Ijila 3:16 - O Mikanda Ikola

¹⁶ o nganga anga u i ohela ku kalatódio; kifua kuene kúdia kua ujitu ua kubhakula ni túbhia, kua dizumba diambote; o banha ioso iangene ia Jihova.

Ijila 3:16 ပူးပေါင်းရင်းမြစ်များ

Dimatekenu 4:4

Abele ue u bheka ku anʼa jimbudi mu kilunga kiê oso a dianga ku a vuala, ni ku misuinhi ianete. Ngana anga u suua Abele ni ujitu uê,

II Malunda 29:35

O jisata ja kubhakula ni túbhia kua Jihova anga ji kala nzungule ni ndumba dia maji ma jisata ja uembu, ni jisata ja makúnua mbé o jisata ja dizumba dia mbote. Kienhiki kia vutula dingi o ukunji ua inzo ia Jihova bhu kididi kiê.

II Malunda 7:7

Solomá anga u lumbila ue o dikaẋi dia lumbu dia kexile ku pholo ia inzu ia Jihova; mukonda o jisata ja kuoha, ni maji a jisata ja uembu, bheneʼobho bhua ji bhelelele; mbata o Kalatódio ka utadi, ka iudikile Solomá, o jisata ja kuoha ni maujitu a makudia ni maji a ibhaku ki ji tenene kusoka-bhu.

Makatukilu 29:13

U kuata ue o banha ioso i tunda ku dikutu, ni kikonda ki bhita ku thandu dia muxima, ni anasonhi aiadi, ni banha iala ku anasonhi, anga u i ohela ku kalatódio.

Makatukilu 29:22

Kala kiki ni muene ni izuatu iê, kumoxi ni anʼê ni izuatu iâ, a kale oso òlumbe kua Jihova. Kienhókio o ku kilumbe ue u katula banha iê ni mukila uê ua nete, ni banha i tunda ku dikutu, ni kikonda ki bhita ku muxima, ni anasonhi aiadi, ni banha iala ku anasonhi, ni kinama kia taku kia mbandu ia kadilu, kuma kiki kilumbe kia kulumbila ku unganga.

Izaía 53:10

Maji kiene-phe kia uabhelele Jihova, o ku mu tutujula ni ku mu katesa; kioso o muenhu uê kia u bhanga kiamenga kia kituxi, muene ua-nda kumona o mbutu iê, ua-nda kuvula izuua ia kulaia, o kioso kia uabhela Jihova, kia kà Zediuila bhu lukuaku luê.

Izekiiele 44:15

Maji o jinganga, akua muiji ua Levi, o anʼa Zadoko, aiuka o kilèkelelu kia dibhezelu diami, kioso anʼa Izalaiele kia ngi balukila, ene enda ni kubhiẋila kokuami, phala ku ngi bhikila, enda ni ku kala bhu pholo iami, phala o ku ngi bhakuila o maji ni manhinga, Jihova Nzambi ua ki tange.

Ijila 17:6

O nganga-phe ua kà sangela manhinga ku kalatódio ka Jihova, bhu muelu ua balaka ia kutakanena, o banha a i ximika mu bhakula dizumba di nuha kiambote kua Jihova.

Ijila 4:26

Banha iê ioso u i ohela ku kalatódio, kala o banha ia sata ia paze ki ene ku i oha; nganga anga u mu bhangela kiamenga mukonda dia kituxi kiê, anga a mu loloka.

Ijila 4:31

O banha ioso u i katula-ku kala kiene kukatula banha ku sata ia paze; nganga anga u i ohela ku kalatódio kuma dizumba diambote kua Jihova; nganga anga u mu bhangela kiamenga, anga a mu loloka o kituxi kiê.

Ijila 8:25

Anga u katula o banha iê ioso ni mukila uanete, ni banha ioso ku mídia, ni banha iala ku miẋima, ni anasonhi ene kiiadi kiâ ni banha iâ, ni kinama kia taku kia mbandu ia kúdia.

Ijila 9:24

Kuma bhu pholo ia Jihova bhua tundu túbhia tu tua jidisa o sata ioso ia kuoha ni banha iala ku kalatódio; o kifuẋi kioso kia ki mono, a dikola ni ngalasa, hé a di bhala jipholo bhoxi, mu kudiunda.

Matesu 22:37

Jezú ua mu vutuila, uixi: Zola Ngana, Nzambi iê, ni muẋima ué uoso, ni muenhu ué uoso, ni kilunji kié kioso.