Ijila 15:5 - O Mikanda Ikola

⁵ Muthu uoso u di bhiáuna ku hama iê, a sukule izuatu iê, o muene ue a zoue mu menha, anange ni kukasana katé mu ngoloxi.

Ijila 15:5 ပူးပေါင်းရင်းမြစ်များ

Jisálamu 26:6

Maku ami nga a sukula, katé ki azele; phala ngi kondoloke kalatódio ké, u Jihova.

Jisálamu 51:2

Ngi sukule, u ngi zelese ku ikuma iami, mukonda nga xidi; ngi bonze, phala kituxi kiami ki bhue-ku.

Jisálamu 51:7

Ngi bonze ni kisasa kia hisopo, lufuku lu ngi bhue; ngi sukule, ngi zele, kuzela kua neve ndenge.

Makatukilu 19:10

Jihova anga uambela Mozé, uixi: Ndeie ku mundu u a zelese, a di bonze lelu ni mungu, a sukule izuatu iâ.

Izaía 1:16

Di sukudienu, mu dizelese, phulu ioso ia ibhangelu ienu katulenu-iu, i tunde ku mesu mami, ehenu o kubhanga kiaiibha.

Izaía 22:14

Maji Jihova dia Ilômbo Ieta ua ngʼivisa-kiu mu mátui, uixi: Kikuma kiki, kana, ki nga-nda ku mi loloka-kiu, katé ki ki mi-dia muene o muenhu, eme Ngana, Jihova dia Ilombo Ieta, nga ki tange.

Izekiiele 36:25

Kienhókio nga kà mi pusuila menha a zele ku thandu dienu, anga mu-bhua o dixidilu dioso; nga kà mi zelesa muene ku maufusa menu moso, ni ku mahamba menu moso.

Izekiiele 36:29

Kienhókio nga kà mi kula ku maufusa menu moso; hé nga kʼèxana o kúdia ni ngi ku sokolola, ki mungu dingi mu kala ni nzala ku thandu dienu.

Ijila 11:24

Tuenhutu tu xidisa muthu; uoso u kuata-ku kamoxi kafu kiá, u kasana kumbi dioso dia kambamba katé ku ngoloxi.

Ijila 11:25

Uoso u ambata o imbi iâ, a sukule izuatu iê, kutula ku ngoloxi kukasana kuê kuabhu kiua.

Ijila 11:28

Uoso u ambata o imbi iâ, a sukule izuatu iê, kutula mu ngoloxi kukasana kuê kuabhu kiua; inda o iene, phala enu kitenu-iu muene misekanda.

Ijila 11:32

Katé ni ku imbamba ienu, se kua sonokena kama ka tokala ku tubamba tutu, kuila tuafu kiá, kienhókio ue kia kasana muene; kikale kitutu kia muẋi, mba kizuatu, mba kibha, mba saku, mba kiselengenhe kioso-kioso kia kukalakela, i bhinga kiá ku i bhitisa mu menha, anga i kala kienhiki katé ku ngoloxi; kuabhu-phe, ia dʼiẋika kiua.

Ijila 13:34

O ki ibhua, a mu kengelele dingi lua mukuá; o kia mu sanga bhene bhuʼokulu bhene, ki kua di te kima, kuabu, a mu tange kuamba ueluka, a sukule izuua iê, ueluka muene.

Ijila 13:6

Bhenhobho-phe mu kizuua kia kasambuadi, nganga a mu tonginine dingi lua mukuá; o kia talesa-pahe se dife dia jimuka, ki dia di mendala, euá, a mu kole kuamba ua zediê; manhi diveve ngó, dia somboka, maiê. Hé kima, a sukule ngó izuatu iê, kuabhu, kuma ua zediê.

Ijila 14:27

bhenhobho nganga u bondeka mulembu uê ua dilu bhu majiʼama, hé u ma sangela mu lusambuadi kua Jihova.

