu bhele dimoxi ku kiamenga kia kituxi, o dia mukuâ phala sata ia kubhakula ni túbhia; mu kubhanga kiki-phe nganga u mu bhangela kiamenga kia kibhubhe kiê, bhu pholo ia Jihova.

Ijila 19:22

o nganga-phe a tambule kilumbe kiókio kia kiamenga kia kuela, a luulule na-kiu Jihova bhu kaẋi ni ió uate o kituxi; phala o kituxi kiê kiate, kibhue, a mu loloke-kiu.

Ijila 4:21

Ngombe iene ue anga u xia na-iu bhu kibangu, hé u i bheka ku mukáu, u i ohela koko kala kiohele ngombe ia dianga; iene sata ia kusatela kituxi kia mundu.

Ijila 4:26

Banha iê ioso u i ohela ku kalatódio, kala o banha ia sata ia paze ki ene ku i oha; nganga anga u mu bhangela kiamenga mukonda dia kituxi kiê, anga a mu loloka.

Ijila 4:35

O banha ioso u i katula-ku, kala ki ene kukatula banha ia mbudi ia sata ia paze; nganga anga u i ohela ku kalatódio, ku thandu dia maujitu ma Jihova ma kubhakula ni túbhia; nganga anga u mu bhangela kiamenga mukonda dia kituxi kiê kia te, anga a mu loloka-kiu.

Ijila 4:8

O banha ioso ia ngombe ia sata ia kuoha u i katula-ku; ni banha iala ku dikutu ni ioso iala ku midia,

Ijila 5:10

Dia kaiadi u di bhanga sata ia kuoha, kala kia tumu o ngonge; nganga anga u mu bhangela kiamenga mukonda dia kituxi kiê kia te, anga a mu loloka-kiu.

Ijila 5:13

Nganga anga u mu bhangela kiamenga kia kituxi kiê kioso kia te, mu ima kala iii, muene anga a mu loloka. Ioso-phe ia xala-bhu i kale ia nganga, kala ku mubhaku ua mákudia.

Ijila 5:16

O kioso kia katula ku imbamba iangene ikola kikale u ki futa, nʼa te-ku dingi mbandu ia katanu, hé u ki bhana kua nganga; kienhokio o nganga anga u mu bhangela kiamenga ni kilumbe kia mbudi kia bhana mu sata ia kuêla kuê.

Ijila 5:18

Muene-phe a bheke kilumbe kia mbudi kiadisanze kiambote sé ngó unema, o kuta kuê eie muene u mona se ia te kiasoko phala sata ia kikuma kié, a i bheke kua nganga mu sata ia kuêla kuê; o nganga anga u mu bhangela kiamenga mukonda dia kikuma kia mu bhekela kuêla sumbala muene ka kʼijiia, anga a mu loloka.

Ijila 5:6

a bheke-phe kua Jihova mu kuêla kuê, sata ia kusatela kituxi kiê kia te, kibhaku kia e mukaji, mba mbudi mba hombo, mu sata ia kituxi; nganga anga u mu bhangela kiamenga mukonda dia kituxi kiê.

Ijila 6:7

o nganga anga u mu bhangela o kiamenga bhu pholo ia Jihova; anga a mu loloka kioso kia bhange kia mu bhekela o kuêla.

Dialuilu 15:25

Nganga anga ua bhangela kiluuluilu kia kubhuisa ikuma, kilômbo kioso kia anʼa Izalaiele, anga a a loloka; kuma a ki bhange ni kutondala, ki kia kubhanga luelu, ia a bheka ujitu ua, sata ia kuoha ni tubhia kua Jihova, ni sata iâ ia kituxi bhu pholo ia Jihova, mukonda dia kutondala kuâ.

Dialuilu 15:28

Nganga anga u mu bhangela kiamenga mu kubhuisa ikuma ia muthu ua te kituxi kia kutondala bhu pholo ia Jihova, kuma ka ki bhange luelu, bhu bhita kiluuluilu, anga a mu loloka.

Loma 5:11

O kiokio ngó ki kiene, maji ni kiki tua sanguluka mua Nzambi, mukonda dia Ngana ietu Jezú Kristu, ua tena o ku tu bhanga tu makamba ma Nzambi, kuma kua Muène kuene ku tua luulukila.

Ngalásia 3:13

Maji Kristu-phe ua tu kula ku mázui ma Kitumu, mu kubiluka mukua mázui bhu kididi kietu. Kuma kiosoneke mu Mikanda: Uoso a mu nhenga ku dikulusu mukua mázui.

Jihebeleu 1:3

O Mona, muène o kimuikinu kia kubenha kua Nzambi, muène ue kilomboluelu kia kidifua kiê, muène u kuatesa o ima ioso mu ngongo, ni kizuelu kia nguzu iê. O kia zubha kuzelesa athu ku ituxi iâ, iú ua xikama ku diulu, ku lukuaku lua kudia, lua Nzambi Tata Uatena ioso.

Jihebeleu 2:17

Uila kiki, Jezú kia mu fuama mu ima ioso o kusokela ni jiphange jê, phala a tene kukala Nganga iâ ia Dikota, ia lenduka, ia fiiele, mu sedivisu iê kua Nzambi. Mu kienʼ iki nʼ a kale kiluuluilu kia ituxi ia mundu.

Jihebeleu 9:14

Se phe kienʼ iki kiene, xinganekenu hanji kioso kia soko ukota uê, mba o kutena kua manhinga ma Kristu! Kuma ku Nzumbi iê ia kaiela-ku, ua di bhakula muène-muène kala sata ia tenena kua Nzambi. O manhinga mê ma tu iẋika-phe o itongoluelu ietu, ku ibhangelu ia di fuila, phala tu tene kubhiẋila Nzambi ia muenhu.

I Nzuá 1:7

Maji, o ki kala-phe tuenda mu mukengeji, kala Nzambi muène kiene mu mukengeji, tu kala ku ukamba mudietu, o manhinga ma Jezú, Monʼê, kala kienda jinga Jezú Kristu.

I Nzuá 2:2

Mukonda Jezú Kristu, muène kiluuluilu kia ituxi ietu. O ietu-etu ngó ki iene, maji ue ni ia mundu uoso.

Dijingunuinu 1:5

ni kua Jezú Kristu, o mbangi ia kidi, ia fiiele. Muène mutuameneni ua dianga kufukunuka kuʼalunga, muène ue mutumini a jisobha mu ngongo. Muène ua tu zola, ua tu jituna ku ituxi ietu ni kúfua kuê,