Ijila 26:9 - O Mikanda Ikola

⁹ Enu-phe ngi mi sakukila muene kuma mesu ami ngi a ta kokuenu, anga ngi mi bhana o ku di vuala, hé ngi mi sokolola muene, anga ngi kolesa o kikutu kiami nʼenu.

Ijila 26:9 ပူးပေါင်းရင်းမြစ်များ

Dimatekenu 1:28

Nzambi anga u a tula o kizediuise, uixi: Vualenu, mu sokoloke, mu izalese ixi ioso, mu i tolole; mu tumine ue jimbiji jendela mu menha, ni jinjila ji bhita bhulu, ni iama ioso ia muenhu iendela ku mavu.

Dimatekenu 17:20

O ku mbandu ia Ijimaiele ue, nga ku ivu; talesa, ngi mu bhana ue o kuzediua, u kala kivuadi, ngi mu sokolola kiavulu muene; hinu u vuala kuinhi dia ngana ni kiiadi, ngi mu bhanga u kala kifuẋi kia dikota.

Dimatekenu 22:17

Nga-nda ku ku zediuisa kiavulu muene, ngi ku sokolola kinéne-nene, mbutu ié i vula kala jithéthembua ku diulu, mukuâ ni museke bhu mbandu ia kalunga; mbutu ié i tambula mielu ia jinguma jâ;

Dimatekenu 26:4

ngi sokolola mbutu ié kala jithéthembua ku diulu, mbutu ié ene nga a bhana jixi josoʼiji; ku mbutu ié kuene kua kà bhandulukila miiji ioso mu ngongo.

Dimatekenu 28:14

mbutu ié i sokoloka kala fufuta ia bhoxi, ia kà di zala ni ku luiji hi ku thunda, ni ku suku ni ku sulu; ko kué ni ku mbutu ié kuene kua kà bhandulukila miiji ioso mu ngongo.

Dimatekenu 28:3

Nzambi, Uatena-Ioso, a ku zediuise, a ku bhane kuvuala, a ku sokolole, u di bhange u mundu ua ifuẋi ia athu.

Dimatekenu 48:4

uixi: Iala-ze, nga-nda ku ku bhangesa kudivuala ni kudivualulula, ngi ku bhanga u kala u ndumba dia ifuẋi, ixi iii ngi i bhana anʼê a ku bhingana, i kala undundu uâ, thembu ioso sé dizubhilu.

Dimatekenu 6:18

Maji-phe nga-nda ku ta kikutu kiami ni eie: ua kà bokona mu álaka, eie, ni anʼé a mala, ni mukajiʼé, ni akaji a anʼé, kumoxi.

I Jisobha 3:8

Eme-phe ngi mulekiʼé ua ngi mono, ngala muʼaxaxi ka mundu ué u uà sola, mundu uadikota, mundu ki u xikina ku u tanga mba ku u kuata konda mukonda dia kuvula.

II Jisobha 13:23

Maji-phe, Jihova ua a kuatelele henda, anga u a lendukila, hé u a sakukila, mukonda dia henda ia kikutu kiê kia tele ni Mbalahamu, ni Izake, ni Jakobo; anga u dituna o ku a jima o mbutu, o bhu pholo iê ue, ka a kaie-bhu luua.

Nehemiia 2:20

Bhenhobho nga a kumbulula, ngixi: Nzambi ia diulu muene ua-nda ku tu kuatekesa; etu tu abhikʼê tu balumuka ngoho ni tu tungu; maji enu-phe mu Jeluzaleme kana-mu mbandu ienu, mba undundu, mba kima kiengi kia xa o Makulu.

Nehemiia 9:23

Anga u sokolola anʼâ mukuâ ni jithéthembua ja diulu, anga u a bhiẋidisa mu ixi i ua tangelele o jitata jâ ku i bokona, nda a i tambula ni a ivue.

Jisálamu 107:38

Ku dibesá diê, a di sokolola muene kiavulu; o ibhaku iâ, ki i tebhunuka, lémbue!

