Ijila 3:17 - O Mikanda Ikola

¹⁷ Ki kala kijila kienu ki xalela ku izuua ioso, ku miji ienu ioso, ku mabhata menu oso; ki mu die jinge banha mba manhinga.

Ijila 3:17 ပူးပေါင်းရင်းမြစ်များ

Dimatekenu 9:4

O xitu-phe ki mu i die ni muenhu uê, o manhinga; kuma manhinga ene o muenhu.

II Malunda 29:35

O jisata ja kubhakula ni túbhia kua Jihova anga ji kala nzungule ni ndumba dia maji ma jisata ja uembu, ni jisata ja makúnua mbé o jisata ja dizumba dia mbote. Kienhiki kia vutula dingi o ukunji ua inzo ia Jihova bhu kididi kiê.

Nehemiia 8:10

Nehemiia u a tangela dingi, uixi: Ndenu, mua kà die ima ia nete, ni kúnua ima ia touala, anga akuenu a kambe kuiudika kima mua kà a tumikise ue kia kúdia: mbata kizuua kiki kia dikota kiolumbile kua Ngana ietu; uila kiki, ki mu disuuate, mukonda o kusanguluka kua Ngana, iene o nguzu ienu.

Makatukilu 27:21

O mu balaka ia kutakanena, bhu kololo, bhua bhiti o kibatulu, umbangi anga u kala mu xilu, bhene bhu kala o kandeia; Alá ni anʼê ene a ka tambula konda, tunde ngoloxi katé kimene, bhu pholo ia Jihova; ki kala kijila kiâ, kutunda muiji, kuiza muiji, ku ana Izalaiele.

Makatukilu 28:43

a ji zuata ni Alá ni anʼê, kioso ki aia mu balaka ia kutakanena, mba ki a zukama ku kalatódio mu bhanga unganga uâ mu kididi kikôla; phala ka bonge kuêla nʼa fue; ki kala kijila ku thembu joso, ni kua muene ni ku mbutu iê hádia i mu bhingana.

Izekiiele 33:25

Kala kiki-phe, eie tangela-u, uixi: O Jihova Nzambi uambe, uixi: Mu kudia, mu dia ni manhinga, hé mu leka o mesu ku iteka ienu, anga mu bhubhisa manhinga! manhi o ixi iii ia-nda kukala ienu?

Izekiiele 44:15

Maji o jinganga, akua muiji ua Levi, o anʼa Zadoko, aiuka o kilèkelelu kia dibhezelu diami, kioso anʼa Izalaiele kia ngi balukila, ene enda ni kubhiẋila kokuami, phala ku ngi bhikila, enda ni ku kala bhu pholo iami, phala o ku ngi bhakuila o maji ni manhinga, Jihova Nzambi ua ki tange.

Izekiiele 44:7

Mukonda muexana athu engi, a kambe o ku a saia ku muẋima ni ku xitu, nʼa kale mu dibhezelu diami, nʼende ni ku di kasanesa mʼonzo iami, kioso enu ki muenda ni kubhakula o mbolo iami, ni maji, ni manhinga; o ene ia a numununa o kikutu kiami, mukonda dia maufusa enu oso.

Ijila 10:15

Ni kinama kia taku kia munomo, ni phetu ia kubhukila, a i bheka kumoxi ni maujitu ma kuoha ni túbhia ma banha, anga a i bhuka hanji kuma ujitu ua kubhukila bhu pholo ia Jihova: anga i kala ié, ni ia anʼé, kuma dikanda dienu dia izuua ioso sé thembu; mukonda kiene kia tumu Jihova.

Ijila 10:9

Kana kúnua vinhu, mba kúnua kuoso-kuoso ku kodiuisa, né eie mba o anʼê oso u uala-nâ kioso ki muia mu balaka ia kutakanena, phala ki mu fue; ki kala kijila ku miji ienu ioso katé ku hádia ni hádia;

Ijila 16:29

O kiki kijila ki xialela katé ku hádia; bhu mbeji ia sambuadi mu kizuua kia kakuinhi ku mbeje, huhenu o mienhu ienu, ikalakalu ehelenu-iu bhoxi enu-oso muene, ni akua-bhata, ni nzuangiza uoso ua tungu momuenu.

Ijila 16:34

O kienhiki ki kale-phe kijila kienu ki nangenena muende ni ku bhanga jinga kiamenga kia kulàmba o ituxi ioso ia anʼa Izalaiele, ku muvu mu ki bhanga jinga lumoxi. Alá iú ua ki bhange kala kia tumine Jihova kua Mozé.

Ijila 17:7

Ki bhua kàle dingi kuila ene abhakula jisata jâ ku madimonho, ene mu kulandukila ni kubhanga-nâ o undûmbu; kienhiki kià kale kijila kiâ ki nangenena mu miji iâ ioso.

Ijila 19:26

Ki bhu kale kima ki mudia ni manhinga mê; kana kukaiela imbanda mba mu kuata kuia ni kuzambula,

Ijila 23:14

Ki mu die-ku-phe luua mbolo, mba masa ma kuoha, mba mafelesuku, mu kinga katé mu kizuua ki mu bheka ujitu kua Nzambi ienu; kijila kiki kixalela katé ku miji ienu, mu madiembu menu moso-lolo.

Ijila 23:21

Mu kizuua kienhokio-phe mu xika ngonge kuamba tua-nda kukala ni kionge kikôla ki bhu kale midimu ia kima kioso-kioso; kiki kijila kixialela katé ku miiji ienu, mu madiembu menu moso-lolo.

