Ijila 3:1 - O Mikanda Ikola

¹ O ujitu ua muthu-phe se u kala sata ia paze mba ia kusakidila, se u katula kibhaku mu kibhanga, mba ndumbe mba mukaji, kikale-phe kia disanze sé ngó unema mba dibaka bhu pholo ia Jihova.

Ijila 3:1 ပူးပေါင်းရင်းမြစ်များ

I Malunda 21:26

Kienhiki Davidi anga utunga bhenhobho o kalatódio ka Jihova, hé ubhana o jisata ja kuoha ni jisata ja mutululuku; anga uhingila Nzambi; Ngana hé u mu vutuila ni túbhia tua tundu ku diulu, hé tu tula ku thandu dia kalatódio ka sata ia kuoha.

Makatukilu 20:24

U ngi tungila kalatódio ka mavu, anga u ngi satela ku thandu diê; o sata jê ja kuoha, ni sata ja paze, ni ja jimbudi jé, ni ja jingombe. Bhuoso bhu kididi bhu ngi bhangesa dijina diami kufumanena-bhu, ngi ku sanga bhenhobho, anga ngi ku bhana kuzediua.

Makatukilu 24:5

Anga u tuma minzangala ku anʼa Izalaiele, kuia mu kubhakula jisata ja kuoha, a jibha jisata ja paze, ja jingombe ja satela Jihova.

Makatukilu 29:28

Di kala diene o dikânda dia Alá ni anʼê, kuila kiâ ku anʼa Izalaiele ku thembu joso, dikânda dia kunomona, kuma a i nomona ku jisata ja paze ja bheka anʼa Izalaiele kua Jihova; ujitu uangene ua Jihova, kuma uene ujitu ua bheka anʼa Izalaiele kua Jihova.

Jisabhu 7:14

Lelu ngala ni jisata ja paze ku bhata; kuma lelu ngi kumbidila o jihasa jami ji nga di hambelela.

Izekiiele 43:27

O kioso ene kia zubha kualuka o izuuʼiii, kia kà kala-phe kuila, mu kizuua kia kanake, tunde kiá bhu kumbi diê ʼte ku pholo, o jinganga ene kiá a kà iudika jinga, ku thandu dia Kalatódio o jisata jenu joso ja kubhakula ni túbhia ni jisata jenu ja paze; eme-phe kiá nga kà di kenha momuʼenu, Jihova ua ki tange.

Izekiiele 45:15

O ku kilunga kia hama jiiadi ja mbudi, mu katula jinga-ku kambudi kamoxi ku jojo ja nete kiambote mu makela a Izalaiele, mbé o ujitu ua mákudia, ni sata ia kubhakula ni túbhia kua Jihova, ni sata ia kutululuka; phala o mundu ende ni ku u bhangela o kiamenga, kiene kia tange Jihova Nzambi.

Ijila 1:10

O ujitu uê ua bheka se u kala ua kibhaku kiofele mbudi mba hombo, ia sata ia kuoha, a sole ia ndumbe, sé ngó unema, mba dibaka.

Ijila 1:3

Ujitu uê se u kala sata ia kuoha ia ngombe, a sole ia ndumbe, sé ngó unema; a i bheke muène mu vondadi iê, bhu muelu ua balaka ia kutakanena, phala a i ẋikine bhu pholo ia Jihova.

Ijila 17:5

Mu ki bhanga phala anʼa Izalaiele, jisata jene kuenda ni kusatela ngó mu mukáu, ende ni ku ji bheka kua Jihova, bhu muelu ua Balaka ia kutakanena, kua nganga, a ji bhakule kuma jisata ja paze, kua Jihova.

Ijila 3:6

Se o ujitu uê ua sata ia kuoha ia ku satela Jihova, u kala ua kibhaku kia mbudi mba hombo, kixi ndumbe mba mukaji, ki kale-phe kiadisanze kiambote sé ngó unema uoso-uoso.

Ijila 9:18

Anga u jibha ue ni ndumbe ia ngombe ni kilumbe kia mbudi ia jisata ja paze, ia tokala o kifuẋi; anʼa Alá anga a mu bhekela manhinga, muene anga u a eẋikila mu jimbandu jikoso ja kalatódio,

Ijila 9:4

ni ndumbe ia ngombe ni kilumbe kia mbudi kia sata ia paze, mbé kusatela bhu pholo ia Jihova; ni mubhaku ua musa uólunge ni maji; kuma lelu Jihova ua-nda ku mi tukulukila.

