Ijila 17:4 - O Mikanda Ikola

⁴ anga ufula ku ji bheka bhu muelu ua Balaka, phala kubhakula sata kua Jihova, bhu pholo kiki ia balaka, muthu ió manhinga ma mu kale mulonga; kuma ua bhubhisa manhinga; mukonda dia mulonga uenhú, a kà mu batula mu kionge kia kifuẋi kiê.

Ijila 17:4 ပူးပေါင်းရင်းမြစ်များ

Dimatekenu 17:14

Diiala dioso a kambe ku mu saia o xitu ia kinhûnga kiê, muenhu ió a kà u batula mu jindandu jê; mukonda kikutu kiami ua ki tondala.

Jisálamu 32:2

Ua zediua uoso kala dingi ni mulonga kua Ngana, ku muẋima ki ku mu xala makutu.

Makatukilu 12:15

O jimbolo ja kambe o felemendu mu ji dia mu sambuadi dia izuua; tunde kiá kizuua kiene kia dianga, felemendu ioso i bhua-mu mu jinzu; kuma uoso u dia jimbolo ja felemendu tunde kizuuʼokio kia dianga katé kizuua kia kasambuadi, muenhó muthu ua ku mu batula mu undandu ua Izalaiele.

Makatukilu 12:19

Mu sambuadi dia izuua iii, ki mu kale ni felemendu mu jinzo jenu; kuma uoso udia kima nʼa te-mu felemendu, muthu ió muthu ua ku mu batula mu kionge kia Izalaiele, a kale nzuangiza, a kale muthu a mu vuala ku bhata.

Makatukilu 30:33

Uoso u iudika maji kala iá, mba u a ta ku mukutu ua muthu uengi, ió muthu ua ku mu batula mu jindandu jê.

Makatukilu 30:38

Uoso u iudika uasu kala iú, phala kuenda ni ku u fuenha o dizumba diê, muthu ua ku mu batula mu jindandu jê.

Izaía 66:3

Uoso u jibha ngombe ia sata, mukuâ ni ua jibha muthu; uoso u satela kambudi, mukuâ ni ua batula ómbua xingu; uoso u bhana mubhaku ua musa, mukuâ ni ua bhakula manhinga ma ngulu; uoso u ximika fumasa ia dizumba, mukuâ ni ua benzela dihamba. Mbata eneʼâ ue ala kusola jinjila jâ-ene, muẋima uâ ua sendukila ku ima iâ ia ufusa.

Izekiiele 20:40

Mbata, o ku mulundu uami ukôla, ku mulundu ua di leka ua Izalaiele, kuenhoko kuene hádia kua-nda ku ngi bhikila o dibhata dioso dia Izalaiele, bhata diosòlolo muene mu ixi muenhomo; kuenhoko kuene ku nga kà sangulukila momuʼâ, hé kuenhoko ngi mi bhinga o mibhaku ienu ia vondadi, ni maujituʼenu a ibundu ia mutômo, kumoxi kiá ni ima ienu ioso ikôla, Jihova ua ki tange.

Ijila 1:3

Ujitu uê se u kala sata ia kuoha ia ngombe, a sole ia ndumbe, sé ngó unema; a i bheke muène mu vondadi iê, bhu muelu ua balaka ia kutakanena, phala a i ẋikine bhu pholo ia Jihova.

Ijila 17:10

Muthu uoso ue mu dibhata dia Izalaiele, mba ku jinzuangiza jene kunhunganena muʼaxaxi kâ, udia manhinga, muthu ió ngi mu mona bhu aia, katé ki ngi mu batula mu kifuẋi kiê.

Ijila 17:14

Mukonda o manhinga uene o muenhu ua xitu ioso-lolo; bhuoso bhuia manhinga bhuai muenhu; kiene-ze ki ngedila kua anʼa Izalaiele, ngixi: Kana kúdia manhinga ma kibhaku kioo-kioso, kuma o muenhu ua xitu ioso uene mu manhinga mê muenhomo; uoso-phe ue, u ma dia a kà mu jimisa o mbutu.

