Ijila 26:8 - O Mikanda Ikola

⁸ O kitanu mudienu, kia kà kaiesa hama ia jinguma; o ki mu kala mu háma, mu kaiesa kuinhi dia midi; o jinguma jenu enda ni kulalumuka ku xibhata ienu.

Ijila 26:8 ပူးပေါင်းရင်းမြစ်များ

I Malunda 11:11

Enhá ene a tundu ku dialuilu dia ilôlo iakexile na-iu Davidi ku jikabitangu: Jokebeiame, mukua Hakimone uakexile o kilolo kia kibuka kia makuinhi atatu a makuenze, muenhú ua katula o ngumba iê iu ua jibha na-iu hama jitatu ja mala, mu kithangana kimoxi.

I Malunda 11:20

Abisai ue, phange ia Jouabe, uakexile mutumini ua kitatu, anga u katula ue o ngumba iê, u jibha na-iu hama jitatu ja jinguma, o dijina diê anga dixala fuma muʼaxaxe kâ.

Estere 9:16

Jijudé jamukuá mu jisengu ja muenexi a di bhongolola ue, a bhângela mienhu iâ anga a kala ni kutululuka, kuma jinguma jâ a ji tebhununa, kua iá a a zembe a jibha-ku makuinhi sambuadi a midi ni midi jitanu; maji jimbongo jâ-phe ka ji bhûndu, kana.

Ijila 26:7

Nguma jenu mu ji bhesa muene lusolo, anga jenda ni kulalumuka ku xibhata ienu.

Zakadiia 12:8

Bhu kumbiʼodio Jihova ua kà ongeka iá a tunga mu Jeluzaleme; o uoso ua tolo nguzu mu kaxi kâ, bhu kumbi dieneʼodio ua kà kala mukua ni Davidi; o dibhata dia Davidi dia kèla kala Nzambi, mukuá ni anju ia Jihova bhu pholo iâ.

Dialuilu 14:9

Hé kima, kana kukitukila Jihova, kana kukala ni uoma ua akua-xi; kuma a kala mbolo ietu ia kúdia, kilembeketa kiâ kia tundu-ku, kala na-kiu dingi, etu-phe Jihova tuala-nê; ki mu kale ni uoma.

Dialuilu 31:4

Ku muiji kutunda midi, ku muiji kutunda midi, ku miji ioso ia Izalaiele, ni mu a tume ku ita.

Matendelelu 28:7

Jihova ua kʼènda ni ku ku toluela o jinguma joso ji balumuka mu ku ku kanena, u a nemeka muene bhu pholo ié. Se eza njila imoxi mu kubhânga ni eie, eie ua-nda ku a kaia, a ku lenga mu sambuadi dia njila.

Matendelelu 32:30

Se ʼTadi diâ ua kambele ku sumbisa o nguma jâ kua ene, mbé eje kutena kuila muthu umoxi ulandemeka midi, kiiadi a kaia kuinhi dia midi? Ki Jihova muene ua a bhakula?

Josuué 23:10

Muthu umoxi mudienu, uasoko-bhu ku kaiesa midi; mbata o Jihova Nzambi ienu, muenʼié-muène u mi luila jinga o ita, kala kiene ku mi ambela kiá.

Afundixi 15:15

Anga u mona-bhu kifuba kia lunga nzuánzua lua bulu, u sunununa lukuaku hé u ki kuata, anga u jibha na-kiu midi ia muthu.