Ijila 26:7 - O Mikanda Ikola

⁷ Nguma jenu mu ji bhesa muene lusolo, anga jenda ni kulalumuka ku xibhata ienu.

Ijila 26:7 ပူးပေါင်းရင်းမြစ်များ

I Malunda 19:15

Ana a Amone ue kia ki mono kuila akua Sídia a lenge, ene uâ a lenga bhu pholo ia Abisai, phangʼiê, anga a bokona mu nge iâ; o Jouabe anga uiza ku Jeluzaleme.

Estere 9:16

Jijudé jamukuá mu jisengu ja muenexi a di bhongolola ue, a bhângela mienhu iâ anga a kala ni kutululuka, kuma jinguma jâ a ji tebhununa, kua iá a a zembe a jibha-ku makuinhi sambuadi a midi ni midi jitanu; maji jimbongo jâ-phe ka ji bhûndu, kana.

Jisálamu 81:15

Oso a zemba Jihova, eje kuiza kua muene ni kudiunda; ene-phe o thembu iâ ienhiʼii, ieje kunangenena.

Ijila 26:36

O ió-phe oso hanji asubhuka-ku momuenu, ngi a tuika uoma uonéne mu miẋima iâ, ubhinga kuila o mʼoxi ia jinguma jâ muala, katé ni dife diala kulokosa ni kitembu, dienhidi dia a bhesa ue lusolo; anga a kà kuata muene kulenga kala ala kulenga xibhata; a kà di vunda-vunda bhoxi, sé ngó muthu uala ku a landameka.

Ijila 26:6

Ngi mi bhana ue o ku di bhola ku mátui, anga mu zeka kilu kiambote u mi sasumuisa ka moneka; o iama ioso i mi talesa o hadi, ngi i zumbula ku mbandu joso; mʼoxi ienu ue ki mu tena kubhita xibhata.

Ijila 26:8

O kitanu mudienu, kia kà kaiesa hama ia jinguma; o ki mu kala mu háma, mu kaiesa kuinhi dia midi; o jinguma jenu enda ni kulalumuka ku xibhata ienu.

Matendelelu 28:7

Jihova ua kʼènda ni ku ku toluela o jinguma joso ji balumuka mu ku ku kanena, u a nemeka muene bhu pholo ié. Se eza njila imoxi mu kubhânga ni eie, eie ua-nda ku a kaia, a ku lenga mu sambuadi dia njila.

Matendelelu 32:30

Se ʼTadi diâ ua kambele ku sumbisa o nguma jâ kua ene, mbé eje kutena kuila muthu umoxi ulandemeka midi, kiiadi a kaia kuinhi dia midi? Ki Jihova muene ua a bhakula?

Josuué 23:10

Muthu umoxi mudienu, uasoko-bhu ku kaiesa midi; mbata o Jihova Nzambi ienu, muenʼié-muène u mi luila jinga o ita, kala kiene ku mi ambela kiá.

Afundixi 15:15

Anga u mona-bhu kifuba kia lunga nzuánzua lua bulu, u sunununa lukuaku hé u ki kuata, anga u jibha na-kiu midi ia muthu.

Afundixi 4:16

Balake-phe uia ni kukaia makalu, ni kukaia kilombo kioso kia kifuẋi kia Xixela katé bhu Halosete ia matumbu; kifuẋi kioso kia Xixela anga a ki leleka ku mazu a xibhata; ki bhuala diiala dia xala-bhu, né umoxi ngó.

Afundixi 7:23

Bhenhobho mala ma akua Izalaiele, anga a di kasa, ni mua Nafitali, ni mua Asele, ni Manasa ioso, hé a kuata kukaia akua Midiiana.

I Samuuele 14:13

Jónata anga u sambela ni kuavula ku maku ni inama, o kibese kiê ua mu mu kaiela. Jifilisteu anga aia ni ku dibhala bhu pholo ia Jónata, o kibese kiê anga uiza ni ku a jibhila ku dima diê.