Ijila 2:1 - O Mikanda Ikola

¹ Se muthu u bhanga ujitu ua mubhaku ua musa kua Jihova, ujitu ué u kala ua fuba ia fina; u lunduluila-ku maji, u ta-ku ni uasu ua dizumba;

Ijila 2:1 ပူးပေါင်းရင်းမြစ်များ

Makatukilu 29:2

Ni jimbolo jakambe kifulu-fulu, ni jibolaxa jakambe kifulu-fulu jólunge ni maji, ni ja mukuá ja kambe kifulu-fulu ja tolo mukômo jóuese ngó maji ku thandu; jene joso a ji iudika ni fuba ia tiliku ia fina.

Izaía 43:23

Hombo ni mbudi ia jisata jê, ku ngi bhekela-iu; ua lémbua ku ngi xila ni maujitu mé; eme-phe ki nga ku jijidika ku ngi satela, ki nga ku bhuidisa ni kututa uasu ua mazumba.

Izaía 66:20

Anga ene a kèza ni jiphange jenu, jene mu kaẋi ka ifuẋi ioso, mu ku a bhakuila Jihova; o iâ ejiia ku jikabalu, o iá mu makalu, ni mu maxila, ni ku jimula, ni ku jikamelu, anga eza kienhiki ku mulundu uami ukôla, ku Jeluzaleme, eme ngi Jihova; mukuâ ni kiene kuiza anʼa Izalaiele kubhakula maujitu mâ mu dibhata dia Jihova, a ʼambatela mu itutu iazele.

Izekiiele 46:20

Muene hé u ngambela, uixi: O kiki kiene o kididi jinganga bhua lambela jinga o sata ia kuêla ni sata ia kituxi, bhene ue bhua lambela jinga o ujitu ua mákudia, mbé kʼeze na-u mu lumbu lua kanga, ihi o ku kolêsa o mundu.

Jouele 1:9

Mʼonzo ia Jihova o jisata ja makudia ni makunua ja batuka-mu; akuetu jinganga, o jingunza ja Jihova, lamba dia a kuata.

Jouele 2:14

Nanhi ua kijiia kuila muene ualulukê nʼa diela, phala kuema diê nʼa kʼàxa-ku kizediuise mu mibhaku ia makúdia ni makúnua phala Jihova Nzambi ienu?

Ijila 14:10

O mu kizuua kia kanake, u kuata tumbudi tuiadi tua jindumbe, tua ka-mbe kisemu, ni kambudi kamoxi ka mukaji, sé ngó unema, tua muvu umoxi; ni mabhûbhu matatu ma fuba ia fina, phala kubhakula ujitu ua musa, o fuba-phe a i masana ni maji, ni ditijela dia maji.

Ijila 24:7

Kadia munônė-phe u u kuua uasu ua dizumba ku thandu, uene ukala ujitu ua dilembalesu ku jimbolo; kuma ujitu ua kubhakula ni túbhia kua Jihova.

Ijila 5:11

Se uadiama uê uavulu, ni membe ngó maiadi, mba tuana tuiadi tua jipomba, ka tena ku tu kuata, a bheka-phe, mu ujitu ua kituxi kiê kiate, kakinda ka fuba ia fina ka tena mbandu ia kakuinhi ia efah mu sata ia kituxi; ka te-ku-phe maji, ka te-ku uasu ua dizumba; kuma sata ia kituxi.

Ijila 6:7

o nganga anga u mu bhangela o kiamenga bhu pholo ia Jihova; anga a mu loloka kioso kia bhange kia mu bhekela o kuêla.

Ijila 9:17

Anga u bhakula o mubhaku ua musa, u vota-ku dibhûbhu diê, u di ohela ku kalatódio, maji o sata ia kuoha ia kimene, ia di kalela.

Ijila 9:4

ni ndumbe ia ngombe ni kilumbe kia mbudi kia sata ia paze, mbé kusatela bhu pholo ia Jihova; ni mubhaku ua musa uólunge ni maji; kuma lelu Jihova ua-nda ku mi tukulukila.

