Ijila 11:32 - O Mikanda Ikola

³² Katé ni ku imbamba ienu, se kua sonokena kama ka tokala ku tubamba tutu, kuila tuafu kiá, kienhókio ue kia kasana muene; kikale kitutu kia muẋi, mba kizuatu, mba kibha, mba saku, mba kiselengenhe kioso-kioso kia kukalakela, i bhinga kiá ku i bhitisa mu menha, anga i kala kienhiki katé ku ngoloxi; kuabhu-phe, ia dʼiẋika kiua.

Ijila 11:32 ပူးပေါင်းရင်းမြစ်များ

Ijila 15:12

O kitabhu phe kia utuma, kioso kióbabate kuala diiala di ala ni kibhubhe, a ki bule; maji hé kitutu kia muẋi, a ki sukule ngó ni menha.

Tito 3:5

Muène o ku tu bhulula, ki kia kaiela mu imbamba ia kuiuka kuetu i tua bhange etu, maji mu kulenduka kuê muène. O ku dibônzo diê, iú ua tu zelesa ni Nzumbi iê Ikôla mu ku tu vualulula dingi ni ku tu bhana muenhu ua ubhe.

Tito 2:14

Muène muthu ua di bhele bhu kididi kietu, mu ku tu kula ku mangonha, ni ku tu zelesa, ni tu kale tu mundu uê ua ngene, mundu ua suina mu kubhanga ima ia mbote, ua mu tokala muène.

Ijila 6:28

Imbia ia mavu muoso mua i lambela, kikale u i bula; se a i lambela mu ímbia ia ngôndo, kikale a i seka, anga a i sanguluila mu menha.

Ijila 11:31

iama iii i mi kale misekanda muene iahatu; kuila iafu kiá, uoso ngó u di bhiáuna-ku ua di kasanesa kiá, katé ku ngoloxi.

Ijila 14:46

O uoso-phe u bokona mʼonzuʼomo, izuua ia i jika kiki, unanga ni kukasana katé mu ngoloxi.

Ijila 15:15

o nganga a mu bhele dimoxi ku kiamenga kia kituxi, o dia mukuâ phala sata ia kubhakula ni túbhia; mu kubhanga kiki-phe nganga u mu bhangela kiamenga kia kibhubhe kiê, bhu pholo ia Jihova.

Ijila 16:26

O muthu uoso uendele kuxinjikila o hombo-ia-muxídika, a sukule o izuatu iê, o muene ue a dʼiẋike ni menha; kiene kiua kia bokona bhu kibangu, mu kilômbo.

Ijila 17:15

Muthu uoso ue kixi mukuaʼxi, kixi nzuángiza, se uedi udia xitu ia di fuila, mba a i sanujuna kuala o iama, a sukule-phe izuatu iê, muene ue a dʼiẋike mukutu ni muenha, kukasana kuê a kale na-ku kumbi dioso dia kambâmba, o ki bhiẋila ngoloxi-phe, kukasana kuê kuabhu kiua; kiene kiua kia kala ni kuzela.

Ijila 22:6

uoso ngó u di bhiáuna ku ima iii, ukala kienhiki ni kukasana kumbi dioso dia kambàmba, katé ku ngoloxi; ku iima-phe iòsatele Nzambi ka tena ku dia-ku, inda u dianga janji ku dʼiẋika o mukutu uê ni menha.

Dialuilu 19:7

O nganga kia tunda bhobho, u sukula o izuatu iê, hé u dʼiẋika o mukutu uê mu menha, anga u bokona kiua mu kibangu; o nganga u kasana muene katé mu ngoloxi.

Dialuilu 19:15

Ni kitutu ue kioso-kioso ki kala ni dikanu dia jikuka, anga a kamba o ku kutila-ku mulele ua kizuikiku, ki kasana.