Ijila 26:6 - O Mikanda Ikola

⁶ Ngi mi bhana ue o ku di bhola ku mátui, anga mu zeka kilu kiambote u mi sasumuisa ka moneka; o iama ioso i mi talesa o hadi, ngi i zumbula ku mbandu joso; mʼoxi ienu ue ki mu tena kubhita xibhata.

Ijila 26:6 ပူးပေါင်းရင်းမြစ်များ

II Jisobha 2:24

O muene kia lunguluka kuema, ua a mono, hé u a bhubhidila ni ku a ta mázui mu dijina dia Jihova; bheneʼobho, itôto iiadi, ia akaji, i tunda mu ditutu, anga i sanujuna makuinhi a uana ni kiiadi ku tuana tuenhoto.

I Malunda 22:9

Tala-ze, o mona ua-nda ku mu vuala, ua kà kala diiala dia tululuka; mbata nga kà mu bhana o kunhoha ku jinguma jê joso, jala mu jimbandu jaʼxi iê; mu kienhiki, Solomá, diene dia kà kala o dijina diê; ni uembu, ni kunhoha, nga-nda ku ku bhana Izalaiele mu izuua iê.

II Malunda 20:30

O ixi ia utuminu ua Jozafate anga ila muene hudí; Nzambi ua mu bhana kunhoha ku jimbandu joso.

Jobe 11:19

Ua kà zeka muene, ki bhu kala muthu u ku sasumuna; athu àvula muene, a kèza mu ku di bhomba kokué.

Jobe 5:23

Kuma katé ni matadi mu mikáu, ua kà kuata na-u ukamba; o iama ia iangu ua kà di tuma na-iu kiambote.

Jisálamu 144:14

Jingombe jetu ji kale ni nguzu ia kukalakala, ki bhu kale dingi o kimbaka ku ki bula, ki bhu kale kusalumuka bhu bhata, ni ma-kutunda-tunda, ki bhu kale dingi o kudikola-kola mu nzunga jetu.

Jisálamu 147:14

Muene ua ku bhana o kutululuka katé kua suku o mbambe ié, muene ua ku bhana o kuikuta ni tiliku ia fina.

Jisálamu 29:11

Jihova muene u bhana o nguzu ku mundu uê; Jihova u zediuisa o mundu uê ni kutululuka.

Jisálamu 3:5

Nga zekele, ngele muene ku kilu; kuaki, nga tono; mukonda Jihova muene ua ngi bhake ku muenhu.

Jisálamu 4:8

Kala kiki, ngi zeka ni kutululuka, ngiia muene ku kilu; mukonda eie u Jihova uala ku ngʼinga; né ku ubheka uami ngala bhua kondama.

Jisálamu 85:8

Ngʼividila kua Jihova Nzambi kioso kia zuela; kuma ka kambe kuzuela paze ku mundu uê, ni kua anʼê oso a mu zola; maji ka ki tone dingi o kuvutuka mu lusebhu.

Makatukilu 23:29

Ki ngʼa a kaie-phe bhu pholo ienu muvu umoxi ngó, phala ixi ki i biluke mukáu ua hatu ua kambe athu, o iama i mi bhanga phulu anga ienda ni ku mi vudila.

Jisabhu 3:24

O kioso ki u zeka, uzeka muene sè uoma; kidi-ze, u nhoha muene, o kilu kié kʼila muene nzué!

Jisabhu 6:22

O ki uia mu kunhunga, iene i ku endesa; kioso ki u zeka, iene i ku langa; o ki u phaphumuka ku kilu, ienda ni ku ku zuelesa.

Izaía 35:8

Anga mua kà jikuka o kikoka ni njila, a kà ʼixana Njila Ikôla kifusa ka kà tena ku bhita-mu, maji ia kà kala ngó phala o mundu uê; o jingenji né-mbé kiá ioua, se a i tondala, vondadi iâ.

Izaía 35:9

Muenhomo ki mua kà batuila hoji, né kiama kia makandaʼ ngu ki ki kutuka-mu, o kiene ue ku ki sange-mu; maji ió ngó oso a a kula ene à kendela-mu.

Izaía 45:7

O mukengeji eme nga u bhanga, o itombe eme ue nga i iudika; eme ngi bhanga o paze, eme ngi bhanga o kíbhidi; eme ngi Jihova, ngejiia kubhanga ima ioso iii.

Izaía 9:7

O kukula kua ulamba uenhú, ki kuene mbambe; o kutululuka kuê ki kuene kúbhua; ua tulama bhu kiandu kia Davidi ni ku usobha uê, phala ku u kuatesa bhu kididi, ni ku u fikidila mu kutetuluka ni mu uiukilu, tunde kiki katé ku hádia ni hádia; o muanu ua Jihova dia Ilômbo Ieta uene ua-nda ku bhanga kienhiki.

Jelemiia 30:10

Ku kale-phe ni uoma, eie mubhukʼami Jakobo, Jihova ua ki tange, eie ue Izalaiele, kana kusasumuka; kuma, tala, nga-nda ku ku bhulula ku jixi ja makanga, ni muiji ué ku ixi ia uhutile uê; anga Jakobo ua kà vutuka dingi, hé ua kà nhoha, ua kà kala muene bhua kondama; ki bhua kà kala u mu kuatesa uoma.

Jelemiia 31:26

Ku iene iosuʼiii-phe, ngi phaphumuka hé ngi tala; kakilu kami ngevu kedile muene: Nzué!

