Ijila 19:2 - O Mikanda Ikola

² Ambela o kionge kioso kia anʼa Izalaiele, u a tangela kiki: Kibhinga muzela, mukonda Eme, ngi Jihova Nzambi ienu, ngazela.

Ijila 19:2 ပူးပေါင်းရင်းမြစ်များ

Jisálamu 99:3

A ximane dijina diê, dia jingi, di kuata uoma; kuma Muene u kôla.

Makatukilu 19:6

Enu-phe mu ngi kala mu utuminu ua jinganga jami, mu mundu uami uazele. Enhá ene o maka u ua kà tangela anʼa Izalaiele.

Makatukilu 22:31

Kala kiki, mu kala mu athu ami a zele, mua di lumbila kokuami eme; mukonda dia kiki, kana kudia xitu ia sasaka ku iama mu mukáu; kikale mu i tela jímbua.

Ijila 19:1

Jihova iu ua tangela dingi Mozé, uixi:

Ijila 20:26

Ngi kexidienu mu athuʼami azele, mukonda Eme, Ngi Jihova, nga zela, kiene Eme ki nga mi tunguila mu ifuẋi ku mundu, phala mu kale mu athu ami.

Ijila 20:7

Uila kiki, dizelesienu mu kale mu athu akôla, ki mu moneka kikuma, mbata Eme Jihova Nzambi ienu.

Ijila 21:15

Ka sekalesa o mbutu iê muʼaxaxi ka jindandu jê; mbata Eme ngi Jihova nga mu jingisa.

Ijila 21:23

Maji ka bhumine kubokona ni kubhikila ku mvéu, ka tena ue kubhikila ku kalatódio, mukonda ka tenena, mabhezelu mami makôla uavula ku ngi kasanesena-u; kuma Eme Ngi Jihova, ngene mu tena ku a zelesa.

Ijila 21:8

Kala kiki, eie u mu kôlesa muene; kuma muene ua xikamena kutela Nzambi iê o mbolo ku meza. Muthu u kala kiki, a mi kale muthu ukôla, kuma Eme Ngi Jihova, ngene ku mi bhana o kuzela, nga zela.

Amoji 3:3

Mala kiiadi a tena kuendela kumoxi, se kala kudivua?

Matesu 5:48

Kikale-phe mu zubha kutenena kala kia tenena Tata ienu uenu mu diulu.

II Kolindo 7:1

O ki tualʼ iki, enu akuetu, o ikanenu ioso ienʼ iii ia tu tokala etuene. Tu dʼ iẋikienu, ni tu bhue o ufusa uoso ua xitu ni ua nzumbi, ni tu zubhe o kuzela, tu kale mù xila Nzambi.

Efezo 1:4

Nzambi ua tu sola mua muène tunde mʼ ukulu munhá, kioso oxi kiluua i kala ni dimatekenu diê, phala tu kale tu athu azele, sé ngó isenga bhu pholo ia muène. Mukonda dia henda iê ia tu kuatela.

Matendelelu 27:10

Kala kiki, enda ni kutumaka jinga o dízui dia Jihova Nzambi ié, o ijiia enda ni ku i kumbidila jinga, ni jingonge joso, ji ngala ku ku tendelela lelu.

Josuué 24:19

Josuué-phe uambela o kifuẋi, uixi: Kana, ki mua-nda kutena kubhikila Jihova, mbata muene Nzambi ia kuzela ni kuiuka, Nzambi ia difuba, muene ikuma ienu ka kà i loloka, ka kà loloka ituxi ienu.

I Samuuele 2:2

Ua kambe ituxi kala Jihova ka moneka, kuma eie u Nzambi ku moneka mukuenu a ku fika-nê; kana-ku ndánji iengi i soka ni Nzambi ietu.