Ijila 17:6 - O Mikanda Ikola

⁶ O nganga-phe ua kà sangela manhinga ku kalatódio ka Jihova, bhu muelu ua balaka ia kutakanena, o banha a i ximika mu bhakula dizumba di nuha kiambote kua Jihova.

Ijila 17:6 ပူးပေါင်းရင်းမြစ်များ

Makatukilu 29:13

U kuata ue o banha ioso i tunda ku dikutu, ni kikonda ki bhita ku thandu dia muxima, ni anasonhi aiadi, ni banha iala ku anasonhi, anga u i ohela ku kalatódio.

Makatukilu 29:18

Kilumbe kioso kia muvimba anga u ki ohela ku kalatódio; kífua sata ia Jihova ia kuoha; dizumba diambote, ujitu ua ku bhakula ni túbhia kua Jihova.

Izekiiele 44:15

Maji o jinganga, akua muiji ua Levi, o anʼa Zadoko, aiuka o kilèkelelu kia dibhezelu diami, kioso anʼa Izalaiele kia ngi balukila, ene enda ni kubhiẋila kokuami, phala ku ngi bhikila, enda ni ku kala bhu pholo iami, phala o ku ngi bhakuila o maji ni manhinga, Jihova Nzambi ua ki tange.

Ijila 17:5

Mu ki bhanga phala anʼa Izalaiele, jisata jene kuenda ni kusatela ngó mu mukáu, ende ni ku ji bheka kua Jihova, bhu muelu ua Balaka ia kutakanena, kua nganga, a ji bhakule kuma jisata ja paze, kua Jihova.

Ijila 3:11

O Nganga anga u i ohela ku kalatódio; kuene o kúdia kua ujitu ua kubhakula ni túbhia kua Jihova.

Ijila 3:13

muene a tule o lukuaku luê mu mútue ua kibhaku, a ki jibhile bhu muelu ua balaka ia kutakanena; o anʼa Alá anga eẋika o manhinga mê mu jimbandu joso ja kalatódio.

Ijila 3:16

o nganga anga u i ohela ku kalatódio; kifua kuene kúdia kua ujitu ua kubhakula ni túbhia, kua dizumba diambote; o banha ioso iangene ia Jihova.

Ijila 3:2

Muthu ua bhana ujitu u tula lukuaku luê mu mútue ua kibhaku, hé a ki jibhila bhu muelu ua balaka ia kutakanena; jinganga anʼa Alá anga eẋika o manhinga mu jimbandu joso ja kalatódio.

Ijila 3:5

Anʼa Alá a i ohela ku kalatódio, sata ia kuoha a i tula ku jihuinhi jala ku túbhia; kifua ujitu ua kubhakula ni túbhia, ua dizumba diambote kua Jihova.

Ijila 3:8

a tule lukuaku luê mu mútue ua kibhaku, a ki jibhile bhu muelu ua balaka ia kutakanena; o jinganga anʼa Alá anga eẋike o manhinga mê mu jimbandu joso ja kalatódio.

Ijila 4:31

O banha ioso u i katula-ku kala kiene kukatula banha ku sata ia paze; nganga anga u i ohela ku kalatódio kuma dizumba diambote kua Jihova; nganga anga u mu bhangela kiamenga, anga a mu loloka o kituxi kiê.

Dialuilu 18:17

Maji o phande-kumbi ia ngombe-phe, mba phande-kumbi ia mbudi, mba phande-kumbi ia hombo, kana ku i kula; mbata ikôla; manhinga mâ u ma sangela ku kalatódio, o maji mâ u moha kuma sata ia kuoha, i tubhula dizumba diambote kua Jihova.