Jisálamu 89:3

Uixi: Nga te kikutu ni muthu uami nga mu solo, selevende iami Davidi nga mu lokela.

Makatukilu 1:7

Maji anʼa Izalaiele anga a kala mu di vuala muene, a sokoloka, mueza kifuẋi kia dikota; ixi ioso iezala, ene mu ene.

Makatukilu 2:25

Nzambi anga u mona anʼa Izalaiele, Nzambi anga u suua o dilamba diâ.

Makatukilu 6:4

Nga kuatesa kikutu kiami ni ene, mu ku a bhana ixi ia Kanana, ixi ia unhunginu uâ mua kexi kunhungina.

Izaía 55:3

Bhetekenu o mátui menu, nda mu ize kokuami; ividilenu, muenhu uenu ubhuluke; kuma nga-nda kuta nʼenu kikutu kixalela-ku, hé ngi mi bhana jimbote ja Davidi ki jene kufula.

Jelemiia 23:3

Anga eme-muène ngi bhongolola joso ja subhuka ku jimbudi jami, ngi ji takana ku jixi joso kua ji kaielele anga ngi ji vutula dingi mu ibhanga iê, hé ja kà di vuala anga ji sokoloka muene.

Jelemiia 23:4

Hé nga kà ji bhana abidi a tokala o ku jinga, o jene ki mungu dingi jà kala ni uoma, mba jiia ni kusasumuka, mba bhu kala ngó imoxi i kamba-ku, Jihova ua ki tange.

Jelemiia 33:3

Dikole kokuami, nda eme ngi ku vutuile ni ngi ku tudile jimene ja ima ionéne, ia kuata ia kolo, i ua kambiʼeie kuijiia.

Izekiiele 16:62

Mukonda eme nga-nda kua kà ta o kikutu kiami ni eie, hé ua kà kʼijiia kuila eme muene ngi Ngana;

Izekiiele 36:9

Talesenu, kuma eme ngala ni enu; eme nga-nda kulungulukila kokuenu, enu anga a kà mi dima ni a mi kune.

Ijila 26:15

o jingonge jami se mua ji te dikunda, o mabatuilu mami mua di kumu-nâ, anga mu fula o ku kumbidila ijiia iami ioso, phala ku ngi seluila o kikutu kiami,

Luka 1:72

uambe kulondekesa o henda ku jitata jetu, ni kulembalala o kikutu kiê kia ngene.

Matendelelu 28:11

O jimbote Jihova ua-nda ku ku vudixila-ju kiá, akuenu oso ndenge; u ku bhana-ju ku ibundu ia divumu dié, u ku bhana-ju ku ibundu itunda mu ibhaku ié, u ku bhana-ju ku ibundu ia mavu aʼxi ié, mʼoxi ia lokela Jihova ku i bhana ku jitata jenu.

Matendelelu 28:4

Ia kà zedikua o mbutu i tunda mu divumu dié ni mbutu i tunda mu díbhia dié. Ia kà zediua o mbutu ia ibhaku ié ia jingombe, mba ilunga ia jimbudi jé. Tua kà zediua o tuana tua jingombe jé ni tuana tua jimbudi jé.

Matendelelu 7:13

Muene ua-nda ku ku zola, ua-nda ku ku zediuisa, anga u ku sokolola, katé ni mbutu i tunda mu divumu dié u i bhana ue kuzediua, katé ni mbutu mʼóbhia dié u i ta ue dibesá; ni masa mé ni muvide ni máji mé ni ibhaku ié ia jingombe, ni ilunga ié ia hombo ni mbudi i u kala na-iu mʼoxi ia lokela Jihova kubhana ku jitata jenu.

Jihebeleu 8:9

Ki kia kà kala uila o kikutu ki nga tele ni jitata jâ, kizuua ki nga a kuatele mu lukuaku, phala ku a katula mʼoxi ia Ijitu. Kuma ene ka nangene-mu mu kikutu kiami, eme uami ki nga a suuile—eme ngi Ngana.