Ijila 3:5 - O Mikanda Ikola

⁵ Anʼa Alá a i ohela ku kalatódio, sata ia kuoha a i tula ku jihuinhi jala ku túbhia; kifua ujitu ua kubhakula ni túbhia, ua dizumba diambote kua Jihova.

Ijila 3:5 ပူးပေါင်းရင်းမြစ်များ

I Jisobha 8:64

Kizuua kieneʼokio sobha ua zelesa mʼoxi dia lumbu lua kexile ku pholo ia inzo ia Ngana; mbata muuene mua bhangelele jisata ja kuoha ni maujitu ni maji ma jisata ja uembu; mukonda o kalatódio ka ngòndo ka kexile bhu pholo ia Ngana, ka tolele kiavulu kuila kusoka jisata joso ja kuoha, ni mibhaku ia mákudia, ni maji ma jisata ja uembu.

II Malunda 35:14

Anga a iudika kiua ioso ia tokalele ene ni jinganga; mukonda o jinganga, anʼa Alá, a landukile ni kubhakula jisata ja kubhakula ni túbhia kua Jihova ni maji a ibhaku, katé mu usuku. Kiene kia bhekesa kuila o jilevita a iudika phala ene ni jinganga, o anʼa Alá.

Makatukilu 29:13

U kuata ue o banha ioso i tunda ku dikutu, ni kikonda ki bhita ku thandu dia muxima, ni anasonhi aiadi, ni banha iala ku anasonhi, anga u i ohela ku kalatódio.

Izekiiele 44:15

Maji o jinganga, akua muiji ua Levi, o anʼa Zadoko, aiuka o kilèkelelu kia dibhezelu diami, kioso anʼa Izalaiele kia ngi balukila, ene enda ni kubhiẋila kokuami, phala ku ngi bhikila, enda ni ku kala bhu pholo iami, phala o ku ngi bhakuila o maji ni manhinga, Jihova Nzambi ua ki tange.

Izekiiele 44:7

Mukonda muexana athu engi, a kambe o ku a saia ku muẋima ni ku xitu, nʼa kale mu dibhezelu diami, nʼende ni ku di kasanesa mʼonzo iami, kioso enu ki muenda ni kubhakula o mbolo iami, ni maji, ni manhinga; o ene ia a numununa o kikutu kiami, mukonda dia maufusa enu oso.

Ijila 1:13

O midia-phe ni inama u i sukula hanji ni menha. O Nganga anga u i bhakula iene ioso ia muvimba, u i ohela ku kalatódio; kífua sata ia kuoha, ujitu ua kubhakula ni túbhia, ua dizumba diambote kua Jihova.

Ijila 1:17

Nganga anga u i bula mu kaẋi, dibhabha kuku dibhabha kuku; maji ka zubhe ku i bhanga mbandu jiiadi. Anga u i ohela ku kalatódio, ku jihuinhi ja te ku túbhia; kífua sata ia kuoha, ujitu ua ku bhakula ni túbhia, ua dizumba diambote kua Jihova.

Ijila 1:9

Maji o midia-phe ni inama, u i sukula hanji ni menha. Nganga anga u i ohela ioso ku kalatódio, kuma sata ia kuoha, ujitu ua ku bhakula ni túbhia, ua dizumba diambote kua Jihova.

Ijila 3:11

O Nganga anga u i ohela ku kalatódio; kuene o kúdia kua ujitu ua kubhakula ni túbhia kua Jihova.

Ijila 3:4

ni anasonhi ni banha iê ialela ku malombo, ni banha ia vungu o miẋima ia zukama ku anasonhi, ienhiʼii a i katula-ku.

Ijila 4:31

O banha ioso u i katula-ku kala kiene kukatula banha ku sata ia paze; nganga anga u i ohela ku kalatódio kuma dizumba diambote kua Jihova; nganga anga u mu bhangela kiamenga, anga a mu loloka o kituxi kiê.

Ijila 4:35

O banha ioso u i katula-ku, kala ki ene kukatula banha ia mbudi ia sata ia paze; nganga anga u i ohela ku kalatódio, ku thandu dia maujitu ma Jihova ma kubhakula ni túbhia; nganga anga u mu bhangela kiamenga mukonda dia kituxi kiê kia te, anga a mu loloka-kiu.

Ijila 6:12

O túbhia-phe ku kalatódio tu kala jinga mu uama thembu joso, ka tu ehela kujima; o nganga uia ni ku ta-ku dingi jihuinhi izuua ioso mu kimene; o ku thandu diê sata ia kuoha a i zale kuenhoko, ni banha ia jisata ja paze kuene ku a i ohela.

Ijila 7:28

Jihova anga u ambela dingi Mozé, uixi;

Ijila 9:17

Anga u bhakula o mubhaku ua musa, u vota-ku dibhûbhu diê, u di ohela ku kalatódio, maji o sata ia kuoha ia kimene, ia di kalela.

Dialuilu 15:8

Se ngombe i u bheka, ia kuoha, mba sata ia mutululuku, mu ku tenesa hasa, mba mu ujitu ua mutululuku kua Jihova;

Dialuilu 18:17

Maji o phande-kumbi ia ngombe-phe, mba phande-kumbi ia mbudi, mba phande-kumbi ia hombo, kana ku i kula; mbata ikôla; manhinga mâ u ma sangela ku kalatódio, o maji mâ u moha kuma sata ia kuoha, i tubhula dizumba diambote kua Jihova.

Dialuilu 28:12

ni tukuinhi tutatu tua efah tua fuba ia kábhia ia sata ia mákudia, iòlunge ni maji, tu di bandekeze ku kangombe kamoxi ka ndumbe; ni tukuinhi tuiadi tua efah tua fuba ia kábhia ia sata ia mákudia, iólunge ni maji, tu di bandekeza ku kilumbe kia mbudi;

Dialuilu 28:3

Ua kà a tangela kiki: Sata iami ia kuoha i mu satela Jihova, ienʼiii: Tumbudi tua jindumbe, tua muvu umoxi, ki tu moneka dixaka, kizuua tuiadi, kizuua tuiadi, mu sata ia kuoha ia izuua ioso.

I Phetele 2:5

Enu uenu kala mu matadi ma muenhu, ehelenu-phe Nzambi phala a mi Uzale mu kutunga o Tembulu ia nzumbi, ni ku mi bhanga kibuka kia jinganga jolumbile Nzambi, ji bhana o jisata ja nzumbi, ji uabhela Nzambi, mukonda dia Jezú Kristu.