Malakiia 1:11

Kuma tunde bhu tundila dikumbi katé bhu di fuila, o Dijina diami dia kà kala kima kionéne ku miji ioso. Mu ididi ioso Dijina diami a kà di ohela uasu ua dizumba ni ku di bhela jisata ni maujitu mazele kiambote. Mukonda Dijina diami dionéne mu miji ioso. Kiene kia tange Jihova dia Ifuẋi.

Dialuilu 18:9

O ku ima ikôla kinéne, ia túbhia, eie u kala jinga-ku ni iii: o maujitu mâ moso, kumoxi ni maujitu mâ moso ma mákudia, ni jisata jâ joso ja kiamenga kia kituxi, ni jisata jâ joso ja kiamenga kia kuêla, ima ioso ia-nda ku ngi bhakuila, ia kà kala ima ikôla kinéne, phala eie ni añê.

Dialuilu 28:5

ni kakuinhi ka efah ka fuba ia kábhia, (ia uabha kiambote), ia sata ia mákudia, iólunge ni mbandu ia kauana ia hine ia maji ózunze.

Dialuilu 29:18

ela-phe ni sata iâ ia mákudia, ni sata ia kúnua, ni ku tungombe, ni ku ilumbe, ni ku tumbudi, tua muvu umoxi, sata iii mu i ta-ku, kimoxi kiene, kimoxi kiene, kala kia mi bhana kijila;

Dialuilu 7:13

ujitu uê ua bheka dilonga dia phalata, kinemenu kiê hama ia xikulu ni makuinhi atatu, ni mbasinha ia phalata, kinemenu kiê makuinhi sambuadi a xikulu, xikulu iene ia dibhezelu, ni dilonga ni mbasinha iezala fuba ia kábhia iólunge ni maji, ia tokala mubhaku ua mákudia;

Dialuilu 7:19

mu ujitu uê ua bheka dilonga dia phalata, kinemenu kiê hama ia xikulu ni makuinhi atatu, ni mbasinha ia phalata, kinemenu kiê makuinhi sambuadi a xikulu, xikulu iene ia dibhezelu; ni dilonga ni mbasinha iezala fuba ia kábhia iólunge ni maji, phala mubhaku ua makudia;

Dialuilu 8:8

A kuate-phe kangombe ka ndumbe, ni mubhaku uê ua mákudia, fuba ia kábhia iólunge ni maji, ni kangombe kamukuá ka ndumbe, a ku bhane-ku mu sata ia kituxi.

Nzuá 6:35

Jezú ua ambela, uixi: Eme ngi mbolo ia muenhu. Uoso uiza ko-kuami, kà kala dingi ni nzala, o uoso u ngi xikana eme, kà kala dingi ni dinhota.

I Nzuá 2:20

Maji enu-phe Kristu ua mi lunduluila o Nzumbi Ikôla ku thandu dienu, enu muejiia enhoso o kidi.

I Nzuá 2:27

Maji enu-phe Kristu ua mi lunduluila o Nzumbi Ikôla ku thandu dienu. Kiosuʼiki ió mua mu tambula kua muène ua tungu moxi dienu, ki mua bhingi dingi muthu ku mi longa. Mukonda o Nzumbi Ikôla muène u longa mu ima ioso, kuma muène o kulonga kuê kua kidi ki kua makutu, kana. Kala kiki, kioso kiá kia mi longo o Nzumbi Ikôla, ʼkiene ki mu kuata, mu jijile o kudiongeka ni Kristu.

Juda 1:20

Maji enu-phe, akuetu, nga mi zola, suinenu ni kuia dingi ku pholo mu kuxikana kuenu ku muala na-ku, kuma kiene o kixikanu kikôla ki mua kuata. Muila ni kusamba jinga mu nguzu ia Nzumbi Ikôla.

Dijingunuinu 8:3

Ku kala ue anju iamukuá ueza, uemana bhu mbanduʼalatódio, ni kiomuènu kia ulu kia kuta uasu ua dizumba. Anga a mu bhana fufutila iavulu ia dizumba, phala a i bandekeze ku misambu ia akua-Ngana oso, ni a i bhakuile Nzambi ku thanduʼa kalatódio kene bhu pholo ia kiandu.