Ijila 3:8 - O Mikanda Ikola

⁸ a tule lukuaku luê mu mútue ua kibhaku, a ki jibhile bhu muelu ua balaka ia kutakanena; o jinganga anʼa Alá anga eẋike o manhinga mê mu jimbandu joso ja kalatódio.

Ijila 3:8 ပူးပေါင်းရင်းမြစ်များ

Izaía 53:6

Etu oso tua kexi mu kuenda kala jimbudi ja jimbidila; kala muthu u di-texila ni njila iê; maji-phe o mulonga ua tu tokala etu-oso, Jihova ua mu xina-u kiá muene ku thandu diê.

Ijila 1:11

Anga u i jibhila bhu mbandu ia kalatódio ia kexila kusuku, bhu pholo ia Jihova; o jinganga-phe, anʼa Alá, anga eẋika o manhinga mê mu jimbandu joso ja kalatódio.

Ijila 1:4

A tule lukuaku luê mu mútue ua sata ia kuoha; anga a i ẋikina bhu kididi kia muene phala ku mu bhangela kiamenga.

Ijila 1:5

Ngombe anga u i jibha bhu pholo ia Jihova; o jinganga, anʼa Alá, ene a bhakula manhinga, a eẋika mu jimbandu joso ja kalatódio kala bhu muelu ua balaka ia kutakanena.

Ijila 3:13

muene a tule o lukuaku luê mu mútue ua kibhaku, a ki jibhile bhu muelu ua balaka ia kutakanena; o anʼa Alá anga eẋika o manhinga mê mu jimbandu joso ja kalatódio.

Ijila 4:15

O adiakimi oso a kilômbo a tule maku mâ bhu mútue ua ngombe, bhu pholo ia Jihova; ngombe anga a i jibhila bhu pholo ia Jihova.

Ijila 4:24

Anga u tula lukuaku luê mu mútue ua kisutu kia hombo, hé a ki jibha, a ki jibhila bhu kididi bhuoso bhene kijibhila o sata ia kuoha bhu pholo ia Jihova; kuma iii sata ia kusatela kituxi.

Ijila 4:4

Ngombe a i bheke bhu múelu ua balaka ia kutakanena; anga muene a tule lukuaku luê mu mútue ua ngombe, nʼa i jibhile bhu pholo ia Jihova.

Matesu 3:17

Tala, bhenhobho ni dízui di tunda mu diulu, dixi: Muenhú Monʼ ami a kazola, ua ngi uabhela kiambote.

II Kolindo 5:19

O hundu ietu ienhiʼii: Kuma Nzambi mua Kristu ua mu luulula o mundu ni muène, iú ua mu bhangesa kuila athu oso a kala makamba mê, sè kukuata-nâ konda ia ikuma iâ. Etu-phe Muène iú ua tu bhana o maka mê ma kuluulula athu nʼa kale makamba mê.

II Kolindo 5:21

Kristu kia kexi, ka moneka kituxi, maji Nzambi ua mu tambuisa mbandu ku ituxi ietu, phala etu, mu kisangela ni Muène, tu tambule uetu mbandu mu kulûnga kua Nzambi.

Efezo 2:18

Kuma ni Jijudé, ni iá ki Jijudé tua tambula kua Kristu o disesa dia kubhiẋila etu ene oso ni Nzumbi imoxi bhu pholo ia Tata.

Efezo 3:12

O mu kuongama kuetu ni Kristu, mua muène tua-bhu o uôma, kuma tua tambula disesa dia kubhiẋila bhu pholo ia Nzambi, mukonda dia ku mu xikana.

I Phetele 2:24

Kristu muène ku mukutu uêmuène, ua tu ambatela o ituxi ietu katé ku kimuẋi, phala etu tu jituke ku ituxi, tu kuate muenhu ua kuiuka. O italakanha iê iene ia mi sake.