Ijila 26:1 - O Mikanda Ikola

¹ Kana, ki mu di iudikile mahamba, ki mu dʼimikine iteka ia kusonga mba jipholela, o mʼoxi ienu ue ki mu xikike-mu fikula ia ditadi, phala kuenda ni ku i fukamena; mbata Eme-eme ngi Jihova Nzambi ienu.

Ijila 26:1 ပူးပေါင်းရင်းမြစ်များ

II Jisobha 17:10

Iá a di-kubila iteka ni idifua ia mixitu mu tu milundu tuoso ni bhu ixina ioso ia miẋi ia di-zandela.

II Jisobha 17:16

O ijila ioso ia Jihova, Nzambi iâ, a i xisa, ià a di iudikila mahamba ma utadi ua kuzunza, tungombe tuiadi; ià a bhange kiteka kimoxi kia muxitu; a fukamena o kifuẋi kioso kia diulu; ià a bhikila o dihamba dia Bale.

II Jisobha 17:8

Iá enda jinga mu jingonge ja ifuẋi ia akua jixi, ia kaiesa kuala Jihova bhu pholo ia anʼa Izalaiele, ni mu ifua ni jingonge ja jisobha ja Izalaiele ja di hingisila ngoho eneʼâ.

Jisálamu 78:58

A mu kuatesa njinda ni matala mâ ma kubheza mahamba, a mu bhekela difuba ni iteka iâ iósete.

Jisálamu 97:7

Jisonhi ji kuata oso a bheza o mahamba maseta athu, oso a di fiiala o iteka; u kôla-ze iú, enu mu nzambi jengi; enu oso diundenu bhu pholo iê.

Makatukilu 20:2

Eme Jihova, Nzambi ié, nga ku katula mʼoxi ia Ijitu, mu dibhata dia ubhika.

Makatukilu 20:23

Ki mu kale-phe ni nzambi jengi hé mu ngi bunda na-ju kumoxi; kana ku di iudikila nzambi ja phalata, mba nzambi ja ulu.

Makatukilu 23:24

enu-phe kana kufukamena o nzambi jâ, kana ku ji diundila mba eie ua kà fikisa o imbamba iâ ia bhanga; inda ene mua a sengulula muene, o iteka iâ mu i bula-bula.

Makatukilu 34:17

Eie-phe kana ku di iudikila jinzambi ja utadi uòzunze.

Izaía 2:20

Mu kizuua kieneʼokio, o muthu ua kà takuila ku jiphukulu ni ku madima o iteka iê ia phalata ni iteka iê ia ulu, ia bhangele phala ene ku i diundila.

Ijila 19:4

Kana kulunga jipholo jenu ku mahamba, kana ku di ludikila jinzambi ja utadi ua kuzunza. Kuma Eme-eme ngi Jihova, Nzambi ienu.

Ijila 25:55

Mbata anʼa Izalaiele a ngi kala ene abhikʼami-Eme; ene ala abhika ami muene, kuma nga a jituna kʼoxi ia Ijito; Eme-muène ngi Jihova Nzambi ienu.

Ijila 7:33

Uoso ku anʼa Alá u bhakula o manhinga ma jisata ja paze, anga u oha o banha, muene mu mu bhana o kinama kia taku kia mbandu ia dilu, kuma dikânda diê.

Dialuilu 33:52

akua-xi momo, mua kà a kaiesa oso bhu pholo ienu, iteka iâ ia matadi mu i bula, iteka iâ ia utadi uóuiẋike mu i bhuisa-bhu, matala mâ ma mahamba mu a sengulula;

Jipoxolo 17:29

Ki tu kala-phe tu anʼ a Nzambi, ki tu fuama ku ki fika kuila o Nzambi u di fangana ni kiteka kia ulu, mba phalata, mba ditadi diosonge ku uhete ni ufunu ua muthu.

Matendelelu 27:15

Lamba dia ió uoso u iudika kiteka, kia kusonga, mba kia kuzunza, kia di zemba na-kiu Jihova, ufunu ua hete, anga u ki tula bhu hota mu kasuekele. Mundu uoso-phe a kà tambuijila ni kuila: Amén!

Matendelelu 5:6

Eme Jihova Nzambi ié, nga ku katula mʼoxi ia Ijito, mu dibhata dia ubhika:

Dijingunuinu 22:15

Ku kanga dia mbanza kuene kukala akua midimu ioso iaiibha, ni aloji, ni jindumbu, ni ijibhanganga, ni akua kubheza itèka, ni uoso u uabhela kuzuela ni kubhanga o makutu.

Afundixi 18:30

Anʼa Dani anga a bhaka muenhomo o kitekʼokio kia iudika mesene ia kuzunza; o Jonatane monʼa Ngelexone, monʼa Manasa ni muene ni anʼê hé a kala jinganga ja muiji ua Dane katé bhu kizúua kieza ixi ioso mu ku i balakala.