Ijila 3:9 - O Mikanda Ikola

⁹ Ku sata ia kutululuka sai kia katula-ku, kia kubhakula ni túbhia kua Jihova: o banha iê, ni mukila ua nete uene uoso a u batuila bhu ua kuatela ku miongo, ni banha iala ku dikutu ni ku mídia,

Ijila 3:9 ပူးပေါင်းရင်းမြစ်များ

II Samuuele 6:17

Álaka ia Jihova anga a i bhiẋidisa, a i tula bhu kididi kiê mu kaẋi ka balaka ia iudika Davidi phala ku i bhakela-mu; Davidi anga u bhakula jisata ja kuoha, ni jisata ja kubhandulula kua Jihova.

I Jisobha 3:15

Solomá anga u phaphumuka ku kilu, manhi nzoji ianjiua. Anga uiza mu Jeluzaleme, hé u imana bhu pholo ia álaka ia kikutu kia Jihova, u bhana-bhu jisata ja kuoha ni jisata ja paze u bhangesa fesa ia dikota phala ene oso akua mbèle iê.

I Jisobha 8:63

Solomá ioso ia satela Ngana anga u i bhakula mu sata ia kutululuka, makuinhiʼaiadi a midi ni midid jiiadi ja ngombe ni hamʼa midi ni makuihʼaiadi a midi ia mbudi; kienhiki sobha ni ana oso a Izalaiele kia lumbila o inzo ia Jihova.

I Jisobha 8:64

Kizuua kieneʼokio sobha ua zelesa mʼoxi dia lumbu lua kexile ku pholo ia inzo ia Ngana; mbata muuene mua bhangelele jisata ja kuoha ni maujitu ni maji ma jisata ja uembu; mukonda o kalatódio ka ngòndo ka kexile bhu pholo ia Ngana, ka tolele kiavulu kuila kusoka jisata joso ja kuoha, ni mibhaku ia mákudia, ni maji ma jisata ja uembu.

I Malunda 16:1

O álaka ia Nzambi kioso ki iabhiẋila-phe, a itula mu kaẋi ka balaka ia tungile Davidi; anga a satela jisata ja kuoha ni ja uembu bhu pholo ia Nzambi.

Makatukilu 29:22

Kala kiki ni muene ni izuatu iê, kumoxi ni anʼê ni izuatu iâ, a kale oso òlumbe kua Jihova. Kienhókio o ku kilumbe ue u katula banha iê ni mukila uê ua nete, ni banha i tunda ku dikutu, ni kikonda ki bhita ku muxima, ni anasonhi aiadi, ni banha iala ku anasonhi, ni kinama kia taku kia mbandu ia kadilu, kuma kiki kilumbe kia kulumbila ku unganga.

Jisabhu 23:26

Monʼami ngi bhane o muẋima ué, o mesu mé mʼende ni kuuabhela jinga o jinjila jami.

Izaía 53:10

Maji kiene-phe kia uabhelele Jihova, o ku mu tutujula ni ku mu katesa; kioso o muenhu uê kia u bhanga kiamenga kia kituxi, muene ua-nda kumona o mbutu iê, ua-nda kuvula izuua ia kulaia, o kioso kia uabhela Jihova, kia kà Zediuila bhu lukuaku luê.

Ijila 17:5

Mu ki bhanga phala anʼa Izalaiele, jisata jene kuenda ni kusatela ngó mu mukáu, ende ni ku ji bheka kua Jihova, bhu muelu ua Balaka ia kutakanena, kua nganga, a ji bhakule kuma jisata ja paze, kua Jihova.

Ijila 7:3

U bhakula-ku o banha iê ioso, ni mukila uê uanete, ni banha ioso iala ku mídia,

Ijila 8:25

Anga u katula o banha iê ioso ni mukila uanete, ni banha ioso ku mídia, ni banha iala ku miẋima, ni anasonhi ene kiiadi kiâ ni banha iâ, ni kinama kia taku kia mbandu ia kúdia.

Ijila 9:19

a mu bhekela ue ni banha ia ngombe ni ia kilumbe, ni mukila uanete, ni banha iala ku mídia, ni ia anasonhi, ni dilânda dia banha ia vungu ku miẋima;

Dialuilu 7:88

ni jingombe joso ja jisata ja paze, makuinhi aiadi a ngombe ni kiuana, ilumbe ia jimbudi makuinhi asamanu, o isutu ia jihombo makuinhi asamanu, tumbudi tua muvu umoxi ue, makuinhi asamanu. Uene ujitu ua kalatódio ua ku lumba, kia zubha ku ka unda ni maji.

I Samuuele 10:8

Ua kà ngi tuamenena mu kulumuka ku Jidingale; nga kà ku sanga kuenhoko, mu bhana jisata ja kuoha ni jisata ja kutululuka; eie ua kà kinga sambuadi dia izuua, katé ki ngi ku sanga, ngi ku tangele kioso ki u bhanga.