Ijila 17:10 - O Mikanda Ikola

¹⁰ Muthu uoso ue mu dibhata dia Izalaiele, mba ku jinzuangiza jene kunhunganena muʼaxaxi kâ, udia manhinga, muthu ió ngi mu mona bhu aia, katé ki ngi mu batula mu kifuẋi kiê.

Ijila 17:10 ပူးပေါင်းရင်းမြစ်များ

Dimatekenu 9:4

O xitu-phe ki mu i die ni muenhu uê, o manhinga; kuma manhinga ene o muenhu.

II Samuuele 23:17

Uixi: Kikola, Jihova! se ngi ki bhanga ki kala kisunji! Mbata Phalahi ngi nua manhinga ma athu a bhange iluezu ia ku a jibha? Kiene kia fudila ku a nua. Iene ima ia bhangele mazonda matatu enhá.

Jisálamu 34:16

Pholo ia Jihova i luualela oso a bhanga phulu, phala ku a vuza mu ngongo, ka xale kijimbuete.

Makatukilu 30:33

Uoso u iudika maji kala iá, mba u a ta ku mukutu ua muthu uengi, ió muthu ua ku mu batula mu jindandu jê.

Jelemiia 21:10

Mukonda Jihova, uixi: Mbata eme mbonge iii nga i futulukila muene, ki i mono mbote, a kà i bhakula bhu lukuaku lua sobha ia Babilonha, anga muene ua kà i ta mu tuia.

Jelemiia 44:11

Kala kiki, Jihova dia Ifuẋi, Nzambi ia Izalaiele, uambe kiki: Talenu, pholo iami nga-nda ku i talesa kokuenu phala ku mi bhanga kiaiibha, Juda dioso nga-nda ku mu vuza.

Izekiiele 14:8

O pholo iami nga kà i ta mu kulungulukila o muthu muenhó, anga ngi mu bhanga kidiuanu, u kala muene kijimbuete ni Sabhu, o muʼaxaxe ka athuʼami ngi mu vuza-mu; nda mu kʼijiie kuila eme ngi Ngana.

Izekiiele 15:7

Hé nga kà lungisa o pholo iami kokuâ mu ku zoka-nâ; ene a-nda kua kà fomoka mu túbhia, maji o túbhia tuanda kua kà a jikinisa; anga mua kà kʼijiia kuila eme muene ngi Ngana, kioso ki nga kà lungisa o pholo iami kokuʼâ mu kuzoka-nâ.

Izekiiele 33:25

Kala kiki-phe, eie tangela-u, uixi: O Jihova Nzambi uambe, uixi: Mu kudia, mu dia ni manhinga, hé mu leka o mesu ku iteka ienu, anga mu bhubhisa manhinga! manhi o ixi iii ia-nda kukala ienu?

Izekiiele 44:7

Mukonda muexana athu engi, a kambe o ku a saia ku muẋima ni ku xitu, nʼa kale mu dibhezelu diami, nʼende ni ku di kasanesa mʼonzo iami, kioso enu ki muenda ni kubhakula o mbolo iami, ni maji, ni manhinga; o ene ia a numununa o kikutu kiami, mukonda dia maufusa enu oso.

Ijila 17:11

Mbata muenhu ua xitu uala mu manhinga; kiene ki nga mi bhela-u ku thanduʼa kalatódio mu ku mi jimuina ikuma, mienhu ienu phala ibhanduluke; mukonda o manhinga ene ngoho a tena kubhanga kiamenga ki zelesa o mienhu ia athu.

Ijila 19:26

Ki bhu kale kima ki mudia ni manhinga mê; kana kukaiela imbanda mba mu kuata kuia ni kuzambula,

Ijila 26:17

Pholo iami i mi kitukila, anga kisuéia ki mi buibua kuma nguma ja kà mi kuama; oso a mi zembe a kʼènda ni ku mi vua anga a kituka ngana jenu, anga mua kʼènda ni kulenga-lengenu ngó u mi kaia ka moneka.

Ijila 3:17

Ki kala kijila kienu ki xalela ku izuua ioso, ku miji ienu ioso, ku mabhata menu oso; ki mu die jinge banha mba manhinga.

Amoji 9:4

O ki aia ku ubhika ua uhutile ku mesu a jinguma jâ, kueneʼoko nga kà tendelela xibhata, ni i kala mu ku a jibha. Nga kà ta mesuʼami ku thandu diâ ni ku a kengelela mu ku a bhanga phulu, ki ku a bhanga mbote, kana!

Jipoxolo 15:20

Inda tu a sonekena ngó mukanda kuila, kadie jinge kúdia kua kasana, o kúdia xitu iojibhe anga a i satela itèka. Tu a tangela ue kuila, a lenge undumbu, ni kúdia xitu ia kiama kiokhuenhe, mba ue kúdia manhinga.

Jipoxolo 15:29

Kana kudia xitu ia iama iojibhe phala ku i satela iteka. Kana kudia manhinga moso-moso, mba xitu ia kiama kiokuenhe. Ki mu bhange ue undumbu. Ima ieniʼii se enu muenda ni ku i lenga, mua bhange kiambote Tua mi menekena! Mahezu.

Matendelelu 12:16

Inda o manhinga kana ku a dia; mu a zunzila bhoxi mukua ni menha.

Matendelelu 12:23

Inda-phe ta-ku muxima phala o manhinga kana ku a dia; kuma o manhinga uene o muenhu; eie u muthu umoxi kuile udia o muenhu, anga udia ue o xitu.

Matendelelu 15:23

Di lange-phe ngó kioso ki u i dia, ku idie-phe ni manhinga mê kumoxi, maji u a ẋamuina bhoxi, kala menha.

Jihebeleu 10:29

Abha-phe kia kà bhita kiebhi ni ió ua ditunu o Monʼ a Nzambi, iú ua mono kuila o manhinga ma kikutu kia Nzambi ma mu kolêsa, kima kia ngoho? Kia kà bhita kiebhi ue ni uoso u lokalala o Nzumbi ia kiadi kia Nzambi? Xinganekenu-phe, se o kaxtiku kê ka mu tokala, ka kà soka kiebhi!

I Samuuele 14:32

Anga a di lunduluila mu kubhunda ibhaku ku jinguma ni kuhama, a kuata jimbudi ni jingombe, ni anʼa jingombe, a ji jibhila bhoxi; o mundu anga a kuata kudia xitu ni manhinga.

I Samuuele 14:33

Anga a ki ambela Saúlo, exi: Mundu-ze ala kuta kituxi kua Jihova, mu kúdia kumoxi o xitu ni manhinga. Muene uixi: Mua bhange ufe; kundumunenu ditadi dia dikota, dʼize bhabha bhu ngala mu kizuua kia lelu.