Ijila 16:4 - O Mikanda Ikola

⁴ A zuate túnika ikola ia linho, uta-phe jixilola ja linho, jene jidianga ku xitu iê, u di ẋiẋika ni phonda ia linho, anga uzuata kijinga kia linho; iii iene o izuatu ikola. Ki bhinga-phe, o mu i zakela, udianga kuiẋika o xitu iê ni menha.

Ijila 16:4 ပူးပေါင်းရင်းမြစ်များ

Makatukilu 28:2

Ua kà iudika izuatu ia kuzela ni kuiuka phala phange ié Alá, izuatu ia kuuabha ni kukemba.

Makatukilu 29:4

Ni Alá-phe ni anʼê a mala u a bheka bhu muelu ua balaka ia kutakanena, anga u a eẋika bhenhobho ni menha.

Makatukilu 30:20

Kioso kia bokona mu balaka ia kutakanena, a di sukula ni menha, phala ka fue; mba kioso kia zukama ku kalatódio mu kusedivila, mu kuoha sata ia kubhakula ni túbhia kua Jihova.

Makatukilu 40:12

Ni Alá ni nʼê a mala u a bheka ue bhu muelu ua balaka, ia dibhongolokelu, eie anga u a sukula ni menha.

Izaía 53:2

Kuma muene uaii ni ku kula bhu pholo ia Nzambi mukuâ ni luthangu lu fuafua, kala lundanji lua xoxouela mu mavu ma kukuta; o ku mu tala, ka kexi ni kidifua mba uuabhelu ua pholo; o ki tua mu idi sui, ki tua mu muene ni kuuabha kua kima, kuila tu mu inda.

Izekiiele 44:19

O ene, ki eza ku lumbu lua kanga, kuala o mundu, mu lumbu lua kanga, o izuatu ia bhange na-iu o ukunji a kà i zula, hé a i tula mu maxilu ma kôla, anga a kà zuata imbamba iengi, mbebhu o mundu ka kà u kôlese mukonda dia kukala ni izuatu iâ.

Izekiiele 9:2

Ngi tala, kuala kuiza athu kisamanu a lungu bhu dibhitu dia di-leka, dia talela ku mbandu ia kusuku, o muthu ni muthu ni mata mê ma kubuikisa bhu maku; o mu kaxi kâ muala muthu ua zuata kizuatu kia linhu ni tindelu ia musoneki ia kutila mu phonda iê; anga a bokona, emana bhu mbanduʼa Kalatódio ka ngôndo.

Ijila 16:23

Bhenhobho-phe Alá uvutukila kiua mu balaka ia kutakanena, anga uzula izuatu ia linho, ia zuatele kioso kia bokuene mu dibhezelu diangene, anga u i xa muenhomo.

Ijila 16:24

Anga uiẋika o mukutu uê ni menha mu kididi kiangenʼiki, anga uzuata kiua o izuatu iê; bhenhobho-phe u tunda nʼa iudika kiua o sata iê-muène ia kubhakula ni túbhia, kua Jihova, ni sata ia kubhakula ni túbhia ia kifuẋi, nʼa bhange kiamenga kia ku di kinduila muene ni ku kinduila o mundu.

Ijila 16:32

O nganga ue uoso a-nda ku mu unda phala kukuata o ukunji ua unganga bhu kididi kia tatʼâ, mu kubhanga o dibhanduluilu dia kubhuisa ikuma kiki, uzuata o izuatu iii ia linho, o izuatu ikôla:

Ijila 6:10

O Nganga u di ta kizuatu kiê kia linho, mu inama u zuata jikalasá jê; anga uʼomona utôkua kioso o túbhia ki tu tunda mu kujikinisa o sata ioso, ku kalatódio, o uthôkua anga ù tula bhu mbandu ia kalatódio.

Ijila 6:3

mba kima kia texikile iu ua ki bongo, o mu ku di tuna há u ta muloko ua makutu, mba u bhanga kima kiengi kioso-kioso ku ima iii ia bhingi kuila muthu nʼa i bhange ua te kituxi,

Luka 1:35

Mukunji u mu vutuila, uixi: O Nzumbi Ikôla ua-ndu tuluka ku thandu dié, o nguzu ia Nzambi ia Diulu ia-nda ku ku vungina kizúzumbia kiê. Ki bhangesa kuila o mona ukôla ua-nda ku mu vuala, a mu ixana Monʼa Nzambi.

Filipe 2:7

Inda-phe Muène ua di tolesa, anga u tambula kididi kia mubhika, hé u di bhanga kidifua kimoxi ni athu,

Jihebeleu 10:22

Uila kiki, tu bhiẋidienu kua Nzambi, ni muẋima ua kidi, ni kuxikana kua soko, ni ku tu zelesa miẋima mu ku tu bhuisa o kitongoluelu kiaibha, ni ku dʼixika o mikutu ni menha ma zele.

Jihebeleu 2:14

O ana-phe, kala kia exana muène, a kala athu a nomona ku xitu ni manhinga. Uila kiki, Jezú muène ua di bhange kala ene, mu kutambula o kidifuanganu kia muthu, phala mu kubhita ni kalunga a tene kutolola ió uoso ua kuata o nguzu ia kalunga, muène Diabhu.

Jihebeleu 7:26

Mukonda dia kiki, Jezú muène o Nganga ia Dikota tua mu bhindamena. Muène u kôla. Muène ka moneka phulu, ka moneka ufusa. Ua di kalelela ku akua ituxi, iú ua zangalala ku thandu a maulu.