Ijila 23:3 - O Mikanda Ikola

³ Ikalakalu ia tokala izuua isamanu, maji o kia sambuadi kikale jinge sabhalu ia dinhohenu, kionge kikôla; ki bhu kale midimu ia kima; ikale sabhulu iangene ia Jihova, ku madiembu menu moso-lolo.

Ijila 23:3 ပူးပေါင်းရင်းမြစ်များ

Makatukilu 16:23

Muene anga u a ambela, uixi: Kiene muene kia zuela Jihova; uixi: Mungu kizuua kiangene kia kunhoha, sabhalu ikola ia Jihova; kangenu ioso i mua mesena kukanga, lambenu ue ioso i mua mesena kulamba; o futa ioso i mu xia-ku, bhakenu-iu, phala enu mungu ki kúkia.

Makatukilu 16:29

Talenu kuma Jihova ua mi bhana o sabhalu, kiene kia mi bhela kizuua kia kasamanu kúdia kua izuua iiadi; Xalenu kala muthu bhu kididi kiê, kana muthu utunda bhu kididi kiê kizuua kia kasambuadi.

Makatukilu 16:30

Kala kiki, mundu a kala mu nhoha kizuua kia kasambuadi.

Makatukilu 23:12

Izuua isamanu i u kalakala o thonga ié ioso, kia kasambuadi-phe u ki nhoha; phala ni ngombe ié ni bulu ié i nhohe; phala ue ni monʼa kahatu kê ni nzuángiza a sunge nguzu ióbhe.

Makatukilu 34:21

Izuua isamanu i u kalakala, kia kasambuadi-phe u ki nhoha, kixi bhu thembu ia kudima, kixi bhu thembu ia kumuna, u ki nhoha muene.

Izaía 56:2

Uazediua o muthu uoso u bhanga kiki, ni monʼa muthu uoso u ki ta lukuaku; uoso u di langa phala ka fukuile o kizuua kia sabhalu, anga u langa o lukuaku luê phala kà bhange kima kiaiibha.

Izaía 56:6

Oso ue ana a jinzuangiza, a di bandeka kua Jihova, phala ku mu bheza, ni kuzola dijina dia Jihova, kienhiki nʼa kala kiá jiselevende jê … osoʼaluka o sabhalu, sé ku i tondala, ni oso a tambula kikutu kiami ni vondadi.

Izaía 58:13

Se kinama kié u ki vutula ku sabhalu, ufula kubhanga o vondadi ié eʼmuène mu kizuua kiami kikôla, o sabhalu anga u ixana mbote kuma kizuua kiangene kiakolesa Jihova, kia ujitu, o kiene anga u ki xila, hé u fula kukaiela jinjila jé eʼmuène,

Ijila 19:3

Muthu ni muthu aẋile manhiʼâ, aẋile phaiiʼâ, ende ue ni kualuka o izuua iami ia jisabhalu; Eme-muene Jihova Nzambi ienu nga ki ambe.

Luka 13:14

Dikota dia dilombe-phe, u futuluka, mukonda Jezú ua sake kia Sábhalu. Anga uambela o kifuẋi, uixi: Sai izuua isamanu ia tokala o kukalakala. Iene izuua i muiza jinga, nʼa mi sake. Mu kizuua kia Sábhalu, kana.

Luka 23:56

Anga a vutuka ku bhata, hé a iudika ima ia uabha o mazumba phala o mukutu ua Jezú. Kia Sábhalu anga a ki nhoha, kala kia tumu o kijila.

Jipoxolo 15:21

Kuma o Kitumu kia Mozé tunde ʼxahulu sai mu mbonge joso akua kutanga ulongelu uê mu malombe, jisábhalu joso.

Dijingunuinu 1:10

Nga kexile mu Nzumbi kizuua kia Ngana, anga ngʼivua ku dima diami dízui dia suina mukuâ ni koloneta,