Ijila 15:18

Muhatu ue, uoso a zeka-nê kuala diiala anga u mu lukuila mbutu ia muenhu, kiiadi kiâ a di sukule muene ni menha, a nange kienhiki mu kukasana kuê katé mu ngoloxi.

Ijila 15:4

Hama ioso bhu zekela o diiala di ala ni kibhubhe, ikasana ue; ima ioso muene ia bhita ni kuxikama, iakasana ue.

Ijila 15:6

O uoso ue uxikama bhu kibuta bhua xikamene o mukua kibhubhe, a sukule izuatu iê, a zoue ue mu menha, anange ni kukasana katé mu ngoloxi.

Ijila 16:26

O muthu uoso uendele kuxinjikila o hombo-ia-muxídika, a sukule o izuatu iê, o muene ue a dʼiẋike ni menha; kiene kiua kia bokona bhu kibangu, mu kilômbo.

Ijila 16:28

Uoso-phe ua i jikatesa, usukula izuatu iê, hé u dʼiẋika ni menha; kiene kiua kia bokona bhu kibangu.

Ijila 17:15

Muthu uoso ue kixi mukuaʼxi, kixi nzuángiza, se uedi udia xitu ia di fuila, mba a i sanujuna kuala o iama, a sukule-phe izuatu iê, muene ue a dʼiẋike mukutu ni muenha, kukasana kuê a kale na-ku kumbi dioso dia kambâmba, o ki bhiẋila ngoloxi-phe, kukasana kuê kuabhu kiua; kiene kiua kia kala ni kuzela.

Dialuilu 19:10

Uoso uomona o uthôkua ua seseme ia ngombe, u sukula o izuatu iê, hé u kasana katé mu ngoloxi; o kienhiki ki kala kijila ki nangenena ku ana a Izalaiele ni ku muthu uengi ua mu nhunganena muʼaxaxi kâ.

Dialuilu 19:22

O uoso ua kasana, kioso kia kuata ki kasana ue; o uoso ue dingi u mu babata u kasana katé mu ngoloxi.

Jihebeleu 10:22

Uila kiki, tu bhiẋidienu kua Nzambi, ni muẋima ua kidi, ni kuxikana kua soko, ni ku tu zelesa miẋima mu ku tu bhuisa o kitongoluelu kiaibha, ni ku dʼixika o mikutu ni menha ma zele.

Jihebeleu 9:14

Se phe kienʼ iki kiene, xinganekenu hanji kioso kia soko ukota uê, mba o kutena kua manhinga ma Kristu! Kuma ku Nzumbi iê ia kaiela-ku, ua di bhakula muène-muène kala sata ia tenena kua Nzambi. O manhinga mê ma tu iẋika-phe o itongoluelu ietu, ku ibhangelu ia di fuila, phala tu tene kubhiẋila Nzambi ia muenhu.

Jihebeleu 9:26

Hé kiene, hinu ueji ku tona jinga luavulu o kutala hadi tundé ku dimatekenu dia ʼxi. Maji inda o muène ua tukuluka lumoxi-elêle kunu kua suku o jithembu, phala kukatula o ituxi ni sata ia mukutu uê muène.

Tiiaku 4:8

Zukamenu kua Nzambi, muène u mi zukama enu. Di sukudienu maku, mu akua ituxi! Di zelesienu miẋima, mu akua miẋima iiadi!

Dijingunuinu 7:14

Nga mu ambela, ngixi: Eʼmuène, ngana, ua ejiia. Kuala muène: Enhá ene a tundu mu hadi ia dikota. Ene a sukula izuatu iâ, ia a i zelesa mu manhinga ma Kambudi.

I Samuuele 20:26

Saúlo-phe kà zuela kima kizuua kienʼokio; ua fika, uixi: Sai kioso kia mu bhiti, iu ua kasana; ua bhingi hangi ku di bonza.