Ijila 20:7 - O Mikanda Ikola

⁷ Uila kiki, dizelesienu mu kale mu athu akôla, ki mu moneka kikuma, mbata Eme Jihova Nzambi ienu.

Ijila 20:7 ပူးပေါင်းရင်းမြစ်များ

Ijila 11:44

Mbata Eme ngi Jihova Nzambi, ienu; di bhakienu-phe ni kuzela kuma Eme nga zela; kana ku di kasanesa o muenhu uenu ni tubamba tuoso tu zanzala ni kuendela ku mavu bhoxi.

Ijila 11:45

Mukonda Eme-eme Jihova, ngala ku mi batesa mu kutunda kʼoxi ia Ijitu, phala ngi kale ngi Nzambi ienu; kala kiki enu mu di zelesa, mbata Eme nga zela.

Ijila 19:2

Ambela o kionge kioso kia anʼa Izalaiele, u a tangela kiki: Kibhinga muzela, mukonda Eme, ngi Jihova Nzambi ienu, ngazela.

Ijila 21:15

Ka sekalesa o mbutu iê muʼaxaxi ka jindandu jê; mbata Eme ngi Jihova nga mu jingisa.

Ijila 21:23

Maji ka bhumine kubokona ni kubhikila ku mvéu, ka tena ue kubhikila ku kalatódio, mukonda ka tenena, mabhezelu mami makôla uavula ku ngi kasanesena-u; kuma Eme Ngi Jihova, ngene mu tena ku a zelesa.

Ijila 21:8

Kala kiki, eie u mu kôlesa muene; kuma muene ua xikamena kutela Nzambi iê o mbolo ku meza. Muthu u kala kiki, a mi kale muthu ukôla, kuma Eme Ngi Jihova, ngene ku mi bhana o kuzela, nga zela.

Efezo 1:4

Nzambi ua tu sola mua muène tunde mʼ ukulu munhá, kioso oxi kiluua i kala ni dimatekenu diê, phala tu kale tu athu azele, sé ngó isenga bhu pholo ia muène. Mukonda dia henda iê ia tu kuatela.

Kolose 3:12

Enu phe muala mu athu a Nzambi. Muene ua mi tungula phala mu kale mu athu ê, ua mi lumbu, ua mi zola. Kala kiki, enu zuatenu muẋima uanengana, ni kunheṗhuka, ni kubatama, ni kubelesela, ni kuxidikika.

I Tesalonika 4:3

Kuma o vondadi ia Nzambi ienʼ iii, kuila: Mu zela muẋima, o undumbu mu ueha.

I Tesalonika 4:7

Kuma Nzambi ka tu ixanena kulaia mu ufusa, maji ua tu ixanena kulaia mu kuzela.

Jihebeleu 12:14

Sotenu kukala ku paze ni athu oso, mu kolokote mu kukala ni muenhu uazele, kuma uoso ua kambe kuzela ka tena kumona Ngana.

Josuué 24:19

Josuué-phe uambela o kifuẋi, uixi: Kana, ki mua-nda kutena kubhikila Jihova, mbata muene Nzambi ia kuzela ni kuiuka, Nzambi ia difuba, muene ikuma ienu ka kà i loloka, ka kà loloka ituxi ienu.

Josuué 3:5

Josuué anga uambela kifuẋi uixi: Di zelesienu; mukonda mungu, kuma ki kúkia, Jihova ua-ndu bhanga madiuanu muʼaxaxi kenu.