Ijila 27:3 - O Mikanda Ikola

³ Se diiala, tunde ku mukua makuinhi aiadi a mivu, katé ku mukua makuinhi asamanu, mu xindile suilu ia makuinhi atanu a xikulu ja phalata, mu xikulu iene ia dibhezelu.

Ijila 27:3 ပူးပေါင်းရင်းမြစ်များ

II Jisobha 12:4

Jouaji anga uambela o jinganga, uixi: O kitadi kioso kia ima ikôla ieza na-iu mʼonzo ia Jihova, o kitadi kia oso a bhita ku disonekenu dia mundu, o kitadi kia muthu ni muthu kala kiá kioso kiate o suilu iê-muene ki mu mu talesa, ni kitadi kioso muthu ni muthu kia di fikisila kubheka phala o inzu ia Jihova.

Makatukilu 30:13

Uoso-phe a mu alula kiá, ua kà bhana kiki: Kaxaxi ka xikulu, xikulu-phe ia dibhezelu; (ioio iala ni makuinhi aiadi a milambongo) kaxaxi ka xikulu uene ujitu ua Ngana.

Makatukilu 38:24

Ulu uoso uaii mu ufunu ua kuiudika dibhezelu, o ulu athu ua bhakula mu ujitu ua vondadi, makuinhi aiadi a talendu niʼvua, ni hâma sambuadi ia xikulu ni makuinhi atatu, o xikulu iene ia dibhezelu.

Ijila 27:14

Se ku kala muthu ulumbila inzo iê phala itokale Jihova, nganga-phe a i xinde o suilu iê, né iauabha mba iaiibha; ioso o suilu iê i xinda o nganga, iene.

Ijila 27:25

Suilu iê ioso-phe uenda ni ku i katula ku xikulu ia dibhezelu, ku lumbu lua Jihova; xikulu ioio ipezala makuinhi aiadi a ʼjêla.

Ijila 27:4

Maji-phe se muhatu, mu xindile suilu iê mu makuinhi atatu a jixikulu ja phalata.

Ijila 5:15

Se muthu u tondala o mu kukamba ku kʼijiia nʼa te kituxi mu imbamba ia ngene ikola ia Jihova, bhenhobho mu ujitu kua Jihova a bheke kilumbe kia mbudi mu kuêla kuê, kia di sanze kiambote, sé ngó unema, kiʼósole mu kilunga; o ku ta kuê mu jixikulu ja phalata, eie-muène kiá u mona se kia te xikulu jiiadi, maji o xikulu ikala iene ia dibhezelu, mu sata ia kikuma kiê.

Ijila 6:6

U bheka ujitu kua Jihova mu kuêla kuê, kilumbe kia mbudi kiadisanze kiambote sé ngó unema, eie-muène u ki mona se kia te kiasoko, anga u ki bhana kua nganga;

Dialuilu 18:16

Oso-phe mudiâ a kala phala ku a kula, ua kà a kula, tundé kia kala hanji mu kitala kia mbeji imoxi, kioso eie-muène ki ua kâ a talela, hé u a xindila xikulu jitanu ja kitadi, kala kia soko o xikulu ia dibhezelu, ia makuinhi aiadi a jela.

Dialuilu 3:47

Kala mútue u tambula xikulu jitanu, xikulu ia dibhezelu ia bhana, kuma xikulu i kala ni makuinhi aiadi a jela.