Ijila 23:2 - O Mikanda Ikola

² Tangela anʼa Izalaiele, u a ambela, uixi: O izokola ia Jihova, ki mu iongeka jinga, ikale ionge ikôla. Munono-phe ua izokola iami, iú:

Ijila 23:2 ပူးပေါင်းရင်းမြစ်များ

II Jisobha 10:20

Jehu anga uamba dingi uixi: O Bale mu bhangedienu kionge kiònene ki mu mu lumbila. Anga a ki kola kuoso.

I Malunda 23:31

Phala ue kubhakula jinga o ujitu ua jisata ja kuoha ua Jihova mu jisabhalu joso, ni mu jimbeji ja thethama, ni mu ionge ia ujitu, mu ku i alula, kala kiatokala mu ifua iê, izuua ioso bhu pholo ia Jihova.

II Malunda 2:3

Solomá hé u tumikisa njimbu kua Hilamu, sobha ia Tilu, kuila: Kala ki ua bhange kua tatʼetu Davidi, eie ua mu tumikisa jinga miẋi ia sédulu phala kutunga inzu mua kukala, kiene ue ki u ngi bhanga eme.

II Malunda 30:5

Anga a ki bhela ngonge kuila a ki boke muene mu Izalaiele ioso tundé bhu Beleseba katé ku Dane, kuila eze mu Jeluzaleme mu kuimununa o Phasu ia Jihova, Nzambi ia Izalaiele; mukonda a vulu muene ka imunuine kala kioso kia i soneka

Ejidala 3:5

Kia zubha iii, kuiza sata ia izuua ioso, ni jisata ja mbeji ia thethama, ni jifesa ja mukuá dingi ja lumbila jinga Jihova mu ithangana ioso ia tokala; kala dingi ue ió oso eza ni mibhaku iâ mu kubhakuila Jihova kala kia a tumu mixima iâ.

Jisálamu 81:3

Xikenu o mbungu ia mbeje ia thathama, ni ia mbeje iaii kiá ku mulundu, kizuua kietu kia fesa, kieza-bhu!

Makatukilu 32:5

Alá kia ki mono, u tunga kalatódio bhu pholo ia kiteka; Alá anga u tuma kuxikisa ngonge, uixi: Mungu ku kala fesa ia Jihova.

Izaía 33:20

Talesa-ze ku Ziione, diembu dietu dia ionge ikôla; o mesu mé ma kà mona Jeluzaleme, dibhata dia ximbakata; iene o balaka i xalela-ku, jiphapha jê kene ku ji vuza, o mikolo iê ki iene kubatuka.

Kuditenda 1:4

Ikoka ia Ziione í dila, mukonda ki bhuala dingi muthu ubhita-mu phala kuiza ku kionge kia fesa; mielu iê ioso ia di koto; o jinganga jê ji kala mu ku di kumuina! Ilumba iê ia mizeletete ia bhondalala, o muene-phe uala mu kiminhu kia kulula kua muxima.

Izekiiele 44:24

O kioso ki bhu kala mvunda, ene ue bhene bha kala muene, mbé o ku i fundisa; a i fundixila mu mabatuilu mami; o itumu iami ni jingonge jami, mu ionge ioso i kôla, a kà i aiuka muene, o jisabhalu jami a kà ji kôlesa.

Hozeia 2:11

O kusanguluka kuê kuoso nganda ku ku bhuisa-ku, ni jifesa jê, ni mbeji jê ja thethama, ni jisabalu jê, ni mabhongolokelu mê moso ma izuua ia jifesa.

Jouele 1:14

Bhu kale kujila ku kôla, bhu kale ku kola kizuua kia kionge, bhongololenu ikulakaji ni oso a tungu mu ngongo, eze mʼonzo ia Jihova Nzambi ienu, mu di kole kua Jihova.

Jouele 2:15

Xikenu mbungu mu Ziione, jilenu ni kujila ku kôla; kolenu kizuua kia kufula ioso ni ku di fudisa.

Ijila 23:1

Kienhókio Jihova uambela dingi Mozé, uixi:

Ijila 23:21

Mu kizuua kienhokio-phe mu xika ngonge kuamba tua-nda kukala ni kionge kikôla ki bhu kale midimu ia kima kioso-kioso; kiki kijila kixialela katé ku miiji ienu, mu madiembu menu moso-lolo.

Ijila 23:37

Jiji jene o jifesa ja Jihova, ji tokala o ku ji kasela ionge ikôla, anga mu ji bhelama-ujitu ma kubhakula ni túbhia kua Jihova, ni jisata ja kuoha, ni mibhaku ia musa, mu bhana jisata, maluvu, kima ni kima mu ki bhanga kala kia fuama ni kizuua kiê.

Ijila 23:4

Iene-phe o izokola ia Jihova kiabhuʼiii, o ionge ikôla, muenda ni ku i ongeka bhu thembu iê ioso ia i xinda.

Ijila 23:44

Kienhiki Mozé kiambela anʼa Izalaiele kuamba, o jifesa ja tokala Jihova, kiene ki ji kala jingʼiki.

Nahumu 1:15

Talesenu kiá ku milundu, o inama ia ió ua mu bheka o jingolokela ja njimbu iambote, o inama ia ió ukola o kutululuka. Eie Juda, bhanga kiá o fesa jé, kumbidilenu o jihasa jenu kua Nzambi, mukonda abhumu kà ka tona kubhita dingi moxi ienu. Ngà a bhuikisa-ku kiá.

Dialuilu 10:10

Kizuua ue kia kusanguluka, ni izomba ienu ia mi xindi, ni ki thethama mbeji, mu xika ue jikoloneta ku thandu dia jisata jenu ja kuoha, ni jisata jenu ja matululuku; ji kale ja ku mi lembalesa Nzambi: Kuma eme Jihova Nzambi ienu.

Dialuilu 29:39

Ienhiʼii iene i mu satela jinga Jihova mu jifesa jenu ja mi xindi, o ia ku di hambelela enuʼenu iengi, ni ia kubhana mibhaku ia kudifikixila, ni sata jenu ja kuoha, ni jisata ja mákudia, ni jisata ja mákunua, ni jisata ja paze.

Nzuá 5:1

Kia bhiti imʼiíi, ku kala fesa ia Jijudé, Jezú, anga u banda ku Jeluzaleme.

Kolose 2:1

Kuma nga mi mesena mu ijiie kioso ki ngala ku mi bhângela enu, ni akua Laodiseia, ni athu amukua oso kiluua a ngi mona pholo mu xitu.

Kolose 2:16

Uila kiki, kana muthu a mi kuatese jiphata, ja kudia ku mu dia, mba ja kunua, mba ja kizuua kia fesa, ia izuua ikôla, mba kia mbeji iathethama, mba kizuua kia sabhalu.