Ijila 24:3

Alá muene uenda ni ku ji ta kiambote mu ididi iê ku monôno, mu kolôlo ku kanga kunu dia kibatulu kia mvéu kia luluma ni umbangi, mu Balaka ia kutakanena, ji kale jinge bhu pholo ia Jihova mu bambuka kimuanu, tunde mu ngoloxi katé kuáki; ki kale kijila ki xialela ku miiji ienu.

Ijila 24:9

I kale-phe mbolo iangene ia Alá ni anʼê, ende ni ku i dila bhu kididi kikôla, mbata kima kiakolela-ku phala muene, kia tundu ku ma-ujitu ma kubhakula ni túbhia kua Jihova, kikale kijila ki nangenena katé ku hádia ni hádia.

Ijila 3:16

o nganga anga u i ohela ku kalatódio; kifua kuene kúdia kua ujitu ua kubhakula ni túbhia, kua dizumba diambote; o banha ioso iangene ia Jihova.

Ijila 4:1

Jihova anga u ambela dingi Mozé, uixi:

Ijila 6:15

Umoxi mudiâ anga u katula-ku dibhûbhu diê ku fuba ia uabha kiambote ia mubhaku ua musa, ni ku maji u katula-ku, o uasu ua dizumba uene uoso ua bhana ku mubhaku ua musa u u ta koko, anga u i ohela ku kalatódio mu bhanga dizumba diambote, kifua ujitu ua kulembalesa ua dizumba dia mbote kua Jihova.

Ijila 6:18

Mala oso ku anʼa Alá ene a dia-ku; dikânda diâ izuua ioso, katé kua suka miji ienu, diókatule ku maujitu ma Jihova ma mu bhakuila ni túbhia; uoso u kuata-ku ua di bhange kiá muthu ukôla.

Ijila 6:22

Ni nganga ioso a mu unda, monʼê uoso hádia u mu bhingana, kiene ue kia kà bhanga; kijila kiê ki nangenena, o ujitu uenhú a u ohela jinga Jihova, uene uoso ki ku xala kima.

Ijila 7:23

Ambela anʼa Izalaiele, kuma: Ki mu di banha ia ngombe, mba ia mbudi, mba ia hombo.

Ijila 7:34

Mukonda ni phetu ia kubhukila, ni kinama kia taku kia mubhaku, eme-muène nga i tambula ku anʼa Izalaiele ku jisata jâ ja paze, eme nga i bhana nganga Alá ni anʼê, diene dikânda diâ ni ku hâdia ku miji iâ ioso.

Ijila 7:36

Kuma mu kizuua kia a undu ni maji, Jihova kiene kiambela anʼa Izalaiele kuila ende ni ku a bhana; kikala kijila kiâ ku miji ioso katé ku hádia ni hádia.

Dialuilu 19:21

Kienhiki ki kala kijila kiâ ki nangenena; o uoso u sangela o menha a dibônzo, u sukula o izuatu iê; o uoso u kuata ku menha a dibônzo, u kasana katé mu ngoloxi.

Matesu 16:24

Kienhókio Jezú u ambela jixibulu jê, uixi: Se muthu ua mesena ku ngi kaiela eme, a di fule o kudibanza muène-muene, a zangule dikulusu diê, a ngi kaiele.

Matesu 26:28

Kuma iá ene o manhinga mami, ma di zunza mukonda dia mundu phala kuloloka o ituxi. Mene o manhinga ma kuatesa o Kikutu Kióbhe bhu kaxi ka athu ni Nzambi.

Jipoxolo 15:29

Kana kudia xitu ia iama iojibhe phala ku i satela iteka. Kana kudia manhinga moso-moso, mba xitu ia kiama kiokuenhe. Ki mu bhange ue undumbu. Ima ieniʼii se enu muenda ni ku i lenga, mua bhange kiambote Tua mi menekena! Mahezu.

Efezo 1:7

Mbata etu a tu kula mu kufua kua Kristu, kiene muène, oko ituxi ietu iòloloke. Mukonda o kiadi kia tu bhanga Nzambi ni kuvula kuoso, madiuanu mê mahi ngó!

Efezo 5:26

Muène ua bhange kiki phala kulumbila o Ngeleja iê kua Nzambi, mu ku i sukula ni menha, ni ku i zelesa ni dibônzo dia maka mê.

Matendelelu 12:16

Inda o manhinga kana ku a dia; mu a zunzila bhoxi mukua ni menha.

Matendelelu 12:23

Inda-phe ta-ku muxima phala o manhinga kana ku a dia; kuma o manhinga uene o muenhu; eie u muthu umoxi kuile udia o muenhu, anga udia ue o xitu.

Matendelelu 12:24

Kala kiki, o manhinga kana ku a dia; ẋamuina-u bhoxi mukua ni menha.

Matendelelu 15:23

Di lange-phe ngó kioso ki u i dia, ku idie-phe ni manhinga mê kumoxi, maji u a ẋamuina bhoxi, kala menha.

Matendelelu 32:14

Ni matheka ma jivaka ni lete ia ilunga ia jimbudi. Ni banha ia jiseseme, ni ia ilumbe ia jimbudi, jene kudila mu makèla ma Basane, ni ia isutu ia jihombo; ni tiliko ia nete kiambote. Eie ua zuuela jinga o manhinga ma ji-uva, o vinhu ia kambe ku thuthuma kifulu.

I Timote 4:4

Kuma kimbamba kioso kia bhanga Nzambi kia uabha, kana-bhu kia tokala kudituna-kiu, se athu a ki tambula ni musambu ua kusakidila.