Ijila 26:11 - O Mikanda Ikola

¹¹ Eme ue Balaka iami ngiza-na-iu muʼaxaxi kenu, o muenhu uami ki uẋikina dingi ku di kuma nʼenu.

Ijila 26:11 ပူးပေါင်းရင်းမြစ်များ

II Samuuele 7:7

Mu ididi ioso mu nga nhungana ni anʼa Izalaiele, ua ngiʼvua ni ku ki zuela ku miji ia Izalaiele ioso i nga tuma jinga kuinga mundu uami ua Izalaiele, kuila: Mua kambela-hi ku ngi tungila inzo ia misédulo?

I Jisobha 6:13

Nga kà tunga muʼaxaxe ka anʼa Izalaiele, o mundu uami ua Izalaiele ki nga kà xikina dingi ku ehelela, lémbua.

I Jisobha 8:13

Ni kidi kiene, eme nga ku tungila inzo mʼu kala jinga, Kuma dibhata dia nangu dié dia kalelà-ku.

I Jisobha 8:27

Maji, ku kidi-phe, Nzambi mbé u tunga mu ngongo? Eie ua lembela maúlu, ni diulu dia maúlu, ku tena kusoka-ku, kuambe dingi o inzo iii i nga ku tungila eme!

Jisálamu 106:40

Kia bhangesa o njinda ia Jihova kuuama kala túbhia, kia tala ku povo iê; ni undundu uê ua mu kuata fokoso.

Jisálamu 76:2

Mu Saleme muene mua te o balaka iê, o dibhata diê dia kala mu Ziione.

Jisálamu 78:59

Nzambi kia kʼivu, njinda ia mu kuata, Izalaiele anga u mu iibhila kiavulu muene.

Makatukilu 25:8

A ngi iudikile kibúta kikôla phala ngi tunge muʼaxaxi kâ.

Makatukilu 29:45

Nga kà tunga mu kaẋi ka anʼa Izalaiele, ngi kala ngi Nzambi iâ.

Makatukilu 29:46

Ene hé a kèjiia kuma eme Jihova ngi Nzambi iâ, nga a katula mʼoxi ia Ijitu phala ni ngi tunge mu kaẋi kâ; emʼeme ngi Jihova Nzambi iâ.

Jelemiia 14:21

Mukonda dia henda ia dijina dié, kana ku tu di tuna; o kiandu kia ulamba ué, kana ku ki diotela bhoxi; xinganeka, kana ku sangununa o kikutu ki ua ta nʼetu.

Kuditenda 2:7

Jihova kalatódio kê ua ka ẋimbuka, o dibhezelu diê dia mu kumu; imbaka ia fikidila mazêmba mê ua i bhakula bhu lukuaku lua isuéia; abhangela jibuia mʼonzo ia Jihova, kala kiene kubhita mu kizuua kia kionge kia fesa.

Jouele 2:27

Enu anga mu kiʼijiia, kuila, eme ngala muʼaxaxe ka Izalaiele, ni kuila ue eneʼmuène ngó Jihova Nzambi ienu, kana-ku dingi uengi ua di te-ku. O mundu uami-phe ka kà u kuatesa dingi jisonhi katé ku hádia ni hádia.

Ijila 20:23

Kana kukuata kukaiela o ifua ia akuaʼxi u ngala ku kaiesa bhu pholo ienu nʼa mi bhue ku mesu, mbata o isunji ioso iii iene i a bhange; ʼKí kia ngi bhekela o ku di kuma-nâ.

Ijila 26:15

o jingonge jami se mua ji te dikunda, o mabatuilu mami mua di kumu-nâ, anga mu fula o ku kumbidila ijiia iami ioso, phala ku ngi seluila o kikutu kiami,

Ijila 26:43

Kuma oxi ia di kuata mukondo iaxala umba, iii ia di bhange ngùndu, ia kà kuata dingi kutana mu jisabhalu jê, kuma a i sengulula mukonda dia ene; ene-phe àkela: Né! Ngana ualungué, ua tu bhe-kiu, mukonda jiphangu jami a ji tele dikunda, o muenhu uâ ua di kumine ni jingonge jami.

Ijila 26:44

O kia di té-ku, né-mbé-phe hanji kuene kua di texilʼoko, mʼoxi ia jinguma jâ muala, Eme ue ki ngi tena ku a ẋimbuka, ki ngi tena ku di kuma-nâ, anga ene oso ngʼa jimisa o mbutu, hé ngi selula o kikutu kiami ki nga tele ni ene, mukonda Eme-muene ngi Jihova Nzambi iâ.

Zakadiia 11:8

Anga ngi jimisa o abidi ene oso kitatu mu mbeji imoxi, kuma o muenhu uami ua bhondalala mukonda dia ene, o ene uâ eme a ngi kumine kiá ku mienhu iâ.

Efezo 2:22

Mu kieniiki, enu oso ue mua tunguia mua Kristu kumoxi ni akuenu oso mu kukala dibhata dia Nzambi, mua tena kubhanga kibuta kiê mu Nzumbi.

Matendelelu 32:19

Jihova phe, kia ki mono, ua ehelela bhobho! Mbata azange, a mu lokalala! A mu zokesa ni anʼê a mala ni a ahatu!

Josuué 22:19

O ki kala-phe mua mono kuila oxi ia mi bhana mu ubhinganu iezala lufuku luoso, ia kasana, sembele-phe mu bhite kunu kʼoxi ia undundu, ua Jihova, Zaúkenu kunu, kua phaphe o balaka ia Jihova, mu tambule ubhinganu muʼaxaxi ketu; maji kana ku kitukila Jihova, etu ue né ngó bhuofèle ki mu tu kitukile, anga mu di tungila ni kalatódio kenu, anga muila enu ni kalatódio kenu, Jihova Nzambi ietu, ni kalatódio kê.

Josuué 22:31

Nganga Finehase, monʼa Eliazale uambela anʼa Lubene, ni anʼa Ngadi, ni anʼa Manasa, kuamba: Leluʼidi tua kiʼjiia muene, kuila Jihova iú muʼaxaxi ketu, kuma Jihova ki mua mu te kituxi. Anʼa Izalaiele-phe mua a bhulula bhu lukuaku lua Jihova.

Dijingunuinu 21:3

Anga ngʼívua dízui dia suina dia mu tunda bhu kiandu, dixi: Talesa, kindala o balaka ia Nzambi iala muʼaxaxe ka athu! Nzambi muène u tunga-nâ, ene a kala mundu uê. Nzambi muène uenda jinga-nâ, u kala Nzambi iâ.

Dijingunuinu 7:15

Kiene ki emanena bhu pholo ia kiandu kia Nzambi, ene a mu sedivila muanha ni usuku mu Tembulu iê. O ió ua xikama bhu kiandu, u a kondeka ni kivule kiê.