Ijila 16:6 - O Mikanda Ikola

⁶ Bhenhobho-phe Alá ubhakula hanji o ngalote iê ia kiamenga kia kituxi, ku mulonga uê-muène; nʼa di zelese hanji muene ni diembu diê.

Ijila 16:6 ပူးပေါင်းရင်းမြစ်များ

Jobe 1:5

Jobe anga uia ni kuila, kioso ana oso kia zubha kubhanga o jifesa, u a exana anga u a lumbila kua Ngana; kuma u balumuka mu kimenemene, anga uia mu kubhana jisata ja soko ni diauilu dia ene, mukonda, uixi: Sumba anʼami a te kituxi, a ẋonguena Nzambi ku muẋima uâ. Kienhiki kia kexi mu bhanga jinga Jobe thembu joso.

Izekiiele 43:19

O jinganga ja Levi, a tokala ku mbutu ia Zadoko, ala mu kubhiẋila jinga kokuami, phala ku ngi bhikila, eie ua-nda ku a bhana kamona ka ngombe, mbé o sata ia kituxi.

Izekiiele 43:27

O kioso ene kia zubha kualuka o izuuʼiii, kia kà kala-phe kuila, mu kizuua kia kanake, tunde kiá bhu kumbi diê ʼte ku pholo, o jinganga ene kiá a kà iudika jinga, ku thandu dia Kalatódio o jisata jenu joso ja kubhakula ni túbhia ni jisata jenu ja paze; eme-phe kiá nga kà di kenha momuʼenu, Jihova ua ki tange.

Ijila 16:3

Kiela ngi bokona-mu, a bokona ni ima iii: Ngalote ia ngombe ia kiubha, phala kiamenga kia kituxi, ni kilumbe kia mbudi, phala sata ia kubhakula ni túbhia kua Jihova.

Ijila 16:7

Hé u tambula ue o isutu iiadi anga u i tudila Jihova bhu muelu ua balaka ia kutakanena.

Ijila 9:7

Bhenhobho Mozé anga u ambela Alá, uixi: Bhiẋila bhu kalatódio u bhane sata ié ia kituxi ni sata ia kuoha; u bhange kiamenga ni kié eʼmuène, ni kia kifuẋi; u bhange kiua ujitu ua kifuẋi, u a bangele ni kiamenga, kala kia tumu Jihova.

Jihebeleu 7:27

Ka sokela ni jinganga ja makotʼojo. Ka bhingi kubhakula jisata izuua ioso, mu kusatela o ituxi iê-muène, ni ituxi ia mundu. Muène ua ki bhange ngó lumoxi, kuabhu, kia bhekele o sata ia mukutu uê muène.

Jihebeleu 9:12

Kioso-phe Kristu ki eza, ua bokona ngó lumoxi kuabhu, mu Kididi-Kikôla-Kinéne, muène kambatele manhinga ma jihombo, mba ma anʼ a jingombe phala kubhakula kala sata. Maji ua bhana o manhinga mê muène, iú ua zubha o ku tu kula, ki kua bhingi dingi ku ki tona.

Jihebeleu 9:7

Mu balaka ia mukuá-phe kikale o nganga ia dikota ubheka uê u bokona-mu lumoxi ngó ku muvu. Uambata ue manhinga ma ibhaku ma kubhakuila Nzambi mukonda diê muène, ni mukonda ue dia itondalu ia mundu, ia bhange sé ku kʼijiia.