Ijila 2:11 - O Mikanda Ikola

¹¹ Mubhaku uoso ua musa u mu bhakula kua Jihova, kana ku u lunga ni felemento; kuma né uiki, ka u ohela-ku ku kalatódio, mu sata ia kuoha ia Jihova.

Ijila 2:11 ပူးပေါင်းရင်းမြစ်များ

Makatukilu 23:18

Kana kubhaka o manhinga ma sata iami kumoxi ni jimbolo jala ni felemendu; o banha ia fesa iami ki i zeke katé kuaki.

Makatukilu 29:25

O ki u i tambula bhu maku mâ, u i ohela ku kalatódio, ka jisata ja kuoha kifua dizumba diambote kua Jihova, ujitu ua kubhakula ni túbhia kua Jihova.

Makatukilu 34:25

Kioso ki mu Ngi bhakuila sata, kana kubhakula manhinga ma sata iami ni jimbolo jala ni felemendu, o sata ia fesa ia Phasu ki i zeke usuku katé kuáki.

Jisabhu 24:13

Diá uiki, monʼami, kuma u bhana kudisanza; udia kixila kia uiki, mukonda kiene kiatouala mu kanu.

Jisabhu 25:16

Eie ua bongo uiki? Dia-phe ngó uoso ua ku soko; o ki uila u ta-ku, u ku kuma, anga u u lusa ni uene.

Jisabhu 25:27

Muthu kudia uiki ua vulu, ki kia uabha; kiene ue o muthu ku di mona kijingu kié muène, ki ki bheka kijingu.

Ijila 1:13

O midia-phe ni inama u i sukula hanji ni menha. O Nganga anga u i bhakula iene ioso ia muvimba, u i ohela ku kalatódio; kífua sata ia kuoha, ujitu ua kubhakula ni túbhia, ua dizumba diambote kua Jihova.

Ijila 6:10

O Nganga u di ta kizuatu kiê kia linho, mu inama u zuata jikalasá jê; anga uʼomona utôkua kioso o túbhia ki tu tunda mu kujikinisa o sata ioso, ku kalatódio, o uthôkua anga ù tula bhu mbandu ia kalatódio.

Matesu 16:6

Jezú anga ua ambela, uixi: Alukenu, mu dimukine o kithûthume kia jifalizeu ni jisaduzeu.

Marku 8:15

Muene anga u kala mu ku a tendelela, uixi: Alukenu, mu dimukine o kithûthume kia jifalizeu ni kithûthume kia Helode.

Luka 12:1

Bhu ʼaxaxiʼabha, kia di bhongolola o kifuẋi kia jimidi ja athu, katé kia kala mu ku di diota, Jezú u kuata kuambela o jixibulu jê, uixi: Alukenu o kithûthume, kia ulongelu ua jifalizeu, mukonda dia umbomboku-mbodi uâ.

Luka 21:34

Mu ku zubha, Jezú uixi: Alukenu-phe, ki mu di jimbe! Miẋima ienu ni i biluke ia neme ni kúdia jifesa, ni kunua uhôlua, ni makubhindama ma muenhu iú, kizuua kiókio ni ki mi tukumuise kala mubhetu.

Jipoxolo 14:22

Ene anga a kala mu kukolesa o miẋima ia jixibulu ni ku a longesa kujijila o kuxikana. A kala ue mu longa kuma tu bhinga tu bokona mu Utuminu ua Diulu mu kubhita ni malebhu mavulu.

Ngalásia 5:9

Kala kiene mù tanga, exi; Kakithuthume kofele ka ketesa o dikende dioso.

I Phetele 4:2

Kala kiki, o thembu ienu ia mi xala-ku mu xitu, ki mu ende dingi mu jihânji jaiibha ja athu, maji kiá mu vondadi ia Nzambi.