Ijila 16:2 - O Mikanda Ikola

² Jihova phe uambela Mozé, uixi: Ambela phangʼié Alá: O mu dibhezelu, mu ʼxilu dia mvéuʼomo, ka kále mu bokona-bokona-mu ngó mu thembu joso, nʼa kala mu kuimana bhu pholo ia kibhuna kia kiadiʼokio, kiala kulu dia álaka ia umbangi phala kafue; mukonda Eme ngi tukulukila mu ifuke ku thanduʼa kibhuna kia kiadi.

Ijila 16:2 ပူးပေါင်းရင်းမြစ်များ

I Jisobha 6:16

O moxi ku hota kua suku o inzo uatungu-ku dingi ni mabaia a muxi ua sédulu, dixilu dia makuinhi aiadi a kóvadu dia folala kiambote ni mabaia a sédulu tunde bhoxi katé bhulu; dixilu didi diene dia bhange o dibhezelu mba o Kididi kikôla kinéne.

I Jisobha 8:6

Kienhiki kia bheka jinganga o álaka ia kikutu kia Ngana bhu kididi kiê, mu dibhezelu dia inzo ia ngana, mu kididi kikôla kinéne, bhoxi dia mabhabha ma jikelubini.

II Malunda 5:14

Anga jinganga a lémbua kuimana, mu kubhanga ukunji uâ mukonda dia dituta, mbata o Kizunda kia Jihova kiezalesa o inzu ia Nzambi.

Makatukilu 30:10

Alá u bhuisa ikuma ku jimbinga ja kalatódio kaka, lumoxi ku muvu, ni manhinga ma sata ia kubhuisa ikuma; lumoxi ku muvu, ua kà bhuisa ikuma ku thandu dia kalatódio, katé bhua kà suka o miji ienu. Kalatódio kaka, ka kôla kinéne, kangene ka Jihova.

Ijila 16:13

A lalumuine o uasu ua dizumba bhu makala a túbhia, bhu pholo ia Jihova, phala o ifuke ia uasu ua dizumba ki ienda ni kutukumuka, ivungine o kibhuna kia kiadi, kiala ku thandu dia alaka ia umbangi phala i muene ka fue.

Ijila 16:34

O kienhiki ki kale-phe kijila kienu ki nangenena muende ni ku bhanga jinga kiamenga kia kulàmba o ituxi ioso ia anʼa Izalaiele, ku muvu mu ki bhanga jinga lumoxi. Alá iú ua ki bhange kala kia tumine Jihova kua Mozé.

Ijila 23:27

Maji o mbeji iene ia kasambuadiʼoio, mu kizuua kiê kia kuinhi, kiene-phe kikala kizuua kia kiamenga; mu kala ni kionge kikôla, anga mu jila; mu bhana-phe ujitu ua kubhakula ni tuíbhia kua Jihova.

Ijila 8:35

Mu kala-phe bhu muelu ua balaka ia kutakanena usuku ni muanha, mu sambuadi dia izuua, mu kukumbidila kia mi tendelela Jihova, phala ki mu fue; kuma eme kiene kia ngi tendelesa.

Dialuilu 17:10

Bhenhobho-phe Jihova uambela Mozé, uixi: Tona dingi ku ta o mbangala ia Alá bhu pholo ia umbangi, phala ku i bhaka, i kale kijimbuete phala o ana a ẋinuka; mu kubhanga kiki ua-nda ku a zubha o makulongolola mâ ene ku ngi longolola na-u, nʼa kambe o kúfua.

Dialuilu 18:7

Maji eie-phe kiá kumoxi ni anʼê, muʼaluke o unganga uenu, mu ima ioso ia tokala ku kalatódio, ni ku ioio iala mu xilu dia mvéu, o ienhiʼii, iene o kikalakalu kienu; eme nga mi bhana o unganga uenu, u mi kale ujitu ua ukunji, o muthu uengi u bhiẋila-ku, u fua.

Dialuilu 4:19

inda mu a bhanga kiki, phala a laie, ka fue, kia bhixila mu kuzangula o imbamba ikôla kinène: Alá ni anʼê ene a tuama o kubokona, hé a a uanena muthu ni muthu ni kikalakalu kiê, ni kimbamba kiê,

Dialuilu 4:5

O kilombo hé kia-ndu katuka mu kuenda, Alá ni anʼê a tuama kubokona, a tulula dibeka dia kibatulu, a di futa ku álaka ia umbangi;

Matesu 27:51

Kibatulu kia Tembulu anga ki tanduka mu ʼaxaxe, tunde ku thandu katé bhoxi. Oxi anga i tunguta, matadi ma baza;

Jihebeleu 6:19

Kudielela kua kidi, ku kuatesa mienhu ietu mukua ni ombua ia naviiu. Kuene kua kuata, kua kolo, ku bhixila katé kuema dia kibatulu kia tembulu mu diulu, anga ku bhita katé moxi dia kididi kikôla.

Jihebeleu 9:25

O Nganga ia Dikota ku jijudé, uene kubokona muvu ni muvu mu Kididi-Kikôla ni manhinga ma kibhaku. Maji-phe Kristu ka bokona phala ku di sata luavulu, kana.

Jihebeleu 9:3

O kuema dia kibatulu kia kaiadi, balakʼoio a ixana mu Kididi-Kikôla-Kinéne.

Jihebeleu 9:5

O ku thandu dia álaka kua kexi jikelubini jibenha jʼedikiza o Kizunda kia Nzambi, joleka o mabhabha mù vungina o kididi kia kulolokela o ituxi. Ima ioso iii-phe ku i lombolola kindalʼiki mu kimoxi-kimoxi, ki tu tena.

Dijingunuinu 15:8

Tembulu anga izala ni dixi dia tundu mu kubenha kua Nzambi ni kusuina kuê. Kana-bhu ua tena kubokona mu Tembulu, katé o sambuadi dia mabhebhu ma kuata sambuadi dia anju ma zubha kubhita.