Ijila 14:7 - O Mikanda Ikola

⁷ Anga a kuata kusangela ku thandu dia ió uoso ala ku mu ixika o dibhute, katé mu lusambuadi; muene a mu kole-phe kiá, kuamba, ueluka, o njila ia muenhuʼiii a i ehe kiá, nda i tuke iie ku mukáu.

Ijila 14:7 ပူးပေါင်းရင်းမြစ်များ

II Jisobha 5:10

Bheneʼobho Ilizeu ua mu tumikisa phunga ku mu tangela, kuila: Ndé, ua kà di sukule lusambuadi mu Njolodá, nda o xitu ié ia kà ku vutuluke dingi, nda ua kà di sanze.

II Jisobha 5:14

O ki evu kiki, u tuluka mu dikalu u boba lusambuadi mu Njolodá kala kia tange o kizuelu kia muthu ua Nzambi, o xitu iê anga i vutuluka, ila kala xitu ia kamona ka ndenge, hé u di sanza.

Jisálamu 51:2

Ngi sukule, u ngi zelese ku ikuma iami, mukonda nga xidi; ngi bonze, phala kituxi kiami ki bhue-ku.

Jisálamu 51:7

Ngi bonze ni kisasa kia hisopo, lufuku lu ngi bhue; ngi sukule, ngi zele, kuzela kua neve ndenge.

Izaía 52:15

Mu kiki, muene uà kʼeẋika ifuẋi ia ndumba ku dibônzo, o jisobha a kà jika makanu mâ mukonda diê-muène; kuma kima ka a tangelele na-kiu a kà ki mona, kima ka kʼivile luua, kia kà a jimbulukila muene.

Izekiiele 36:25

Kienhókio nga kà mi pusuila menha a zele ku thandu dienu, anga mu-bhua o dixidilu dioso; nga kà mi zelesa muene ku maufusa menu moso, ni ku mahamba menu moso.

Daniiele 9:24

Mundu ué ni diembu dié diangene a a xindila makuinhi sambuadi a jisemana, mbé o kujima kitondalu, ni kuzubha-ku o ituxi, ni kuta o kiamenga kia kulamba o kikuma, anga a mi bhekela kiua o kulunga kuxialelà-ku, o isuma ni upolofeta anga a i jika kiá ni idimbu, anga a unda kiá o Dilemba dia anangene, uene ni kuzela kua tundu athu oso.

Ijila 13:13

o nganga a mu tonginine-phe, o kiela dibhute dia sambuka muene mu mukutu uoso ua haxi, mukutu uoso iu uala kiá kífua kimoxi, a mu jimbule kuamba ueluka kiá; talesa, kuma kikonda kiê kioso kiedi phéé; ueluka-phe.

Ijila 13:17

O nganga hé u mu kengelela o kia mona-phe kuamba o kitôto kia zele kiá, nganga-phe a mu jimbule kuamba, ua kexe ni dibhute; ueluka muene, ka kasana dingi.

Ijila 14:51

Anga u kuata o njila ia muenhu, ni musédulu, ni mukalumezí, ni hisopo, nʼa bondeke kumoxi mʼombia muoso muala o manhinga ma njila iójibhe, nʼa bondeka ue mu menha ma hungulule, phala a sangele onzo mu lusambuadi.

Ijila 16:14

A katule ku manhinga ma ngalote, a bondeke-mu o mulembu uê, a sangele ku thanduʼa kibhuna kia kiadi ku mbandu ia mutundila-kumbi; u sangela manhinga mu lusambuadi ni mulembu uê ku pholo kiki ia diluuluilu.

Ijila 16:19

Hé usangela dingi manhinga menhomo ku thanduʼa kalatódio lusambuadi ni mulembu uê, kifua ua kʼeẋika, nda kabhue o lufuku lua ufusa ua anʼa Izalaiele, anga u ka kindula kienhiki.

Ijila 16:22

Kienhiki o kisutu kiókio ki di tuika o ikuma iâ ioso, hé uia-naiu kʼoxi ia muendeʼubheka; anga o muthu iú ujituina o kisutuʼeki mu kikangalakata.

