Ijila 22:3 - O Mikanda Ikola

³ A tangele: Uoso muthu, ku miiji ienu, ku mbutu ienu ioso-lolo u di thethemeka ku ima ioso ikôla anʼa Izalaiele a i tungula phala Jihova, o muene sai kukasana kuala na-ku, muthu ukala kiki a mu batula bhu pholo iami nʼa ngi bhue ku mesu; Eme Jihova.

Ijila 22:3 ပူးပေါင်းရင်းမြစ်များ

Ejidala 8:28

Hé ngʼambela, ngixi: Enu a mi lumbila kua Jihova, itutu iii iòlumbile ue, kumoxi ni phalata iii ni ulu iú, kuma mubhaku ua vondadi, uòbhakule kua Jihova Nzambi ia jitata jenu.

Jisálamu 16:11

Eie u ngʼidikiza njila i bheka kuala muenhu, kuala kusanguluka kua mbote bhu pholo ié; o ku lukuaku lué lua kúdia sai-ku ima ia vondadi ki i kumu dingi.

Jisálamu 51:11

Kana ku ngi kaiesa bhu pholo ié; kana ku ngi tambula o Nzumbi ié Ikôla.

Makatukilu 30:33

Uoso u iudika maji kala iá, mba u a ta ku mukutu ua muthu uengi, ió muthu ua ku mu batula mu jindandu jê.

Ijila 22:2

Tangela Alá ni anʼê kuila, a di lange ni ima iami ikôla ioso i ngi bhakuila kuala anʼa Izalaiele, phala o dijina diami dikola ki di kale disaselelu diâ; Eme Jihova.

Dialuilu 19:13

Ió uoso u kuata ku file ioso-ioso, mba kimbi kioso-kioso kia muthu ua fu, hé u kamba o ku di zelesa ku dibônzo, ió u bhekesa lufuku ku balaka ia Jihova; O muenhu ió mu Izalaiele a kà u batula-mu; mbata o menha a dibônzo ka mu sangela-u ku thandu diê, ua kasana; o kukasana kuê iú-uê na-ku hanji momuʼê.

Matesu 25:41

Muène anga ua kʼàmbela iá ala ku kiasu: Tundenu bhu mbandu iami, enu a mi bhubhidila kuala Nzambi! Ndenu mu túbhia ki tuà jima, a tu iudikila Diabhu ni ji-anju jê!

II Tesalonika 1:9

Enʼ ió o kaxtiku kâ kà kala kingumba kinangenena, o bhu pholo ia Ngana a kà a sandula-bhu, ni ku fuma ia kusuina kuê.