Ijila 19:3 - O Mikanda Ikola

³ Muthu ni muthu aẋile manhiʼâ, aẋile phaiiʼâ, ende ue ni kualuka o izuua iami ia jisabhalu; Eme-muene Jihova Nzambi ienu nga ki ambe.

Ijila 19:3 ပူးပေါင်းရင်းမြစ်များ

Dimatekenu 48:12

Zuze anga u a katula bhu kaẋi ka jiphuna ja inama ia tatʼâ; muene anga bhetama o pholo bhoxi mu kudiunda ni ujitu uoso.

Nehemiia 9:14

Anga u a ejidisa o sabhalu ié ikôla; hé u a tumikisa o matendelelu, ni jingonge, ni ijila, ni kitumu mu ukunji ua mubhikʼé Mozé.

Makatukilu 16:29

Talenu kuma Jihova ua mi bhana o sabhalu, kiene kia mi bhela kizuua kia kasamanu kúdia kua izuua iiadi; Xalenu kala muthu bhu kididi kiê, kana muthu utunda bhu kididi kiê kizuua kia kasambuadi.

Makatukilu 20:12

Bhana ujitu kua tatʼenu ni mamʼenu, phala izuua ié i vule, mʼoxi i ku bhana Jihova, Nzambi ié.

Makatukilu 20:8

Aiuka kizuua kia sabhalu, nda u ki kôlese.

Makatukilu 21:15

Uoso u kuama phaiʼiâ mba manhiʼâ, a mu jibha sè kufula.

Makatukilu 21:17

Uoso u xinga jindaka kua phaiʼâ, mba manhiʼâ, a mu jibhe sè kufula.

Jisabhu 1:8

Eie, monʼami, ivua ulongelu ua tatʼenu, kana kueha o ijila ia mamʼenu.

Jisabhu 23:22

Eie monʼa-kime, tatʼenu ua ku vuala enda ni ku muivua jinga, o mamʼenu-phe kieza mu kukuka, kana ku mu ehelela.

Jisabhu 30:11

Sai-ku muiji ua athu a lebhula tatʼâ, o manhʼâ a tokoka ku mu tanga o mbote.

Jisabhu 30:17

Muthu uoso mesu mê ma kala mu bhanga kasekelu kua tatʼâ, o mamʼâ ka xikina ku mu tumaka, muthu ió ilombelombe ia honga hinu i mu lokola-nâ, anga anʼa jiholokoko a ma dia.

Izaía 58:13

Se kinama kié u ki vutula ku sabhalu, ufula kubhanga o vondadi ié eʼmuène mu kizuua kiami kikôla, o sabhalu anga u ixana mbote kuma kizuua kiangene kiakolesa Jihova, kia ujitu, o kiene anga u ki xila, hé u fula kukaiela jinjila jé eʼmuène,

Izekiiele 20:12

Nga a bhana ue o jisabhalu jami, mbé ji kale kijimbuete bhu kaxi kami ni ene; phala a tene kuijiia kuila emiʼeme ngi Jihova ngi tena ku a zelesa.

Ijila 11:44

Mbata Eme ngi Jihova Nzambi, ienu; di bhakienu-phe ni kuzela kuma Eme nga zela; kana ku di kasanesa o muenhu uenu ni tubamba tuoso tu zanzala ni kuendela ku mavu bhoxi.

Ijila 19:25

O mu muvu ua tanu, dienu-phe kiá ku ibundu iê; oxi-phe ia-nda ku mi bhana kuima kuanzungule; Eme-muène Jihova Nzambi ienu.

Ijila 19:30

O jisabhalu jami endenu ni ku ji aiuka, ẋilenu o kibuta kiami kia dibhezelu; Eme-muène Jihova.

Ijila 19:31

Kana kukaiela imbanda akua-kusuma; kana kulandula akua-ithutha ia kuzambula ni kubhanga iphata; kana ku a kolomona, kuma muavula ku di kasanesa-nâ; Eme Jihova Nzambi ienu.

Ijila 19:34

Ki kala mukuaʼxi, kiene ue kikala o múlungi ua-lu nhunganena muʼaxaxi kenu; mu zole, kala ki ua di zola eie-muène, kaẋi enu uenu muakexe mu jinzuángiza mʼoxi ia Ijitu; Eme-muène Ngi Jihova Nzambi ienu.

Ijila 23:3

Ikalakalu ia tokala izuua isamanu, maji o kia sambuadi kikale jinge sabhalu ia dinhohenu, kionge kikôla; ki bhu kale midimu ia kima; ikale sabhulu iangene ia Jihova, ku madiembu menu moso-lolo.

Ijila 26:2

Endenu ni kualuka o jisabhalu jami; o kididi kiami kia dibhezelu mu ki xila jinga; eme ngi Jihova.

Malakiia 1:6

Mona u xila tatʼâ, o mubhika u xila nganga iê; Eme-phe, se ngi Tata, o ujitu ua ngi fuama, iú kuebhi? Se Eme ngi ngana ienu, o uoma ua ngi tokala, iú kuebhi? Eme ngi Jihova dia Ifuẋi, ngambela enu mu jinganga mua-lu dituna kuxila Dijina diami. Enu-phe muexi: Mu kima kiahi etu mu tua ditunu o kuxila Dijina dié?

Matendelelu 27:16

Lamba dia ió uoso u lebhula tatʼâ mba mamʼâ! Mundu uoso-phe a kèla: Amén!

Matendelelu 5:16

Bhana ujitu kua tatʼenu ni mamʼenu, kala kia ku tendelela Jihova Nzambi ié, nda u vule izuua ia kukola muenhu mu ngongo, u tunge usome mʼoxi ia ku bhana Jihova Nzambi ié.

Jihebeleu 12:9

Ku mbandu ia jitata jetu mu xitu, ene a kexile mu tu beta, etu-phe anga tu kala mu ku a xila. Kala kiki-phe, kia tu tokala kutumaka, kiala kota o Tata ietu mu nzumbi, phala tu mone muenhu!