Ijila 20:3 - O Mikanda Ikola

³ Eme uami muthu íó ngi di lulama-nê o pholo mu kuzoka-nê anga ngi mu mona bhu-aia, katé ki nga-nda ku mu batula mu kifuẋi kiê; mukonda ua katula ku mbutu iê iu ua bhakuila Mulôko; mu kubhanga kiki-phe, uakasanesa o dibhezelu diami dikola, iu ua sebulula o dijina diami diangene.

Ijila 20:3 ပူးပေါင်းရင်းမြစ်များ

Makatukilu 30:33

Uoso u iudika maji kala iá, mba u a ta ku mukutu ua muthu uengi, ió muthu ua ku mu batula mu jindandu jê.

Izekiiele 20:39

Enu-phe, tata, mu dibhata dia Izalaiele, eme ngi Jihova, ngʼambe: Ndé-nu, muthu ni muthu a kà bhikile o iteka iê, mukonda, eme, nguenu ku ngʼivua; maji-phe o dijina diami di kôla ki mu di sebulule ni maujitu enu ni iteka ienu.

Izekiiele 5:11

Uala kiki, kia kidi muene, kala eme ki ngala kulaia, Jihova Nzambi ua ki tange, uixi: Mbata eie o kididi kiami kikôla ua ki sebulula ni ima ié ioso iaiibha kiavulu, ni maufusa é oso, eme ue nga-nda ku ku sengulula, o diesu diami ki dia-nda ku ku loloka mba ngi ku kuatela ue henda.

Ijila 15:31

Bhangenu jinga kienhiki, mu tungule anʼa Izalaiele, mbe o ufusa uâ u di kalele, ka bheke lufûku ku balaka iami iala momuâ, ni kiʼa bhekela kalunga.

Ijila 17:10

Muthu uoso ue mu dibhata dia Izalaiele, mba ku jinzuangiza jene kunhunganena muʼaxaxi kâ, udia manhinga, muthu ió ngi mu mona bhu aia, katé ki ngi mu batula mu kifuẋi kiê.

Ijila 18:21

Kana kukatula muhatu ku mbutu ia tundu momuʼé phala ku mu bhakula ku sata ia lubhandu lua dihamba dia Mulôko; Kikôla! Kiókio kuselula dijina dia Nzambi ié. Eme Jihova.

Ijila 19:12

Ki mu loke jinge mu dijina diami, bhua kambe o kidi, mbata o dijina dia Nzambi ienu-phe mu di sekalesa; Eme-muène Jihova.

Ijila 20:4

O kʼikala-phe o mundu uatungu-nê ki kia a kuatela kima muene kia bhakula monʼê kua Mulôko, a kolokʼâ, nguâ ku mu jibha,

Ijila 21:6

Jinganga-phe a kale ku ujitu ni Nzambi iâ, o dijina dia Jihova Nzambi iá ka di sebulule, mbata ene axikamena kubhana jisata kua Jihova, ja kubhakula ni túbhia, ene ala kubhakuila Nzambi iâ o musa; ki bhinga-phe a zela muene.

Ijila 7:20

Maji muthu uoso-phe uala ni kuxila nʼa die ku xitu ia sata ia paze, iangene ia Jihova, ió muthu ua ku mu batula mu junda ia povo iê.

Ijila 7:21

Se muthu uoso ua babata ku kima kia xidi, kuxila kua muthu, mba kuxila kua kiama, mba kuxila kua lufuku luoso-luoso, kia tunda-ku nʼeza mu dia ku xitu ia sata ia paze, iangene ia satela Jihova, ió muthu ua ku mu batula mu kionge kia mundu uê.

Dialuilu 19:13

Ió uoso u kuata ku file ioso-ioso, mba kimbi kioso-kioso kia muthu ua fu, hé u kamba o ku di zelesa ku dibônzo, ió u bhekesa lufuku ku balaka ia Jihova; O muenhu ió mu Izalaiele a kà u batula-mu; mbata o menha a dibônzo ka mu sangela-u ku thandu diê, ua kasana; o kukasana kuê iú-uê na-ku hanji momuʼê.

Dialuilu 19:20

Maji-phe, uoso u kasana anga u kamba o ku di bonza nʼa zele, o muenhu ió mu kaẋi ka kionge a u batula-mu; mbata ua bheka lufuku ku dibhezelu dia Jihova: o menha a dibônzo (a zelesa) ka mu sangela-nâ ku thandu diê; ua kasana.

II Kolindo 6:16

O kididi kia Tembulu ia Ngene ia Nzambi, ki bangana kiebhi ni iteka ia akua mundu? Kuma etu tuala tu tembulu ia Nzambi ia muenhu. Uila kiambe muène Nzambi, uixi: Eme ngiia mu kutunga, hé ngi kala-nâ kumoxi. Ngi kala ngi Nzambi iâ, ene a kala mundu uami.

I Phetele 3:12

Kuma mesu ma Ngana ma lungu kua iá aiuka, ki a dikola, u ta-ku matui ku misambu iâ. Maji o pholo ia Ngana-phe ia luualela oso a bhanga o phulu.