Ijila 16:16 - O Mikanda Ikola

¹⁶ Mu kubhanga kiki uazelesa Onzo iangene ia dibhezelu, mukonda dia ufusa ua anʼa Izalaiele, ni kulueza kuâ, ni ku ituxi iâ ioso. Kienhiki ue kiene kia bhanga jinga mu kuzelesa o balaka ia kutakanena iala mu nanga mu kilombo kiâ-ene, ni muʼaxaxi ka maufusa mâ.

Ijila 16:16 ပူးပေါင်းရင်းမြစ်များ

Makatukilu 30:10

Alá u bhuisa ikuma ku jimbinga ja kalatódio kaka, lumoxi ku muvu, ni manhinga ma sata ia kubhuisa ikuma; lumoxi ku muvu, ua kà bhuisa ikuma ku thandu dia kalatódio, katé bhua kà suka o miji ienu. Kalatódio kaka, ka kôla kinéne, kangene ka Jihova.

Ijila 16:17

Kioso-phe kia bokona kubhuisa ikuma mu dibhezelu diangene, mu balaka ia kutakanena ki mu kale muthu, katé muene kia tubhuka. Mu kiki-phe o nganga kuila uazubha kiá o ku di bhangela i muene o kiamenga kiê ni diembu diê, ni junda ioso ia Izalaiele.

Ijila 16:18

A tunde-phe kiá, aie ue ku kalatódio, kala bhu plolo ia Jihova, anga u ka bhangela ue o kiamenga. Ukatula ku manhinga ma ngalote ni ku manhinga ma kisutu, anga u ma sangela ku jisungu ja kalatódio, kondoluese takane mu jimbandu jê joso.

Ijila 23:27

Maji o mbeji iene ia kasambuadiʼoio, mu kizuua kiê kia kuinhi, kiene-phe kikala kizuua kia kiamenga; mu kala ni kionge kikôla, anga mu jila; mu bhana-phe ujitu ua kubhakula ni tuíbhia kua Jihova.

Ijila 8:15

Anga u ka jibha; Mozé anga u tambula o manhinga, u a ta ku jimbinga ja kalatódio ni mulembu uê, anga u bonza o kalatódio kene koso, o manhinga a subhuka-ku anga u a eẋikila bhoxi dia kalatódio u ka bhangela kiamenga, u ka kôlesa.

Dialuilu 17:11

Anga Mozé u bhanga kienhiki; kala kia mu tendelela Jihova, kiene muene kia bhange.

Dialuilu 28:15

Ni kisutu kia hombo, kia sata ia ituxi, ia kusatela Jihova; kioso kia ki bhakula, kifua kiengi ue, ki di bandekeza ku sata ia kuoha ia izuua ioso, ni sata iâ ia kúnua.

Nzuá 14:3

Se ngai, anga ngi mi iudikila kiá kididi, hádia ngiza, ngi mi tambulula ko kuami; o kuoso ku ngala eme, enu uenu kuene ku muà kala.

Jihebeleu 2:17

Uila kiki, Jezú kia mu fuama mu ima ioso o kusokela ni jiphange jê, phala a tene kukala Nganga iâ ia Dikota, ia lenduka, ia fiiele, mu sedivisu iê kua Nzambi. Mu kienʼ iki nʼ a kale kiluuluilu kia ituxi ia mundu.