Izekiiele 14:15

Se mu ixi eme ngi bhitisa-mu iama i bhanga usuéia, o iene hé a i sengulula katé ki i senguluka, athuʼoso hé a lémbua kubhita-mu mukonda dia iama;

Izekiiele 14:17

Mba, se eme ngi bheka xibhata mu ixi ioso, anga ngiia: xibhata, bhita mu ixi, o muene hé ngi vuza-mu o athu ni iama;

Izekiiele 14:21

Mukonda Jihova uambe kiki: Kuambe dingi se Jeluzaleme eme ngi mu tumikisa o afundixʼami aiibha ió kiuana, o xibhata ni nzala, ni iami i kuama, ni dibhebhu, phala kuvuza-mu o athu ni iama!

Izekiiele 34:25

Hé nga kà ta na-ju kikutu kia paze, o iama iaiibha mu ngongo nga kà i zubha-mu, o jene hé ja kà tunga ni kukondama mu kikangalakata, hé ja kà zekʼé muene mu matutu.

Izekiiele 34:27

O miẋi ia mukáu ia kà lukula o ibundu iê, mavu a-nda kubhana o idima iâ, anga ja kà kala ni kukondama mu ixi iâ; hé a kà kʼijiia kuila eme ngi Jihova, kioso eme ki nga-nda kubukula o jimbangala ja a bhikisa jinga na-ju, anga ngi ji bhulula bhu lukuaku lua iá a kexile mu ku a bhikisa.

Izekiiele 5:17

Anga ku thandu dienu ngi tumikisa-ku nzala, ni iama iaiibha, ienda ni ku ku zubha o tuana; anga o kipheku, ni kihaxi, kia kà bhita momuʼé; o kuthandu diê, nga kà bhekaku xibhata. Eme ngi Ngana nga ki zuela.

Hozeia 2:18

Mu kizuua kiná o mahamba mê nga-nda ku a tesela kikutu ni iama ia mukáu, ni jinjila ja bhulu, ni iama i huhutila bhoxi ku mavu; o mufula ni xibhata ni ita nga kà i buikisa-ku mu ngongo ioso. Anga ene nga kà a zekesa muene ni kukondama kuoso sé muthu ku a kuatesa uoma.

Hozeia 2:20

Nga-nda kusakana nʼeie ni kuila eie u kala kiá u fiiele kokuami, eie anga uijiia kiá Jihova.

Ijila 25:18

Endenu ni kualuka o jingonge jami, o mabatuilu mami lundenu na-u mu miẋima ienu, muende ni ku a bhanga; kienhiki kia-nda ku mi bhangesa kutunga ni kusoma mu ixi mu muala.

Ijila 25:19

Ni oxi iene ue ia-nda kubhana o ibundu iê, mua-nda kudia jinga anga muikuta, anga mu di hola muene ku mátui mu tunga mu soma.

Ijila 26:22

Mbata nga-nda ku mi thubhuila kiá iama ia mukáu anga ienda ni ku mi dia o tuana, nda mu subhukile; ibhaku ue enda ni ku mi solala-iu kuala iama anga i mi tununa mu xala mu athu òfele ngó; o ikoka ienu anga ibatukila ki i mono muthu u bhita-mu.

Ijila 26:25

Oko kuthandu dienu ngi bheka-ku kiá xibhata, iene anga i mi bhanga-kiu mu kuvutula o phonzo ia kikutu ki tua tedienu-di; anga ngi mi phopha muene kiambote hé ngi mi tula mu jisanzala jenu; kiene kiua ki ngi mi tumikisa o dibhebhu mu kaẋi kenu, anga ngi mi bhakula ue bhu maku a jinguma.

Ijila 26:7

Nguma jenu mu ji bhesa muene lusolo, anga jenda ni kulalumuka ku xibhata ienu.

Mikeia 4:4

Maji a kʼèla kiá, muthu uxikama bhoxi dia muvide uê, muthu uxikama bhoxi dia mufiku uê, o u a kuatesa uôma ka moneka, mukonda dikanu dia Jihova dia Ifuẋi diene dia ki tange.

Sofoniia 3:13

Ió oso a subhuka kua Izalaiele kà kenda dingi ni ituxi mba a kuata kuzuela makutu, mukanu diâ ki mu kala dimi dia mangonha, kuma a kà endesa ni ku a batesa kiambote, a a nhohesa muene kiambote ki bhu kala kima ki a kuatesa uoma.

Ajeu 2:9

O kijingu kia inzu iii ia sukidilaku, kia kà kala kota, o ia dianga ndenge, kiene kiambe Jihova dia Ifuẋi, o bhu kididi bhabha anga nga kà bhanabhu paze.

Zakadiia 9:10

Muene ua kà jikinisa o makalu ma ita mʼoxi ia Ifalaíme, ni jikabalu ja Jeluzaleme; ni mufula ua ita ua kà u bukula ue; Muene nʼa kà tula jingolokela ja paze ni kutululuka ku akua jixi; o utuminu uê ua kà di zala tunde ku musanza katé ku musanza ua mukuá; tunde ku honga ia Ufalate katé kua suku oxi.

Nzuá 14:27

Enu nga mi xila o kutululuka kuami; o kutululuka kuami ku nga mi bhana. O kuami eme ki ngi ku bhana kala ki ku bhana o mundu. Mixima ki i mi kenane, ki mu kale ni uôma.

Jipoxolo 12:6

Kutula mu usuku, ua kuila kimene kiê Helode uanda ku mu katula nʼa mu bheke bhu pholo ia mundu, Phetele u kala ku kilu ni masoladi maiadi a mu bhake bhu kaxi. Muene a mu jika malubhambu maiadi, ni alangi bhu kanga a lange o dibhitu dia kaleia.

Loma 5:1

Kia tu xikina Nzambʼ iki mu kuxikana, tuala ku paze ni muène mukonda dia Ngana ietu, Jezú Kristu.