Amoji 5:22

Né-mbe mu ngi bhakuila jisata jenu ja kuoha, ni mibhaku ia makudia, ki ngi tena ku i tanena; o ku jisata jenu ja uembu, ja ibhaku ia nete, ki ngi suu-ku, mba ngi tala-ku diesu.

Malakiia 1:14

Lamba dia muthu ió mukua mangonha, uoso uila o kibhaku kia ndumbe sé kisemu, iú na-kiu mu kibhanga kiê, maji o kia tanga kubhana kima kua Jihova, mu ku kumbidila polomesa iê ubhana kima ki kiauabha ki kuata ukoxina. Jihova dia Ifuẋi phe, uixi: Ki kiene, kana! Mukonda eme ngi Sobha ionéne; dijina diami a kà di kuatela uoma mu ngongo ioso.

Malakiia 1:8

Mukonda kioso ki mu satela kibhaku kiafu mesu, muexi ki ki di kima, manhi ki kima kiaiibha? Se mu satela kibhaku kiala mú tenguna ni unema, mba kiala ni uhaxi, muexi ki ki di kima, manhi ki kima kiaiibha? Bhakula hanji o ujitu kala iú, kua muenexi uenu; muene uanda ku ku sakidila, inga muene ua-nda ku ku tambulula? kiene kiambe Jihova dia Ifuxiʼiki.

Dialuilu 15:8

Se ngombe i u bheka, ia kuoha, mba sata ia mutululuku, mu ku tenesa hasa, mba mu ujitu ua mutululuku kua Jihova;

Dialuilu 6:14

anga u bhana ujitu uê kua Jihova, kilumbe kia mbudi kia muvu umoxi sé ngó dixaka, kia sata ia kuoha, ni mbudi ia mukaji ia muvu umoxi sé ngó dixaka, ia sata ia kituxi, ni kilumbe sé ngó dixaka, kia sata ia paze,

Dialuilu 7:17

o ia jisata ja mutululuku, ngombe jiiadi, ilumbe itanu, isutu ia jihombo itanu, tumbudi tua ndumbe tua muvu umoxi tutanu; iú uene o ujitu ua bheka Nasono dia Aminadaba.

Dialuilu 7:59

o ia jisata ja mutululuku, ngombe jiiadi, ilumbe itanu, isutu ia jihombo itanu, tumbudi tua ndumbe, tua muvu umoxi, tutanu; uene o ujitu ua bheka Ngamadiiele dia Pedazule.

Matendelelu 12:27

anga mu bhakula jisata jenu ja kuoha, ni xitu ni manhinga mu i ta ku kalatódio ka Jihova Nzambi ienu; o manhinga oso a jisata jenu, mu a ẋamuina ku thanduʼa kalatódio ka Jihova Nzambi ienu; maji o xituʼoio mu idiê.

Kolose 1:20

Uila kiki, Nzambi ua solele ue kua Mona kuluuluila-ku o ima ioso ni muène Nzambi, kia zubha kubhanga paze ni manhinga ma kufua kua Monʼê ku dikulusu diê; iene ioso kindala i luulukila kua muène o Mona, kixi ima mu ngongo, kixi ima ku diulu.

Jihebeleu 10:22

Uila kiki, tu bhiẋidienu kua Nzambi, ni muẋima ua kidi, ni kuxikana kua soko, ni ku tu zelesa miẋima mu ku tu bhuisa o kitongoluelu kiaibha, ni ku dʼixika o mikutu ni menha ma zele.

I Nzuá 1:3

O kima ki tua mono, ki tuevu, kiene ki tua mi tudila o Njimbu iê, phala enu uenu mu kale ku ukamba kumoxi ni etu, uila etu ki tuala mu kidi kiene ku ukamba kumoxi ni Tata ni Monʼê Jezú Kristu.

Afundixi 20:26

Bhenhobho ana oso a Izalaiele, mundu uoso, a banda ku Betele, a dila, a xikama bhu pholo ia Jihova, hé a jila kizuua kioso kienhókio, ki bhua kúdia ki bhua kunua katé mu ngoloxi; a bhana ni jisata ja kuoha ni jisata ja paze bhu pholo ia Jihova.

Afundixi 21:4

Bhenhobho anga ki bhita kuila ki kúkia ni kimene, mundu a di meneka, anga a tunga-bhu kalatódio, a bhana jisata ja kuoha, ni jisata ja kubhandulula.