Ijila 21:9 - O Mikanda Ikola

⁹ Se bhu kala monʼa-muhatu, monʼa nganga, ubokona mu uuaia, o ió ualebhukisa phaiiʼâ; mu mu oha mu túbhia.

Ijila 21:9 ပူးပေါင်းရင်းမြစ်များ

Dimatekenu 38:24

Ki bhua zubha kubhita mbeji jitatu, a ki kunda Juda exi: Mukajiʼa monʼé Tamale ua di bhange ndumbu; ua mono uala ni divumu dia lumbula mu undumbu. Juda uixi: Mu tubhudienu, a mu ohe mu túbhia.

Makatukilu 31:14

Mukonda dia kiki mu kuata jinga o sabhalu, kuma kizuua kienu kikôla; uoso u ki fukula a mu jibha; o uoso u kalakala kizuua kienhókio, muenhu ió ua tokala ku u batula mu kaẋi ka jindandu jê.

Izaía 33:14

Akua-ituxi mu Ziione uoma ua a kuata, akua-mangonha kua a tula kiteketela. Mukuahi mudietu u tena kutunga bhuamoxi ni mulengu ki uene kujima?

Izekiiele 9:6

A kuka jibhenu, minzangala jibhenu, ilumba ia mizeletete jibhenu, tuana tua ndenge jibhenu, ni ahetu jibhenu, katé ki mu a jimisa o mbutu; maji muthu uoso mu mu sanga ni kidimbu, ió ki mu mu bhixile; andekelenu mu dibhezelu diami muene. Anga a matekena ku adiakime ene a kexile ku pholo ia inzu ia Jihova.

Ijila 19:29

Monʼé ua muhatu kana ku mu bongesa lusebu mu ku mu bhangesa ku kituka ndumbu; phala oxi ioso ki i sekale ni undumbu, anga oxi ioso izala ni jihabhu ejidila kubhanga ituxi.

Ijila 20:14

Se bhu kala diiala u sakana o mona, anga u ta-bhu dingi o mama iene, o ioio phekalu; ni muene ni ahatu ió, mu a oha mu túbhia; mua kaie o phekalu muʼaxaxi kenu.

Malakiia 2:3

Mu kienhiki, mbutu ienu ioso nga-nda ku mi dianguila-iu, anga ngi mi uesa jipholo jenu ni ditobe, o ditobe dia izokola ienu anga a kà mi texila kumoxi ni dixidilu dienhódio.

Matendelelu 22:21

kilumba muenhô aie-nê bhu muelu ua tatʼâ, o akua-bhata diê bhenhobho a mu bube ni matadi katé kiafua; mukonda uabhange ulaji mu Izalaiele, o ku di bhanga ndumbu mʼonzo ia tatʼâ; mu kubhanga-phe kienhiki, mua di zelesa.

Tito 1:6

U xinganeka-phe kuila u mu ta ku uadiakime u kala muthu uoso kala ni kuêla. Munume a muhatuʼê umoxi; anʼê a kala axikani, ka fumane ni kuzangata mba kuxibhaka.

Josuué 7:15

Uoso-phe a mu kuata ni kima kiókidike, u kala muthu ua ku muoha mu túbhia ni dibhata diê dioso; mukonda ua somboka kikutu kia Jihova, uabhange ulaji muʼaxaxi ka Izalaiele.

Josuué 7:25

O kia bhixila momo, Josuué anga u mu ambela, uixi: Eie ua tu bhekela-hi kuxixima kuosʼuku? Jihova phe ue ua ku bhe kuxixima kizuua kia lelu. Izalaiele ioso anga a mu bûba ni matadi bhenhobho. Anga a oha mu túbhia, kioso kia zubha ku a bûba ni matadi.

I Samuuele 2:17

O kituxi kia minzangala iii anga ki vula dingi kinéne bhu pholo ia Jihova, kuma mala enhá a tobhesa jinga o sata ia Jihova.

I Samuuele 2:34

Kijimbuete kiki kia ku idikiza, kia-nda kuiza ku thandu dia anʼé aiadi Hofini ni Finehase; a kà fuila kizuua kimoxi ene oso kiiadi kiâ.