Ijila 11:8 - O Mikanda Ikola

⁸ Xitu iâ ki mu i die, o kimbi kiâ ue né ngó ki mu ki babate; kuma iosuʼiii misékanda phala enu.

Ijila 11:8 ပူးပေါင်းရင်းမြစ်များ

Izaía 52:11

Tundenu-ku, tudenu-ku, sondolokenu-bhu, kana kubabata kima kia ufusa; tundenu muʼaxaxi kâ, di-zelesienu enu oso muambata ingolongondo ia Jihova.

Hozeia 9:3

Mʼoxi ia Jihova ka kà nanga-mu; kuma Ifalaíme ua-nda kualukila ku Ijitu, o mu ixi ia Asídia a kà dia-mu makudia a kasana.

Ijila 11:7

Ngulu ue ia uanunuka kikoto, o mbatu iê ia uanuna o kikoto mu mbandu jiiadi, maji ki i tena ku di andununa mu kanu; ʼió ue xitu ia musékanda.

Ijila 11:9

Ku iama ioso-phe iene mu menha, mu dia-ku iii: ioso kiá iala ni ibhebhe ni ibhèla mu menhʼomo, kixi mu kalunga mba mu jingiji, ioio mu dienunu.

Ijila 5:2

Mba muthu ua kuata kima kiaxidi, mba kisasu kia kibhaku kia xidi, mba kisasu kia kibamba ki zanzala bhoxi, maji muene ka kʼijiia kiambote se kiene ki kia bhiti, se ua tambula lufuku, uala-phe ni kuêla.

Matesu 15:11

Kima ki bokona mu kanu, ki kiene ki xidisa muthu; inda ki tunda mu kanu, kiene ki xidisa o muthu.

Matesu 15:20

Ima ienhiʼii iene ima i xidisa o muthu; o kúdia-phe ni maku ki mósukule, ki ku xidisa muthu.

Marku 7:15

Kana kima ku kanga dia muthu ki tena ku mu bokona ni ki mu kasanesa; maji o ima-phe i tunda moxi dia muthu, iene i kasanesa o muthu. [

Marku 7:18

Muene, uixi: Enu mua soko ni akuenu! Kífua ki mualʼiki, enu uenu, mua kambe kuijiia? Ki mu kʼivu, kuma kioso ku kanga ki bokona mu muthu ki ki tena ku mu kasanesa?

Marku 7:2

Ene a mono jixibulu je jimoxi-mu jí jidia mbolo ni maku maxidi, kuma ki mòsukule, kala kiene mu tuma o jifalizeu mundu kubhanga.

Jipoxolo 10:28

Anga ua ambela, uixi: Enu mua kʼ ijiia kuma muthu uala Judé, a mu kidika o kukuata ukamba ni mukua ʼxi iengi, mba kubokona ngó mʼ onzo iê ni kubhongoloka-nê kumoxi. Maji eme-phe Nzambi ua ngʼ idikiza kuma ki ngâmbe dingi muthu kuiibha mba kuxila.

Jipoxolo 15:29

Kana kudia xitu ia iama iojibhe phala ku i satela iteka. Kana kudia manhinga moso-moso, mba xitu ia kiama kiokuenhe. Ki mu bhange ue undumbu. Ima ieniʼii se enu muenda ni ku i lenga, mua bhange kiambote Tua mi menekena! Mahezu.

Loma 14:21

Kima kiauabha o kukamba kudia xitu, mba kukamba kunua vinhu, mba kukamba kubhanga kima kioso-kioso ki bhangesa phangʼ iê kudibhala mu kituxi.

I Kolindo 8:8

Kia kidi ue kuila o kudia ki ku tena ku tu uabhesa kua Nzambi. Mukonda tuila tu kamba kudia-ku, ki kia tu tebhununa kima; o ki tuila tu dia-ku, ki kia tu bande kima.

II Kolindo 6:17

Ngana muène uixi, dingi: Uila kiki, Tundenu mu mundu uâ, mu di kalele, eme ngi Ngana. Kana kubabata kima kia ufusa, eme nda ngi mi tambulule.

Efezo 5:11

Kana kukala mu kisangela kia imbamba ioio ia kitombe, ki iene ni kuima, iene mù bhanga akuenu. Kota mu kala mu ku i bazela, phala ku i bheka muazele.

Efezo 5:7

Enu-phe, enʼ ió kana ku di lunga-nâ.

Kolose 2:16

Uila kiki, kana muthu a mi kuatese jiphata, ja kudia ku mu dia, mba ja kunua, mba ja kizuua kia fesa, ia izuua ikôla, mba kia mbeji iathethama, mba kizuua kia sabhalu.

Jihebeleu 9:10

Iene ioso íii ia tange ngó makudia, ni makunua, ni nzungule ia jifesa ja ku di zelesa. Ilekelelu ia xitu i sedivila ngó kathangana katé Nzambi kia kà bhangulula o ima ioso.