Ijila 18:3 - O Mikanda Ikola

³ Enu ki mu fikise o imbamba ibhanga akua Ijito, ku muakexe; kana ue kufikisa o imbamba ibhanga akua Kanana, ku mua lungu, ku nga-nda ku mi tula; o jingonge jâ ki jene ji muenda ni kukaiela.

Ijila 18:3 ပူးပေါင်းရင်းမြစ်များ

II Jisobha 17:8

Iá enda jinga mu jingonge ja ifuẋi ia akua jixi, ia kaiesa kuala Jihova bhu pholo ia anʼa Izalaiele, ni mu ifua ni jingonge ja jisobha ja Izalaiele ja di hingisila ngoho eneʼâ.

Jisálamu 106:35

maji a di lungu-nâ mu umatumbu uâ, anga a di longa o ifua iâ iaiibha.

Makatukilu 23:24

enu-phe kana kufukamena o nzambi jâ, kana ku ji diundila mba eie ua kà fikisa o imbamba iâ ia bhanga; inda ene mua a sengulula muene, o iteka iâ mu i bula-bula.

Izekiiele 23:8

O ufusa uê-phe, ua tundu na-u ku Ijitu, nguê ku ueha; mukonda ene a mu zeka jinga tundé mu undenge uê, ia a mu xaxata ni ku mu kuata-kuata o jithulu ja uzeletete uê, ia a mu lunduluila jinga o ima iâ ia bolo.

Ijila 20:23

Kana kukuata kukaiela o ifua ia akuaʼxi u ngala ku kaiesa bhu pholo ienu nʼa mi bhue ku mesu, mbata o isunji ioso iii iene i a bhange; ʼKí kia ngi bhekela o ku di kuma-nâ.

Loma 12:2

Ki mu kaiele o funza ia mu ngongo mumu, maji ehelenu Nzambi a mi kitule kiengi, katé kilunji kienu kieza ku ubhe. Phala mu tongolole ioso o vondadi ia Nzembi, iauabha, ia ujitu, iatenena, i mu uabhela kiambote.

Matendelelu 12:4

Ki kiene-phe ki mu bhanga ni Jihova Nzambi ienu.

Matendelelu 29:17

ufusa uâ mua di muena-u, ni mahamba mâ, o iá a miẋi, o iá a matadi, o iá a phalata, o iá a ulu, muʼaxaxi ka athu amoxiʼá.

Matendelelu 9:4

Kioso-phe kia-nda ku a muanga kuala Jihova Nzambi ienu, enu anga a mi bhua ku mesu, ki muile ni miẋima ienu, muixi: Jihova ua tu mono tu athu ambote, kiene kia tu tudila mʼoxi iii phala i kale ietu, ki kiene; maji o ituxi ia ifuẋi iii, iene-ku ia bhangesa Jihova ku a kaiesa-mu.