Ijila 4:17

nganga anga u bondeka mulembu uê mu manhinga, hé u a sangela lusambuadi bhu pholo ia Jihova, kupholo kunu dia kibatulu.

Ijila 4:6

nganga anga u bondeka o mulembu uê mu manhinga, hé u a sangela lusambuadi bhu pholo ia Jihova, ku pholo ia kibatulu kia xitila mu xilu, mu kididi kikôla kinéne.

Ijila 8:11

Anga u ma sangela ue ku kalatódio lusambuadi, u unda kalatódio ni imbamba iê ioso, ni mbasinha ni mbunda iê i tula bhoxi, phala ku i kôlesa.

Mikeia 7:19

Muene ua kà tona dingi o ku tu kuatela henda; milonga ietu ua kà i titidila muene bhoxi dia inama iê anga u i jimba kiá, o ituxi ietu ioso anga ua kà i texi muʼalunga mua zongo!

Dialuilu 19:12

O mu kizuua kia katatu u di bonza ni menha enhá, ni mu kizuua kia kasambuadi, hé u zela kiua; maji se mu kizuua kia katatu ka di bonza, mu kizuua kia kasambuadi ka tena kuzela.

Nzuá 19:34

Disoladi dimoxi-phe u kuata sosa, u kubula na-iu Jezú mu jimbanji. Kithangana kienhókio anga mu tunda manhinga ni menha.

Jihebeleu 10:22

Uila kiki, tu bhiẋidienu kua Nzambi, ni muẋima ua kidi, ni kuxikana kua soko, ni ku tu zelesa miẋima mu ku tu bhuisa o kitongoluelu kiaibha, ni ku dʼixika o mikutu ni menha ma zele.

Jihebeleu 12:24

Mueza kua Jezú, ua bhange o kikutu kiobhe, iú ua sangela o manhinga ma jimbulula o ima ia beta kuuabha, ki ma soko ni manhinga ma Abele.

Jihebeleu 9:13

O manhinga ma jihombo ni jingombe, ni uthokua ua vitela ia ngombe, a u sangela ku thandu dia athu a xidi mu kukumbidila o kijila, phala ku a zelesa o mukutu ku kanga.

Jihebeleu 9:19

Kima kia dianga, Mozé ua tangelele o mundu o ijila ioso kala kia tumu o Kitumu. Hé u katula o manhinga ma anʼ a jingombe ni jihombo, kumoxi ni menha ni kindemba kia mbudi kia kusuka, ni kisasa kia hisopo, anga u sangela ku thandu a Divulu dia Kitumu, ni ku thandu dia mundu uoso.

Jihebeleu 9:21

Kiene ue Mozé kia sangela o manhinga ku thandu dia balaka, ni ku thandu dia ingolongondo ioso ia sedivisu mu kubheza.

Jihebeleu 9:26

Hé kiene, hinu ueji ku tona jinga luavulu o kutala hadi tundé ku dimatekenu dia ʼxi. Maji inda o muène ua tukuluka lumoxi-elêle kunu kua suku o jithembu, phala kukatula o ituxi ni sata ia mukutu uê muène.

I Phetele 1:2

Enu oso a mi sola kuala Nzambi Tata mu kuijiia kuê kua ima ia kèza-ku, a mi bhana o kuzela kua muẋima kua kalakala o Nzumbi iê, phala ku mi longa o kutumaka Jezú Kristu, ni ku mi sangela o manhinga mê. O kiadi ki di xale dingi kiavulu mudienu, kumoxi ni kutululuka kua Nzambi.

I Nzuá 5:6

Jezú Kristu muenhó uejile ni menha ma batizu iê, ni manhinga ma kúfua kuê. Muène kejile ngó ni menha, maji kiiadi kiâ ni menha ni manhinga. O kienhiki, Nzumbi ua ki kexila umbangi kuma kidi. Mukonda o Nzumbi, iene o kidi.