Ijila 2:4 - O Mikanda Ikola

⁴ O ki u bhanga ujitu ua mubhaku ua musa, uókange mu forno, ji kala; jimbolo ja kambe felemendu ja fuba iambote iolunge ni maji, ni jibolaxa ja kambe felemendu jʼokunge maji.

Ijila 2:4 ပူးပေါင်းရင်းမြစ်များ

Jisálamu 22:14

Nga ẋamuka kala menha, ifuba iami ioso ia ngi sokomoka; muẋima moxi ua ngi botomoka, ua sengumuka muene kala sela.

Makatukilu 12:8

Xitu a i dia usuku uenʼió, ia uóhe ku túbhia, ni jimbolo ja kambe felemendu; a i elela mafe a lulu.

Makatukilu 16:31

Dibhata dia Izalaiele-phe anga exana kudiʼuku, exi, Maná; i di fuangana ku jimbutu ja jikuendulu, izela; o mu kanu u ívua ila kala jimbolo ja uiki.

Makatukilu 29:2

Ni jimbolo jakambe kifulu-fulu, ni jibolaxa jakambe kifulu-fulu jólunge ni maji, ni ja mukuá ja kambe kifulu-fulu ja tolo mukômo jóuese ngó maji ku thandu; jene joso a ji iudika ni fuba ia tiliku ia fina.

Izaía 42:1

Talesenu, selevende iami iú, nga mu fikidila eme, muthu uami nga mu solo, ua ngi uabhela ku muẋima; Nzumbi iami nga i te ku thandu diê; muene ua kà fundisa mu kidi akua matumbu.

Izaía 61:1

Nzumbi ia Ngana Nzambi ua ngi tula ku thandu; mukonda o Ngana ua ngʼundu kutudila jingadiama njimbu ia mbote; ua ngi tumu kusaka oso ala ni kikote mu muẋima; ni kuxika ngonge ia ufolo ua abhika, ni kujikula o jikaleia phala kujituna oso a a kuika.

Izekiiele 46:20

Muene hé u ngambela, uixi: O kiki kiene o kididi jinganga bhua lambela jinga o sata ia kuêla ni sata ia kituxi, bhene ue bhua lambela jinga o ujitu ua mákudia, mbé kʼeze na-u mu lumbu lua kanga, ihi o ku kolêsa o mundu.

Ijila 1:11

Anga u i jibhila bhu mbandu ia kalatódio ia kexila kusuku, bhu pholo ia Jihova; o jinganga-phe, anʼa Alá, anga eẋika o manhinga mê mu jimbandu joso ja kalatódio.

Ijila 10:12

Mozé anga u ambela Alá, ni Eliiazale, ni Itamale, anʼê a xala-ku, uixi: Tambulenu o mubhaku ua makudia ua xala ku maujitu ma Jihova a kubhakula ni túbhia, mu u die sé felemendu bhu mbandu ia kalatódio; kuma u kôla kinéne.

Ijila 6:17

Ka i kange ni felemendu. Nga a bhana-iu kuma dikânda diâ, ku maujitu mami ma ngi bhakuila ni túbhia; i kôla kinéne, ia soko ni sata ia kituxi, ia soko ni sata ia kuêla.

Ijila 7:12

Se sata iê ua i bhana mu kusakidila, kifua sata ia kusakidila, kikale u bheka, ni kibhaku kia sata iê ia kusakidila, jimbolo ja kambe felemendu; jólunge ni maji; ni jibolaxa ja kambe felemendu, jóuese ni maji, ni jimbolo jamukuá jólunge ni maji, ja fuba ia uabha kiambote, jalungana muene kiambote.

Dialuilu 6:15

ni kinda kia jimbolo ja kambe kifulufulu kia felemendu, ni makende ma fuba ia kábhia iòtoxe kiambote iólunge ni maji, ni jibolaxa ja tolo mukômo jóuese ni maji, ni mubhaku ua mákudia ni ua makunua.

Matesu 26:38

Anga ua ambela ene, uixi: Muẋima ua ngi kala kiavulu ni malamba, bhulu-bhulu dia kùfua. Xalenu bhabha, mu ngi langidise.

Nzuá 12:27

Jezú uixi dingi: Muẋima ua ngi kenanana! Ngʼ ila kiebhi? Tata, ngi bhulule, kumbi didi ki di ngi tule? Kana! Kiene muene kia ngi bheka, eme nga bhixila bhu kumbi dienhidi.

Nzuá 3:34

Uoso a mu tumu kuala Nzambi, u zuela maka ma Nzambi, kuma muène kia mu bhe o Nzumbi, Nzambi ka mu bhana Nzumbi ni ku i zonga.

Jihebeleu 7:26

Mukonda dia kiki, Jezú muène o Nganga ia Dikota tua mu bhindamena. Muène u kôla. Muène ka moneka phulu, ka moneka ufusa. Ua di kalelela ku akua ituxi, iú ua zangalala ku thandu a maulu.

I Phetele 2:1

Uila kiki-phe, ehenu o usueia uoso, ni makutu, ni mangonha, ni luma, ni kabódio, ka kulongolola athu.

I Phetele 2:22

Muène muthu ka tele kituxi, mu kanu diê ki mua monekene makutu.