Ijila 17:3

Muthu uoso mu dibhata dia Izalaiele u jibha ngombe, mba mbudi, mba hombo bhu kibanguʼabha, mba u i jibhila ku kanga dia kibangu,

Ijila 17:5

Mu ki bhanga phala anʼa Izalaiele, jisata jene kuenda ni kusatela ngó mu mukáu, ende ni ku ji bheka kua Jihova, bhu muelu ua Balaka ia kutakanena, kua nganga, a ji bhakule kuma jisata ja paze, kua Jihova.

Ijila 17:9

se ka i bheka bhu muelu ua Balaka ia kutakanena, phala ku i bhakula kua Jihova, muthu ió a mu batule mu kifuẋi kiê.

Ijila 18:29

Mbata athu oso a bhanga ima ia isunji kala iii, athu ió a kà a batula nʼa jime o mbutu mu kifuẋi kiâ.

Ijila 20:16

Se bhu kala muhatu u setuka ku kibhaku, phala ku di bhanga-na-kiu jindunji, jibha muhatu ni kibhaku bhuamoxi; kiiadi kiâ a fue muene, sé phata; o manhinga mâ a soke-nâ ene kuthandu diâ.

Ijila 20:18

Se bhu kala diiala u zeka ni muhatu uala mu kihaẋi anga u mu vungununa o tuẋi, nʼa mu tongolola kizanga kiê, o muhatu iú anga u tukulula muene o kizanga kiê kia kihaẋi, kiiadi kiâ muene a batudienu o muenhu muʼaxaxi ka povo iâ.

Ijila 20:3

Eme uami muthu íó ngi di lulama-nê o pholo mu kuzoka-nê anga ngi mu mona bhu-aia, katé ki nga-nda ku mu batula mu kifuẋi kiê; mukonda ua katula ku mbutu iê iu ua bhakuila Mulôko; mu kubhanga kiki-phe, uakasanesa o dibhezelu diami dikola, iu ua sebulula o dijina diami diangene.

Ijila 3:2

Muthu ua bhana ujitu u tula lukuaku luê mu mútue ua kibhaku, hé a ki jibhila bhu muelu ua balaka ia kutakanena; jinganga anʼa Alá anga eẋika o manhinga mu jimbandu joso ja kalatódio.

Ijila 7:18

Mukonda se xitu ia sata iê ia paze, ia xala, anga bhu kala muthu u dia-ku kizuua kia katatu, sata iê ka i ẋikina dingi; o muene ue ua sate kia mu-ie ngoho; i di bhanga lufuku, uoso u dia-ku u kala ni kuêla.

Nzuá 10:7

Jezú anga ua ambela dingi, uixi: Kidi kiene ngi mi ambela: Eme ngi dibhitu dia jimbudi.

Nzuá 10:9

Eme ngi dibhitu. Se muthu u bokuena ko-kuami, u bhuluka. Muenhó u bokona, u tunda, u sanga jinga iangu.

Nzuá 14:6

Jezú uixi: Eme ngi njila, ngi kidi, ngi muenhu. Kana muthu u bhixila kua Tata, ua kambe kuijiia ko kuami.

Loma 4:6

Kienʼiki ue kiene Davidi kia mesenene kuzuela, kia tange o kuzediua kua muthu ió a mu bhange konda kuala Nzambi kala ua lungu, hè u mu xikina kuma muthu uaiuka, sé kukala ni ikalakalu ia bhange, uixi:

Loma 5:13

Kuma munhá kioso athu kiluua ngó a tambula Kitumu, ituxi íi kia mu ngongo. Maji o kituxi ka ki te mukonda bhua kambe o Kitumu.

Loma 5:20

O Kitumu kieza phala kuvudisa o kutondala. Maji bhuoso bhua vulu o ituxi, o kiadi kia Nzambi kia somboka dingi mu kusubhajaka kiavulu.

Matendelelu 21:8

Uila kiki-phe, eie Jihova, o mundu ué ua Izalaiele luuluka-nâ, Eie-muène ua a kula, kana ku a xina ku thandu diâ o mulonga ua manhinga ma muthu iú ua kambe kikuma. Kuabhu-phe, o manhinga momo a ma katula kiá ku konda iâ, ene anga a di zela.