Ijila 3:12 - O Mikanda Ikola

¹² O ujitu uê se u kala hombo, a i bheke bhu pholo ia Jihova bhene bhua i bhakuila;

Ijila 3:12 ပူးပေါင်းရင်းမြစ်များ

Izaía 53:2

Kuma muene uaii ni ku kula bhu pholo ia Nzambi mukuâ ni luthangu lu fuafua, kala lundanji lua xoxouela mu mavu ma kukuta; o ku mu tala, ka kexi ni kidifua mba uuabhelu ua pholo; o ki tua mu idi sui, ki tua mu muene ni kuuabha kua kima, kuila tu mu inda.

Izaía 53:6

Etu oso tua kexi mu kuenda kala jimbudi ja jimbidila; kala muthu u di-texila ni njila iê; maji-phe o mulonga ua tu tokala etu-oso, Jihova ua mu xina-u kiá muene ku thandu diê.

Ijila 1:10

O ujitu uê ua bheka se u kala ua kibhaku kiofele mbudi mba hombo, ia sata ia kuoha, a sole ia ndumbe, sé ngó unema, mba dibaka.

Ijila 1:2

Zuelesa anʼa Izalaiele, u a ambela kiki: Se muthu mudienu ua mesena kubhanga ujitu kua Jihova, ujitu u u katula ku ibhaku, ku jingombe mba ku jimbudi ni jihombo.

Ijila 1:6

Sata ia kuoha i bhinga u i tàla, hé u i bhanga ku idiandu.

Ijila 10:16

Mozé anga u kala mu sota ni muanu o hombo ia sata ia kituxi, u sanga-phe a i oha kiá, anga u temena Eliiazale ni Itamale anʼa Alá a xala-bhu ni muenhu, uixi:

Ijila 3:1

O ujitu ua muthu-phe se u kala sata ia paze mba ia kusakidila, se u katula kibhaku mu kibhanga, mba ndumbe mba mukaji, kikale-phe kia disanze sé ngó unema mba dibaka bhu pholo ia Jihova.

Ijila 9:15

Anga u bhakula o ujitu ua kifuẋi, u kuata kisutu kia hombo kia sata ia kifuẋi ia kituxi, u ki jibha, u ki bhana mu sata ia kituxi, kala kia bhange kia dianga.

Ijila 9:3

O anʼa Izalaiele u ambela, kuila: Enu mu kuata kisutu kia hombo kia sata ia kituxi, ni monʼa ngombe ua kiubha, ni monʼa mbudi ua kiubha, a di sanze kiambote sé ngó unema, phala sata ia kuoha;

Dialuilu 15:6

Se kilumbe kia bheka, mubhaku uê ua makudia u kala tukuinhi tuiadi tua efah ia fuba ia kábhia, iólunge ni mbandu ia katatu ia hine ia maji;

Loma 8:3

Kima kia lémbua o Kitumu kia Mozé mukonda dia kubhuila kuê mu xitu, Nzambi ua ki bhange muène mu kikexilu kia xitu, ituxi ua i êlesa mu kutumikisa Monʼ ê muène, mu kidifua kia xitu ia ituxi, mu kufuila o ituxi, mbé ituxi na tene ku i zubha-ku.

II Kolindo 5:21

Kristu kia kexi, ka moneka kituxi, maji Nzambi ua mu tambuisa mbandu ku ituxi ietu, phala etu, mu kisangela ni Muène, tu tambule uetu mbandu mu kulûnga kua Nzambi.