Ijila 17:5 - O Mikanda Ikola

⁵ Mu ki bhanga phala anʼa Izalaiele, jisata jene kuenda ni kusatela ngó mu mukáu, ende ni ku ji bheka kua Jihova, bhu muelu ua Balaka ia kutakanena, kua nganga, a ji bhakule kuma jisata ja paze, kua Jihova.

Ijila 17:5 ပူးပေါင်းရင်းမြစ်များ

Dimatekenu 21:33

Mbalahamu bhu Bele-seba u kuna-bhu miẋi ia mutamala, anga u bheza bhe nhobho o dijina dia Jihova, Nzambi kene ni dizubhilu.

Dimatekenu 22:13

Mbalahamu anga u zambula mesu, u tala kiki, u mona ku dima diê kilumbe kia mbudi kia sukamena mu kisasa ni jimbinga jê; Mbalahamu anga uia-bhu, u kuata kilumbe kia mbudi, anga u ki bhana mu sata ia kuoha bhu kididi kia monʼê.

Dimatekenu 22:2

Uixi-phe: Katula monʼé, monʼé umoxi-èlele, Izake, monʼé ua kazola uie-nê kʼoxi ia Modiia; kuenhoko ua kà ngi satele-nê, sata ia kuoha, bhu thala a mulundu uoso u ngi ku idikiza.

Dimatekenu 31:54

Jakobo anga u jibha ibhaku, u bhanga sata mu mulundu muenhomo, hé uixana phange jê mu kúdia kizokola.

I Jisobha 14:23

Mbata akua Juda ene uâ a tungu ididi ia matala ma di leka, ni iteka, ni idifua ia jinzambi ja ditutu ku milundu ioso ia di leka ni bhoxi dia miẋi ioso ia uisu ia di zandela.

I Jisobha 3:2

Mundu-phe hanji a kuata kusatela ku matala, mukonda katé mu izuua muenhomo ka tungile luua inzo ia Tembulu mu dijina dia Jihova.

I Jisobha 3:3

Solomá anga u zola Jihova, u kala mu kuenda mu ijila ia tatʼâ Davidi; inda kima kimoxi ngó; u kala mu satela ku matala, ni kuohela-ku o fumasa ia dizumba.

II Jisobha 16:4

Ua bhana ue jisata ni kuohela o uasu ua dizumba ku matala ni ku tumilundu ni bhoxi dia ixina ia miẋi ioso ia di zandela.

II Jisobha 17:10

Iá a di-kubila iteka ni idifua ia mixitu mu tu milundu tuoso ni bhu ixina ioso ia miẋi ia di-zandela.

II Malunda 28:4

O ku milundu ue, ni ku ididi ia dileka, ni moxiʼa miẋi ioso ia uisu, ua bhela-mu ue jisata, ni kuoha uasu ua dizumba.

Makatukilu 24:5

Anga u tuma minzangala ku anʼa Izalaiele, kuia mu kubhakula jisata ja kuoha, a jibha jisata ja paze, ja jingombe ja satela Jihova.

Izekiiele 20:28

Mukonda, kioso ki nga zubha o ku a bokuesa mu ixi i nga a lekelele o lukuaku luami, phala ku a bhana-iu, ene-phe bhenhobho a kengelela ku tumilundu tuoso tua di leka, ni ku miẋi ioso ia-di-zandela, ia a satela o jisata jâ ja mahamba kuenhoko, ia a lenguluisa o ku ngi lokalala o njinda iami ni kubhana o maujitu mâ kuenhoko, ni mazumba mâ ma mbote a ma tula ue kuenhoko, ni makunua mâ kuenhoko ue kua ma lunduluila.

Izekiiele 22:9

O iiala ia hame ue ia kexile momué, phala kuzunza manhinga; momué muene mua dila jinga ku milundu; muʼaxaxi kê muene mua bhangela jinga o phulu.

Izekiiele 43:27

O kioso ene kia zubha kualuka o izuuʼiii, kia kà kala-phe kuila, mu kizuua kia kanake, tunde kiá bhu kumbi diê ʼte ku pholo, o jinganga ene kiá a kà iudika jinga, ku thandu dia Kalatódio o jisata jenu joso ja kubhakula ni túbhia ni jisata jenu ja paze; eme-phe kiá nga kà di kenha momuʼenu, Jihova ua ki tange.

Izekiiele 44:15

Maji o jinganga, akua muiji ua Levi, o anʼa Zadoko, aiuka o kilèkelelu kia dibhezelu diami, kioso anʼa Izalaiele kia ngi balukila, ene enda ni kubhiẋila kokuami, phala ku ngi bhikila, enda ni ku kala bhu pholo iami, phala o ku ngi bhakuila o maji ni manhinga, Jihova Nzambi ua ki tange.

Ijila 17:4

anga ufula ku ji bheka bhu muelu ua Balaka, phala kubhakula sata kua Jihova, bhu pholo kiki ia balaka, muthu ió manhinga ma mu kale mulonga; kuma ua bhubhisa manhinga; mukonda dia mulonga uenhú, a kà mu batula mu kionge kia kifuẋi kiê.

Ijila 17:6

O nganga-phe ua kà sangela manhinga ku kalatódio ka Jihova, bhu muelu ua balaka ia kutakanena, o banha a i ximika mu bhakula dizumba di nuha kiambote kua Jihova.

Matendelelu 12:2

Ididi ioso akua jixi u mua-nda kutolola enu, mua bhezela jinga o mahamba mâ, enu mua kà i sengulula muene,