Ijila 19:4 - O Mikanda Ikola

⁴ Kana kulunga jipholo jenu ku mahamba, kana ku di ludikila jinzambi ja utadi ua kuzunza. Kuma Eme-eme ngi Jihova, Nzambi ienu.

Ijila 19:4 ပူးပေါင်းရင်းမြစ်များ

I Jisobha 14:9

inda eie kua kuiza kubhanga kia beta kuiibha, akuenu oso a ku diangela ndenge, mbata uai, eie ua bhange jinzambi jengi ni iteka ia kuiẋika, phala ku ngi lokalala o njinda iami, eie ua ngi bhana dikunda.

I Malunda 16:26

Kuma o jinzambi joso ja ifuẋi mu jixi, iteka ia kingoho; maji o Jihova-phe muene uabhange o diulu.

II Malunda 28:2

Kia mu kexi kota, o kuenda mu jinjila ja jisobha ja Izalaiele, anga u ta-ku dingi o kuiudika iteka ia utadi ua kuzunza kua Bale.

Jisálamu 96:5

Mukonda o jinzambi ja ifuẋi ioio, iteka ngó; Jihova phe muene ua bhanga o diulu.

Makatukilu 20:23

Ki mu kale-phe ni nzambi jengi hé mu ngi bunda na-ju kumoxi; kana ku di iudikila nzambi ja phalata, mba nzambi ja ulu.

Makatukilu 32:4

Muene kia zubha ku ji tambula bhu maku mâ, u iudika kiteka kia utadi kia ndumbe ia ngombe, anga u ki seta ni felu iatu; anga amba exi: Jinzambi jé jinhiji, enu mu Izalaiele, ja mi katula mʼoxi ia Ijitu.

Makatukilu 34:17

Eie-phe kana ku di iudikila jinzambi ja utadi uòzunze.

Ijila 11:44

Mbata Eme ngi Jihova Nzambi, ienu; di bhakienu-phe ni kuzela kuma Eme nga zela; kana ku di kasanesa o muenhu uenu ni tubamba tuoso tu zanzala ni kuendela ku mavu bhoxi.

Ijila 19:25

O mu muvu ua tanu, dienu-phe kiá ku ibundu iê; oxi-phe ia-nda ku mi bhana kuima kuanzungule; Eme-muène Jihova Nzambi ienu.

Ijila 19:5

O ki mu bhakula sata ia kusakidila kua Jihova, mu ki bhanga ni muxima, kikala kima kia vondadi ienu, phala Nzambi a mi ẋikine.

Ijila 26:1

Kana, ki mu di iudikile mahamba, ki mu dʼimikine iteka ia kusonga mba jipholela, o mʼoxi ienu ue ki mu xikike-mu fikula ia ditadi, phala kuenda ni ku i fukamena; mbata Eme-eme ngi Jihova Nzambi ienu.

Ajeu 2:18

Lundenukiu ku miẋima ienu, nga mi diondo, tunde mu lelu katé ku pholo, tunde mu kizuua kia makuinhi aiadi ni uana, ku mbeji ia kʼavua, tunde mu kizuua ki mua mateka o Tembulu ia Ngana, tenu miẋima ienu mu kubanza ima ienhʼii.

I Kolindo 10:14

O ki tualʼ iki, akuetu, enu nga ni zola, o ubhezelu ua iteka lengenu-u.

Matendelelu 27:15

Lamba dia ió uoso u iudika kiteka, kia kusonga, mba kia kuzunza, kia di zemba na-kiu Jihova, ufunu ua hete, anga u ki tula bhu hota mu kasuekele. Mundu uoso-phe a kà tambuijila ni kuila: Amén!

Matendelelu 4:16

kana-phe kutambula lufuku lua ku di iúdikila kima kioso-kioso kia kusonga, kiteka ki kala ni lubhe lua muthu, u kala ni ukexilu ua diiala mba ua muhatu,

Matendelelu 7:25

Iteka iâ ia kusonga, ia jinzambi jâ mu i ta mu túbhia; ni phalata ni ulu uoso ua zunzila ku iteka ioio ki i mi kuate luimbi, ki mu i katule ni i mi bhekele kidibukanu ki mi jikinisa; mukonda ima ienhoio kua Jihova Nzambi ienu ufusa!

I Nzuá 5:21

Enu tuana tuami, o nzambi ja makutu lengenu-ju!